تجمع بنات وامهات "عراق" لشهر رجب

لوفلي لولي مايشوف شر حبييييبي ايفرن...انا خليفه بعد طلعت له من فتره وقالولي يمكن اكزيما بس السبب الرئيسي من الاكل....
شوفي انتي شنو عطيتيه وطلعت له الحبوب حتى لو الرز يمكن يحسس في يهال يحسسون بسرررعه من الاكل واول ماتشوفين الحساسيه من نوع وقعيه على طول اذا كنتي تعطينه خوخ فايحسس او طماطم هاي يحسس وايد وبعد الكوسه والمانجو...
طمنيني عليه حبيبي ومايشوف شر...

امس كلش مانمت انا وخليفه مادري ليه تجيه الصخونه بالليل لين الصبح وانا تعاديت بلاعيمي وشخونه وزكام وكنت بستفرغ الله يعزكم مادري شنو جاني لو ماكانت فيني الدوره جان بشك في عمري خخخخ..

شندي ...العيش وايد وايد زين
واذا عندج الحلبه حطيها مع ماي الحليب ماله وايد زينه...

ام شيوخ تسلمي حبيبتي


الله يشفي خليفه ويحفظه

مشكووورات خواتي

ام شيوخ والله هذا عنده من كان عمره شهر يعني قبل مااعطيه شي





بس بالليل خوفنا كثيييير :(

جان نايم وفجاه قعد يرجع الحمد لله كنت صاحية بلحظتها وشلته فورا عشان يتنفس
كان يرجع من انفه وفمه :(

تقريبا رجع 5 او 6 مرات
حسيت انه كل اللي اكله من الصبح ما مهضوم!
لان رجع كثييير


مع اني البارحة ماعطيته شي غير حليبي

غيرت ملابسه وشراشف سريره وسريرنا
ونام
من خوفنا اتصلنا على ابو زوجي وقال اذا ماعنده صخونة واسهال ان شاء الله عادي
بس اني ماارتاحيت صرت كل شوية اصحى واجيكه

وقعد مرتين بالليل ورضعته

بس الصبح او ما صحى من النوم رجع شوية , 3 مرات تقريبا
بس مررة قليل
خليته على كتفي عشان يتشجأ سواه بس مرة وحده عالخفيف
والحين رجع نام
حتى النوم صار ينام فورا
يعني من احطه على سريره ينام! قلت يمكن تعبان لان مانام الليل زين


ماادري والله محتارة وخايفه عليه:'(
زوجي راح يتصل على دكتورة ويسال


عندكم اي معلومات فيدوني

لولو
ما عليه شر الكتكوت
وديه عالدكتور حتى تطمني اكتر
بس الي اعرفه انو ازا استمر الترجيع 3 ايام متواصله
يكون في خوف وضروري الدكتور واهم شي انو ما عندو حراره
يعني ان شالله ما في الا كل خير
طمنينا عنو وما فيه الا العافيه
باقي البنات اخباركم
قريت الردود كلها عالسريع ما عرفت ارد عالكل

يحليييييييييييييييييييييييييلكم ........والله لكم وحشة ...

ترا انا يالله لو بدش بالنت ربع ساعة او عشر دقايق بسسسسسسسسسس هههههههههههههههه وبالليل ما اصدق انهم ينامون ووراهم خششششششششش ههههههههه

شلون كتاكيتكم ....؟؟؟؟ ما شاء الله بديتو تاكلونهم ؟؟؟ خلودي الحين 5شهور ونص شنو اعطيه ؟؟؟ لان بدر ما اكلته من بدري فتوهقت لما كبر وعانيت وياه وااايد وللحينه الله يهداه بس شاطر يشوف خلودي يشرب حليبه يقولي ماما اليب اليب يعني ابي حليب .....خايفة امنع منه الحليب عشان ياكل يحز بنفسه وياخذ بخاطره من اخوه ...خو اهوا شذيه شذيه مطين عيشتي من الغيرة من اخوه ما يبيني اشيله ولا الاعبه ولا حتى التفت له كلما اسوي شي يجي يلف راسي ناحيته وينديني ماما ماما ههههههههه يعني طالعيني لا تطالعين خلودي ....وكاني اسايسه واداريه عشان ماتكبر عنده الغيرة وياذي اخوه بالعكس اخلي خلودي ينطط فوقه كانهم يلعبون مع بعض واهوا يستانس على هالحركة عباله صج خلودي يلعب وياه ....والله يعين بس صج لا تنسوني شنو ااكل خلودي ؟؟؟

