ربات منزل متفائلات بيتنا الخامس

سلخيييييييييير
ألف ألف ألف ألف ألف مبروووووووووووووووووك عليك البيت الجديد عقبالي :D
شوي شوي بتتعودين عليه
الله يسعدك فيه ويهنيك يا رب
والله خاطري في بيت جديد كارهه بيتي كره مو طبيعي!!!

سلخير
الحمد لله خلصتي ياجعله منزل مبارك
ولا تنسين تشغلين سورة البقره
ورددي دايم باوقات الإجابه اللهم انزلني منزل مبارك وانت خير المنزلين.
اما مراهقتك شي ومتعاونه انتي واختس على الشر!!!ههههه
بس تدرين انا يوم كنت مراهقه صديقاتي يحبون ممثلين اجانب وكنت ابي اقلدهم
بس ماش مااعجبني احد منهم قلت خليني على الرومي
ايه وبعد كنت الله لا يبلانا ويتوب علينا من عشاق خالد عبدالرحمن وراشد الماجد!!!خخخخخ
.....................
كوب نسكافيه
ههههه ياحلو ولدك
يجنن اجل انتي ابو المحقق كونان حقتنا الله يردها بالسلامه.
....................

إنجازاتي
الحمد لله غسلت كل الغسيل وآخر دفعه الحين بالغساله مخدة زوجي تبع العمل صفراااااااء
وحطيتها بالغساله ...واحلى شعور لماتكون السله فاضيه بس هيهات>>خخخخ
وكويت الملابس مو كثيره يمكن ربع السله
ومسحت السيراميك وسجنت عيالي سجن مؤبد بالمقلط
بس الله يصلحهم كل شوي طالعين داخلين التلفزيون يشتغل بدون صوت وطفشو
وغسلت الحمامين (تكرمون)
وبخرت ببخور بانافع ومعمول رهيب والريحه جناااان
وجلست المغرب وكنت ناويه عالسوق
بس زوجي قال مو اليوم
وبعد صلاة العشاء كلمت سلفتي وسوالف ساعه كامله
وقمت سويت حلى بمشاركة عيالي كنت ابي اغير جو بس كل شوي معصبه عليهم حاسوني
يتطاقون على كل شي !!
وبالاخير لعطت>>>بمعنى لعقت او أحرقت
يد ولدي الصينيه وجلس يصيح وطلع وزعل علي هههه وه الله يصلحهم
وغسلت الموعين وصلحت لنا سندوتشات وجيت عالنت ..
وبس.. طاب في وسط الزباله ههههه خخخخخ>>>تستخف دمها
...................

امنياتي
الاولى...احفظ القرآن ويكونون عيالي من حفظة كتابه واربيهم احسن تربيه.
الثانيه...أشوف اهلي بأحسن حال وخصوصا اخواني.
الثالثه...اتمنى اني احتل مكانه كبيره بقلب زوجي ولا يفكر بغيري
طيب ممكن امنيه رابعه ؟ههه اجيب شغاله تساعدني بامور بيتي بس ماتنوم عندي تشتغل وتروح .
............................

صباح الورد F:
كيفكم يامورات وياعسولات والغايبات وحشتووونا خاصة الي من زمااان مادخلو حبيبة زوجها ودونة
يومياتي الاحد ..ناسية متى صحيت لكن اكيد قريب الظهر كنست غرفة المعيشة والصالة فقط واختي سوت الغدا سندوتشات شاورما غسلت
المواعين وصليت العصر وسويت قهوة بالزنجبيل ورحت مع اختي السوق
اشتريت تنورة جينز وبلوزة وردي وارواج من مكياجي تدرجات الوردي
واخذت ثلاث الوان اكحال من محل عادي صاحب المحل يقول ضد الموية
اشتريت معمول وشكولاتات وتعبت مررررة في السوق صرت مااشوف شي الدنيا سووودة ارتحت شوي وخف رحنا سيد جنيد اشتريت عطر نواعم
واخذت مبخرة من عندهم اشترينا عشا مسحب من البيك موجود في نفس
السوق ورجعنا 9ونص اتقهوينا واتعشينا ونمت ساعة ماارة تعبانة كنت
صليت الفجر ورجعت نمت
اليوم الاثنين
صحيت 11 ونص اخذت دش وامي حضرت الفطور افطرنا والظهر سويت قهوة وحطيت معاها قهوة ومعمول اتقهوينا وقمت على ابواب البيت
حطيت ماء والعملاق في بخاخ ومسحت 4 ابواب وغسلت الحمامات وعطرتها وغسلت المغاسل وكنست المدخل وحطيت شجرة كانت في المدخل في البانيو تتروش غسلت الشجرة وخرجتها برى وغسلت البانيو
واخذت دش انا كمان ولبست بنطلون بني وبلوزة بيج طويلة الي الركبة
صليت واستشورت شعري وحطيت روج بيج وكحل وظل خفيف بيج
سويت قهوة واختي سوت بسبوسة وسينبون ورحنا بنت خالتي
وقبل لاتفتح الباب لبست خلخال ولبست خاتم في اصبع رجلي مادري اذا لة
اسم ثاني انا اقولةخاتم بنت خالتي عجبها لبسي اول مرة البس بنطلون في زيارة بالعادة بالعادة يافساتين او تنانير
اتقهوينا وسولفنا الى العشا ورجعنا صليت العشا ورجعت امي الساعة 11
من الحرم لانها راحت مع جارتنا جابت معاها العشا برياني اتعشينا وسويت
شاي بالنعناع تشهوينا وحطيت دفعة ملابس بيضا في الغسالة وباقي دفعة
ثانية واخلص الغسيل والحين بغسل مواعين العشاء واسويلي نسكافية
فتوكوو بعافيا ياصبايا :L:

