ربات منزل متفائلات بيتنا الخامس

يومياتي

اليوم ماسويت غدا زوجي سافر المدينة اللة يرجعة بسلامة رسلت ولدي جاب غدا

تغدينا ورفعت الغدا وريحت شوي وعلى الساعة 6 سويت كباية شاهي وتنشطت

قمت غسلت المواعين وكنست البيت ومسحت البلاط وغسلت الحمامات وعملت

صنفرة لجسمي وتروشت وجهزت عفشي بروح بيت اهلي بس ولدي تاخر معا

المركز الصيفي وكنسلنا الروحة وجلسنا في البيت وسويت العشاء شكشوكة

وتعشينا ورفعت المطبخ وجالسين انا وعيالي نتفرج مسلسل عطر اعادة الحلقات حق الاسبوع كلة

بنات ابغى اعرف رايكم في الفيس بوك

صباح النور والسرور..

البارح طولت على النت ومليت... والتفت على الصالة واذا هي بحال يرثى له..

وانا استحي على وجهي واقوم وارتبها وامسح الطاولة واكنسها بالكهرب..

ودخلت الحمام وبخبخته بفلاش ومسحته..

ونامو بناتي وسويت عشى لي ولزوزي سباكتي بالخضار..

وغسلت مواعيني بعد ما تعشينا ونمت..

واليوم توني اتمغط..يادوب تقهويت وجيتكم..غرفة بناتي تستنجد بس قلت اصبح عليكم اول..

وقطو
____________________

جوجو..مع ليش توني اذكر سؤالك عن فلاش..

هو يختلف تماما عن فلاش اللي نعرفه.. بس تشابه بالاسماء فقط..

دلوعة.. شرهتك على اللي يعرف الفيس بك وشو!!!

بصراحة ما ادري وش فايدته!!!؟؟ كل واحد يستعرض نفسه..وبعدين؟؟؟؟

البعض يدعي انهم يتشاركون من خلاله المعلومات والخبرات..

لكن انا اقول هو على حسب استخدامه.. لكن حنا ما نعرف نستغل الشي بشكله الصحيح..للاسف..

اصلا النت بكبره العرب ما استفادو منه صح!! السلبيات اللي جتنا منه اكثر بكثير من الايجابيات..

من جد هنا اللي ماعنده نت يحس انه ظايع وما يقدر يخلص شغله.. اما حنا مجرد سعة صدر وبس..

وينكن يا بنات..

قاعده اتصفح والكل قاعد يستعد لرمضان باللف والفرزنة..

وظاق صدريييييي..

الحين زوجي يقول اننا بنروح لبيتنا اسبوع او اثنين برمضان..لأن عنده اشغال يبي يخلصها هناك..

والله ما ادري وش هالشغل!!!!

والبيت مهمل اكثر من ست شهور..ومع نوبات الغبار اللي جت لكم ان تتصورو الوضع!!!

هذا غير ان اخوانه والله يخليهم لعين ترجيهم.. اكيد بيجون عشان يسلمون علينا وبيفطرون عندي اكيييد!!!!!!!!!!

دايم يحوسوني الله يهديهم..لما اطلع من الاربعين وارجع لبيتي..يكون النواع الغبار والكركبه..

ومعي بيبي ماسك على يدي..وما بعد سيطرت على الوضع الا ويجون من دون سابق انذار عشان يشوفون البيبي الجديد..

جياتهم لنا قليلة جدا وما اكرهها..بس دايم تسير حوسه و ما اكون راضيه ابدا عن بيتي وضيافتي..

شايله هم من جد..بس اقول هالمره البيبي كبر وعقل.. والله يعين..

والله مالي خلق للصده في بيتي..ابي اقعد عند اهلي...لاحقه على الصده والبعد..

عصر الخير
البارح نمت بدري 1 ونص صحيت صليت الفجر ورجعت نمت الى 8 ونص على اصوات اخوي وامي اخينا في الله رايح الحلقة جايب تمر كثيييير مرة يمكن 200 صندوق جيتهم وزعنا انا وامي
التمر في علب ماخلصنا الا 12وربع سويت قهوة وحطيت من التمر صليت الظهر واتقهوينا انا وخيو
امي صايمة ورجعت صحيت وتوني صاحية صليت وحطيت مناشف المطبخ في الغسالة
دلوعة
والله ماعرف عنة شي سمعت انة لتعارف
روز
الله يعينك والله اذا عندك اخت قريبة من بيتك خليها تروح قبل لاتجون بكم يوم وتنظفةوتاخذ معاها شغالة تساعدها