بنات انا تعبانة مع حبوب منع الحمل ...قبل 10 ايام من جية الدورة تصير نفسيتي زبالة واصير من نار الا محطة ينزبن انفجر في اي احد وابجي من اي شي واعصب على اتفه الامور ....وبس تجي الدورة اصير هااااااااااااااااااااادية ....والله اني مستحية من زوجي 10 ايام اطلع عين اهله فيها احسه مرات بيطقني طراق على ويهي بس يتحاشاني .... اللي تاخذ منع حمل تكفون يصير معاها جذيه ؟؟؟ اهئ اهئ ....واه قلباه من هالحبوب .....

بنات ........سيندي ...لفلي ...ام شيوخ .....لينا ...عاشقة الشهادة..وباقي البنات والله لكم وحشة ....

هلا امهات شخباركم .. وحشتوني .. اناكنت مسافره الخميس ورجعت السبت والاحد مادارومت وامس داومت بس جاني اتصال انه ابو زوجي ( عمي ) جاته ازمة قلبه ونقلوه من الشغل لين المستشفى فطلعت على طول من الدوام ورحت المستشفى فما لحقت اقرا الواجب ..
اخبار عيالي الحمد الله ... بنتي صايره اتلاحق اخوانها بالمشايه فديتها .. طبعا لايخلى الوضع من تحرش اخوانها فيها وهي في المشايه بس ولدي صاير من اشتري حق بنتي شي ايعصب علي واضطر اني اشتري له شي اذا فكرت اني اشتري حق بنتي ..

لولو .. الافضل اتودين ولدج لدكتور احسن تطمنين عليه وعن لا يصيده جفاف .. اذا احنا الكبار ما نستحمل وتطيح عوافينا .. الله يشفيه ان شاء الله ..

فتاة المستحيل .. بخصوص حبوب منع الحمل .. اخذ هو صج يعفس النفسيه شوي بس انا الاكثر ايصيدني الصداع نصفي من اتخلص الحبوب لين ماتجيني الدورة .واتبهدل .. بس حاولي اتغيرين النوعيه يمكنالنوعيه ما تناسبج ..

ام الشيوخ .. الله يشفي لج ولدج .. والله يهدي زوجج وايصخره لج ان شاء الله ..

وردة البحرين .. نوم الاطفال .. بنتي الحمد الله تنام طول الليل .. بس انتي يمكن اترقدين بنتج وايد فترة الظهر او العصر والمغرب .ز لازم اتخففين عليها النوم هالفترة عشان اتنام فترة طويله الليل .. وسبحيها ورضعيها عدل قبل لاتنام .. راح اتنام وهي مرتاحه ان شاء الله ..

صباح الخير بنات...
لوفلي لولي حبيبي ايفرن مايشوف شر...اذا زاع وااايد هاي يمكن كان ماكل وشارب اكثر من حاجته فاعادي وبعدين ينام اما اذا استمر وايد وايد بس بدون ما يتشجأ لأنه لازم في يهال يزوعون على طووول اذا ما تشجأوا وبعد يزوعون شوي كلش لين تشجأوا عادي بس اذا حسيتي انه زوعه مب طبيعي كم يوم وديه الافضل عشان اتطمنين واطمنينا عنه..