امنياتي
الامنية الاولى ..امنيتي اني اتوظف في نفس منطقتي ومااتوظف في قرية
عشان مااحتاج احد
الامنية الثانية ..اتمنى ان اخوي يتوظف وان الله يبعد عن كل اخواني
اصحاب السوء
الامنية الثالثة .. امنتيتي ان ربي يشفي امي من كل امراضها ويخليها لنا
ويفرح قلبها فينا هذي
الامنية الوحيدة الي لو تتحقق مابغى شي غيرها من الدنيا كلها

صباح الخير:adore:الاثنين قمت الظهر 12ونص اذن وصليت وجهزت الغداء كبسه لحم في الضغط وسلطه جاء زوجي وتغديت انا وياه اولادي نومهم مشقلب مع العطله000 ماينامون الا 8 ويقومون 5 العصر بس راحه الله يصلحهم من يقومون صياااح ورجه
تغدينا وجلست انا وزوجي شوي ونمت الى العصر قمت صليت وجلست اتفرج ع التي في قاموا عيالي روشت الصغير والكبير تروش
ولبستهم وجلسوا يززززززنون على راسي يبون الحوش مع عيال جاراتي :mad:وانا معصبه منهم شمس وحر وتوي مكشختهم حلفت مافتح الباب الا 7
لهم خخخخ
الساعه 6 عجنت جبنيه وتركتها تخمر وبعد ماصليت المغرب قليتها وجهزت قهوه تقهوينا وبعد العشاء جاء زوجي من الصلاه شربنا شاااهي واكلنا فشاااروجلست اتابع معاه مباراه ماحبها بس مجبره
امنيااااااتي
الامنيه الاولي ان الله يخلي لي زوجي وعيالي ويحننهم على بعض واشوفهم في احسن المراتب
الامنيه الثانيه ان ربي يرزقنا ويمتعنا بصحتنا ونبني بيت ملك لنا واستقر في ديرتي عند اهلي واحبابي
الامنيه الثالثه اني اولد بالسلامه وينزل وزني واصير رشيققققه ويجملني بعين زوجي ويشوفني حوريته يارب
الامنيه الرابعه ماتنعطى وجه الله يوفقني ويهديني واصير ممن يحفظون القران واختمه يارب
انثى ذوووق ماخلصت امنياااااات بس استحيت على وجهي خخخخ ماتنعطى وجه
-------------------------
:L:

فجر الخير شوي وياذن الفجر
بعد ردي السابق شطبت ع المواعين ومسحت البوتجاز وعقمت المغسلة
وسويتلي نسكافية واخذت معاها تويكس وشطبت كمان ع الملابس ونشرتها
واخر شي غسلت سلات الغسيل ومسحت الغسالة
سحر ..هلا فيك بينا نورتي والله يوفق ولدك ويطلع من المتفوقين
سلخير ..مبروك البيت الجديد والله يعطيك العافية ومراهقتك خطيييرة احسن منا ع الاقل راهقتي
على ناس عدلة مو حنا الله يخلف علينا اما خالد عبدالرحمن الحين وش عاجبك فية بالله لا صوت
ولا شكل خخخ
شذا الورد .. سلامة ولدك من لاعطت النار وبخور بانافع منعش

قال المارد 3 امنيات خخخخ وماانتهت امنياتك ياهمس وشذى خخخخخ
خذوا راحتكم خخخ تمنوا وتخيروا

امنياتى واخ من امنياتى
1- ابي بيت بعيد من هنا ملك واتهنى فيه وجيران طيبين
2- ابي احفظ القران وابي عيالى من حفظه القران ابي ولدي يشار اليه بالبنان ويكون من ائمه الحرم مثل السديس بدل السديس يقولون ولد انثى فلان الفلانى والكل يبي يسمع صوت تلاوته ويخليه لى ويحفظه من كل شر ويرزقنى بره وبر اخواته

3- ينزل وزنى وتستقر امورى وترتاح نفسيتى وربي يختم لى بخير

صباح الخير..