عصر الخير
صرت اذا مريت ودي اكتب اي شي عشان خاطر انوثه
صحيت الظهر اليوم بعد ماصليت واكلت كيكه حطيت الملابس بالغساله
والحين حطيت الدفعه الثانيه
سويت الغداء اتغدينا وكنست عالسريع
عندي دولاب المخزن يبي له ترتيب كله بطانيات
وشريت اكياس ضغط من اسبوع وهي بالكيس تنتظرني
ودي اقوم ارتب بس اقول بنفسي لا اليوم الخميس المفروض مااسوي ولا شي عميق خخخخخ
المشكله اني جالسه عالنت.
..............................
دانة الم
الله يقويك ويخلي لك امك .
..........
دلوعة زوجها
وش هو الفيس بوك
البارح اسال اختي عنه وتقول ماادري وش هو؟
...........................
ام رغد وربا
اش دعوى لا يكون خاطرك الا طيب
الله يسهل عليك
........................
روز
ضروري ولازم احد ينظف لك قبل من جدك بتجين للغباروبيمديك تنظفين؟
اذا كان لك احد ساكن جنبك خليهم يجيبون شغالات وينظفون لو سطحي لانك ماراح تطولين
والا روحي اهلك وزوجك يروح اهله .>>صرفتكم على كيفي هههه
...........................
كوب نسكافيه
ههههه ولدك ماعنده وقت ياحبي له.

هههههههههههه

شذى ياملحك وملح تصريفك..

عندي اخت بالشرقيه بس عسى الله يسهل عليها..

حامل والدكتوره محذرتها تتعب نفسها لأنه جايها نزيف في بدايته..

واهلي موب حولي..

اذا فيه امكانيه ممكن سلفتي..اللي زوجها معه مفاتيح البيت عشان يشقر عليه من فتره لفتره..

بس الله يشفيه ويخليه لهم.. هاليومين تعبان..

ومستحيه منها..

خلود..زوجي ما يقبل شغل هالحريم.. بالاضافة الى ان ثلاجتي خرباااااااااانة...!!!

وناوين نعيش على ثلاجة غرفتي..خخخخ مثل ما حنا عاييشين عليها هنا.!!!!!

يعني ماكو فريزر!!!

والله بلشة..!!!

تتمة يومياتي..

بينما كنت مسنتره عالنت كعادتي السامجة.. لمحت من الشباك سيارة تشبه سيارة زوجي..

وانا انقز واقطع الاتصال واقول لبناتي: ابوكم ابوكم..رتبو رتبو...

وانهبلن ولولو انحاشت..خخخخ:085:

والكبيره ما تدري من وين تبداء..والصغيره تتفرج على المسرحيه حقتنا!!

واركظ للمطبخ واركب عالقهوة.. والمفروض يكون الغدا جاهز!!!!!!

و ارجع للصالة واسكر الجهاز وارتب الصالة بسرعة بسرعة..

وارجع للمطبخ وانا متباطية.. وينه الى الحين ما دق الباب ؟؟!!!!

وقصرت على القهوة.. وقعدت افكر وش اطبخ وش اطبخ ؟؟!!!

بعدين استوعبت ان اللي شفته مش البع بع حقي.!!!

<< من جد بعبع..ما ادري ليه انخرش اذا جاء!!!!؟؟؟؟

ودقيت عليه..قال انه بيطول..

قمت دخلت الدجاجه بالثلاجة..<< ما صدقت..

وزليت القهوة وحطيت اربع فناجيل..

وجبتها بالصالة وقعدت التفنجل مع اميراتي ربي لا يخليني منهن..:04:

وطلعت لولو من تحت الطاولة<< متخبية من الهبلة..:lol:

وسولفنا وتفنجلنا..

وسخنت لهن باقي السباكتي اللي البارح..

وكان الجو غاااائم.. قلت شكله بيجي مطر قوي..


ورش المطر..يا حلوه.. ورعود<<< من زمااان ما سمعتها على كثر امطارهم الا ان الرعود نادرة..


يوم وقف المطر..رحت فرشت شرشف على الارض ولبست بناتي جاكيتات..

وخذت قهوتنا وطلعنا بالبلكونه نكمل التفنجل..

ولعبنا دومينو.. ثم دخلنا من البرد..

كلها بركه هالسياره اللي خرشتني.. خلتني اسكر هالنت اللي ماخذني وشاغلني عن بناتي..:thumbs_down:

وقطو..