نور الدنيا...ماتشوفون شر انشالله ويقوم بالسلامه يارب

الحمدالله خليفه احسن بس انا الحين صرت مريضه حدي امس نمت بيت اهلي لنه ما اقدر اسوق لين بيتي من الصخونه وجسمي متكسر وزكام وكحه وصدري اتنفس يوجعني وايد مره وحده مرضت...حتى امس من التعب نمت في الصاله مع صراخ اليهال وهواشهم والتيفي لا واختي جات من الجامعه تقعدني تسألني عن بدي رالف لورن مالها والله فاضيه زين ما كفختها..
من شوي جيت الدوام من التعب زين وصلت بعد والمسؤول يقولي رجعي البيت اذا تعبانه اقوله انا باليالله وصلت تعالي ورجعي الحين مافيني شده ..

هلا خواتي اشفيكم اليوم مالكم حس .. بنات ابي انزل الصور بس من الدوام مااقدر ..

هلا بنات

لولو انا عرفت اشفيه ابنك زي ابني سألت

يمكن تلاحظي ابنك يبغى يعض زي يزن

اشتريله عضاضه عشان اللثه بدات تتوسع

ومن الأعراض الترجيع الإسهال حساسيه والتهاب الحفاظ

الله يعينا

مزبوط كلامك سندي
حتى لين صارت تعض وانا برضعها
وبحس انه لثتها بتضايقها
الله يعينهم ويعيننا على التسنين

الحمد لله ايفرن احسن هو دائما يرجع من يتشجأ
بس ذاك اليوم ترجيعه كان مو طبيعي
مثل ماقلتي عبير يدوخ بعد الترجيع وهذا اكثر شي خوفني :(
بس الحمد لله كل شي تمام

وبالنسبة للحبوب اللي بوجهه اخذنا موعد ليوم 8 من شهر السابع :(

.......

ام حسون ماتشوف شر فطومة


....

سندي
صح كلامج بس هو مااعنده اسهال بس ترجيع
وصاير يعضني من ارضعه اشتريتله عضاضات بس مو عاجبه خخخ يحب اصابعه اكثر

ام حسون سلامتها فطومه ما عليها شر
لولو انا لين نفس الشي شريتلها كل اشكال العضاضات مو عاجبها شي
ما بتحب الا اصابعها .. ادمنت البنت ههههههههههههه
باقي الصبايا وينكم طمنونا عن اخباركم
نسيت مين الي سألت عن الاكل
لانو قرأت الصفحات عالسريع
انا كتكوتي بعطيها باليوم وجبة وحده عباره عن فاكهه او متلا قرع او لبن زبادي
تقريبا اللبن الزبادي كل يوم بعطيها ملعقتين صغار منو قبل النوم لحتى تسحب النومه
السيرلاك لسى ما بلشته معاها
عادة السيرلاك ما بستعملو بشكل دائم بحس الاشياء الي بنحضرها بالبيت صحيه ومفيده اكتر
بس بخلي السيرلاك لما اكون بره البيت وما معي اشي جاهز ناويه هيك اعمل ان شالله بالاجازة

لولو مو شرط الإسهال انا كتبت الأعراض مو شرط تجيه كلها ممكن بس واحد

ونفس الشي يزني مو راضي للعضاضه خخخخخخخ

هلا خواتي .. ام حسون ماتجوف شر الكتكوته .. بخصوص العضاضه حتى بنتي ماتحبها اتحب اصابعها اكثر الحين بدت اتعضض لي المصاصه ..

هلا مامات شخباركم

لوفلي لولو لا تخافين انا بعد بنتي هاي يومين ترجع بشكل موطبيعي حتى اشيل الشراشف اغسلهم وابدلهم

بس الظاهر من التطعيم صادتها يمكن صخونه باطنيه او مثل ما يقولون البنات يمكن ابتدينا مع هم التسنين

انتي لا تحاتين دام انج قاعده تشوفينه يتحسن

ام شيوخ شخبارج؟؟

ام حسون
ما سألت لان ادري انج دايخه مع هم البيت لأني انا توني مخلصه من نفس السالفه
انا خذيت لي اكثر من اسبوعين في التنظيف بعج ما خلصنا بناي
والله يساعدكم
وما تشوف شر فطوم