سلخيييير... ما شاء الله..عالبركة البيت الجديد..

والله انك امس في بالي وافكر فيك..

تعالي يا صديقة المراهقة.. انا الفرقة الاجنبية اللي كنت ميته عليهم هم باك ستريت بويز..

و ان سينق.. و اي ون..وفايف.. ووست لايف..

واحلا شي لما يكون معك احد يشاركك خبالك..

انا اختي كانت تمر بمرحلة العقل الزايد اللي مريت فيه وانا بثاني متوسط..<< ما راهقت الا وانا بثالث ثانوي !!

انثى.. امنياتي..

ان الله يهديني ويصلحني ويحسن خاتمتي..

ان الله يرزقني بالولد الصالح اللي يبر فيني وما ينكد على خواته..

وبيت ملك مصمم على ذوقي واختياري.. وبالرياض..

من جد هذي هي الامنيات اللي دايم اتمناها..

____________________
يومياتي..

اليوم بعد ما وديت البنات للمدرسة.. ما جلست عالتي في زي دايم..

على طول غسلت المواعين..ورتبت الكاونتر ترتيب سريع..

ومسحت الدواليب من برا...ولمعت طاولة الطعام والـTV..

وحطيت دفعة بالغسالة.. وكويت الملابس اللي تحتاج كوي..

ورقيت حطيتها باماكنها.. ورتبت مفرش سريري وجيتكم..

الحين بطلع لغرفة الغسيل اكمل شغلي..

وبركب عالقهوة..

قطو..

السلا م عليكمم ورحمة الله
يومياتي أمس
يومياتي كانت متعبه رحت المستفشى عشان موعد لولدي ورجعت 4 العصر وحرررررر مووووت يا لطيف جو أمس مو طبيعي والظاهر حتى اليوم كأن المكيفات مو شغاله
رجعت أفطرت ونيمت عيالي غصب وما صحيت إلا على أذان المغرب وأعوذ بالله من نومة المغرف تتعب وما تريح
قمت غسلت شوية ملابس
اكلت عيالي ومره ع النت ومره ألعب معهم ومره اصارخ وحاااله وعلى 11 تعشينا ونمنا على 1 وما قدرت أنام من شدة حرارة أقدامي تكرمون دايم كذا في البرد في الحر أحس بحرارة في رجولي ما أدر أخليها تحت اللحاف ولازم أدهنا وبعض الأحيان أرفعها فوق مخده الله يعين


اليوم
يا دوووب قمت من السرير مكسره ولسى ما سويت شي الللحين جالسه أفطر واكتب لكم وإن شاء الله أسوي شي مفيد اليوم في البيت

ايوه نسيت أقول لكم خلال هالأسبوع بدأت في عمل يدوي تقريباً مثل هالصورة طبعاً مو نفسها بس نفس الفكرة عشان أوصل لكم الفكرة


كان عندي تنوره ماأبغاها قصصتها ورتبت الجيوب وخيطتها بحيث تصير أدراج أحط فيها الأغراض مثل جوال ريموت دفاتر أقلام أي شي أرفعه من العيال وعلقته على الباب عن طريق علاقة الملابس الحديد ومسمار في الباب
أعتبره أنجاز وفرحت فيه مره =)

[COLOR=Purple]أنوثه /
لو جينا عالأمنيات مافيه أكثر منها والله يحقق اللي فيه الخير لكن بلتزم بس ب3

[COLOR=DarkOrange]أمنياااااااتي
1/ أني أكمل حفظ القرآن مع فهمه وتطبييييقة
2/ أن أولادي يكونون صالحين مصلحين ويخدمون الدين ويبتعدون عن المعاصي
3/ أني أنا وزوجي نلتزم الإلتزام الحقيقي والإستقامة الصح ..

فيه أشياء كثيييرة مثل البيت الملك والإستثمار ووو بس أكتفي باللي ذكرت
[/COLOR][/COLOR]

الامنيه الاولى
اتممنى ربي يوفقني انا وزوجي ونربي اولادنا التربيه الصالحه اللي ترضي ربي ويرزقنا صلاح القلوب
الامنيه الثانيه
اني اشوف ولدي امام في الحرم ويكون ممن يأمر بالمعروف
الامنيه الثالثه
يكون عندي دخل وشغل خاص فيني اسويه في بيتي
يعني ماالتزم بوظيفه

كوامن ماشاء الله عليك ذكيه 00عجبتني فكرتك مبدعه

مساء الخير ايش اخباركم خلصت امنياتكم ولا لاء

يالله تمنو ا قبل ما يروح اخونا المارد بسمالله علينا