مساء الخير والاحساس والطيبة
كيفكم يا حلوات
لااازم نطل عليكم حتى لو ماكتبت ..لكن الاكتئاب عندي عامل عمايله..
مع اني كنت حاطة في بالي اني ممكن تتكنسل السفرة لكن لما بديت نجهز وعشت الجو واشتريت اللبس وصبغت شعري وشقرت حواجبي وحفيت جسمي وتحنيت وصرت كاني عروس ماشاء الله تبارك الله ..زوجي مرض وابني عزوز وماقدرنا نسافر .. الاسبوع اللي فات سافرنا لمصراتة بعدها 250 كيلو واشتريت منها ملابس وشوية ذهب لان سوق الذهب عندهم روعة يذكرني بسوق دبي ..وكانت السفرة هذي سبب مرض زوجي وولدي لاننا اشترينا اكل جاهز من مطعم وانا ونونة ما اشتهيناه واكلنا بس فواكه وزوجي وعزوز اكلوا لين قالوا بس ومرضوا من الاكل شكله ملوث الله يسامحهم بس ...
واقترح زوجي انه يرسلني بالطيارة انا والبيبي لكن ماقدرتش نسافر ونخليهم واصلا الطيارة مواعيدها بايخة يعني توصل قبل الزفة بساعة والرحلة اللي بعدها بعد 5 ايام يعني سفرتي بتكون تقريبا بعد مايخلص العرس !!!! قلت خليني نقعد ابرك وان شاء الله في اجازة العيد نمشوا نعيدوا ونباركوا وخلاص ...
وهذا اللي صار ..مشينا لاهل زوجي من يومين وبيتت عندهم كتغيير جو وانسجمت الحمد لله مع ان عزوز مازال مريض وخذيناه للدكتور وقال عنده فقر دم وانقهرتت عليه ..وشاف صدر نونة وهاوشني قال هذي تبيلها كورس 3 اشهر علاج والا بتصير عندها حساسية صدر دائمة ...وانا دموعي اربع اربع ..عيالي صايرين كانهم بمجاعة لا اكل ولا شرب ولا لعب زي اول ...من ولادتي بنجومي وهم في النازل كانها عين وصايبتهم .ربي يرفع عنهم يارب ...دعواتكم
نفسي نبدا نجهز لمضان لكن للان ماليش نفس ..
امس ارسلت لاستشارية في التنمية البشرية نبي نبدا معاها جلسات يمكن ترجع لي حماسي في الحياة من جديد لاني حاسة اني كسلااانة مع السهر والحر ...وهذي باختصار اخر اخباري ...
اليوم بعد نمنا العصر صحيت عملت كيكة بالشكلاتة للعيال وجت تهبل ماشاء الله واكلوا منها عيالي وفرحت جدااااا وغسلت حوستها ورضعت نجومي ونيمته وجلست مع العيال هم يحضروا التلفزيون وانا نتبرد على المكيف وعلى النت ...
...نستنى في زوجي يجي يقعد جنب عياله وندخل ندوش خاطري في دوش معتبر ...
....
روز خخخخ ضحكتيني وتخيلت الموقف بالضبط هههههه بس عندي لك حل قبل ماتقعدي عالنت رتبي الحوسة وركبي عالقهوة واضغطي نفسك في اقل وقت وبخري واجلسي وشوفي الانسجام اللي تكوني عليه ..
انا لما نجلس وعندي اشغال وحوسة نحس كاني على جمر ..لاني لا اللي خلصت اشغالي ولا اللي تهنيت بالقعدة من شيلة همها والخوف من احد يطب عليا .. و الان انا لااازم على الاقل نخلص 80 في المية من اشغالي على الاقل اللي لو جا زوجي فجاة ما يلاحظهاش بالذات ان زوجي جنوبي خخخخ لكن انت الله يعينك على الشمالي علما باني شمالية وافتخر !!!!!
سامحوني بنات اسفة لاني مقصرة في الردود عليكم لكن والله الوقت مايسعفني لكن تاكدوا اني نقرا في يومياتكم حرفا حرفا ..
وربي يهنيكم ويسعدكم وحدة وحدة ..

مساء الخير00 اخباركم
روز تنورن السعوديه ونفس كلام البنات خلو حد يرتب لكم لو سطحي اهم شي ينفضون الغباااار
انووووثه بالنسبه لسؤالك عن الشغاله ماكنت اشجع على وجودها نهااائي لانهم يقيدون في كل شي بس لما حملت الان ومع الربط وجربت الراحه والنظافه وانا اميره ببيتي لاتعب لاشي خصوصا زوجي من النوع الي يحب كل شي مرررتب واني مرتبه وكل شي على ستقة عشره
بالله كيف تجي اكيد ماراح اخلص الا انا منتهيييه
والى متى اكرف بعمري خل الحق شبااابي وادلع عمري وانبسط مصير الكرف بيلحقني بس ع الاقل اتنغنغ ها لسنتين باذن الله
ماعندي جديد يذكر غير اني منسدحه عشان الحمل وتعبتني الالتهاابات والحموضه والحساسيه الله يكتب اجرنا ياب
عيالي راحو الاستراحه وانا جالسه قلت للشغاله تسوي لي سلطه اتعشى ويارب اتهنى بدون حرقااان
بالنسبه للسؤالك يادلوعه عن الفيس بووك اسمع به لكن ماعندي اي خلفيه عنه اللهم انه للتعاااارف
دانة الم بالعااافيه الرطب ياحبي له عاااد الان موسمه
بنات فكرت افرزنه بس يخرب كيف طريقتكم احسه يطلع فيه مويه مع اني احطه بعلبه بلاستيك بالفريزر بس برضه يخرب
:L::L:

السلام عليكم ورحمة الله
امس الأربعاء / رحت بعيالي للدكتور وعطاهم مضاد وخافض وطمنا علينا الحمد لله
اليوم الخميس / ما هناك جديد إذا صار زوجي بالبيت ما أعرف أشتغل اللهم غسلت شوي ملابس وسويت خضار للعيال
حاولت أتابع دورة في عالم حواء عن إدارة الوقت لكن ما حصلت وقت خخخخخخخ

-------------------------------

وفاء /
الله يشفي زوجك وابنك وما تشوفوون شر والله .. أزمة وتعدي .. وإن شاء الله تشوفين أهلك بصحة وسلامة .. أجل أنتي مثلي أنا شماليه وزوجي جنوبي ..

أم رغد /
الله يتمم لك على خير وييسر أمرك ويرزقك بالذرية الصالحة يا رب

أنوثه /
الله يفكك من هالشغاله على خير ولا يحوجك لأحد

جداويا /
أخبارك طمنينا عليك عساك بخير

رووز /
الله يخلي لك أميراتك ويحفظككم لبعض .. وترجعون السعودية بالسلامة وييسر أمرك

وولجميع سلامي ودعواتي

همس
أعطيك طريقتنا يوم كنت عند أهلي ربي لا يحرمني منهم .. الرطب له ذوووق وطعم خاااص عندهم =(
المهم جيبي الكرتون حق الرطب ونقيه من الخربان والمعفس وبدون ما تغسلينه رصية في العلب البلاستيك الصغيرة
اللي مثل هذي والأصغر بتكون أحلى وما تخرب عليك الرطب بسرعة
http://go.3roos.com/NGgsWbNXCFT

وبعدين صكريها زيييين وجيب ي الشطرطون العريض اللي لونه بيج لفيه حول حدود العلبه ولبقيه زين وبعدها فرزنية عادي
لكن ضروري لما تجين تستعملينه أنك ما تغسلينه كله أغسلي الكمية اللي تحتاجونها قد صحنكم وبس

كوامن مشكورة عالدعوة الحلوة ولك مثلها ,,اجل انتي شمالية زيي وزوجك جنوبي خخخخ
ها اخبارك مع حرق الاعصاب ...بالنسبة لي ولزوجي زي توم وجيري وانا احب كل شيء بيرفكت وهو يحب حياة السبهللة ..
لكن ما ينفع الجنوبي غير الشمالية والا بتصير حياته مسخرة خخخ الله لا يحرمنا منهم ذوي الدم البارد خخخخ...لكن مخفف علي شوي ان عيالي شماليين زيي ...والا كانت حوسة ...منظمين ويحبوا النظافة يا حبي لهم ..
حتى انا حاولت امشي مع الدورة بس مالقيت وقت خخخخ

رووز ضيقتي صدري والله لازم البيت ينضف قبل تدخلينه الله يعينك وبعدين تعالي كيف تمسكون معانا بالصيام امسكوا اذا بداء الفجر عندكم......!!!!!!

يتصفح الموضوع حالياً: 4 (4 من الأعضاء و 0 من الزوار) ‏رايقه وحولي عصافيري, ‏خلود ريح العود, ‏همس28

منوووووره خلود وهمووووسه اخباااااركم