حياكم في تجمع حوامل وامهات قطر لشهر رجب لعام 1431ه 2010م

نور ما تشوفين شر ان شاء الله

أم حمني الحمد لله على السلامة

هيبة قطر أحس هوم سنتر في هالسوالف أحلى بتلقين أطقم حلوة وأكشخ من كارفور وبعد مري عند عسكر حق الجدور والحرارات وصواني النقديم حق الضيوف بتلقين أشياء حلوة عنده .. ولا تكثرين من مواعين المطبخ ترى بتجيج هدايا من هالنوع .. وجعله منزل عامر يا رب..

لولوة بخصوص النودة .. اليوم صج صايرة ذيب فاتحة عين وحدة بس تعباااانة حدي .. وجسمي يعورني من قعدة المكتب الله يعينا..

اي والله الويكند يمر بسرعة البرق .. وفديتج لولوة أنتي بعد دوامج طويل الله يعينج ان شاء الله

هيبة قطر ،،
الجدور خذي طقم كااملل اللي يجييج أحجاام مختلفة ،، و اخذي الستيل النوعية الزينه لا تآخذين أي شي ،، خذي من عسكرأو سوق وااقف و تقريبا الطقم كاامل على 700 شي جييه ،،
و لا تنسين الشواية و التوستر - اذا تحبينه - و غلاية المااي و وخلاط و علب جزاز للبهاراات -في كارفور- و بيز و مريلة و قفاز عشان الجدور الحارة ،، و اذا انتي من النوع اللي يطبخ اشتري أدوات الطبخ ملاعق معيارية ،، و أكواب معيارية و ملال للتخلط و صواني بايركس و قوالب الكيك و الشيز كيك ،، اذا تبين الجيد من تافولا،، و اذا عاادي من كارفور ،،اشتري طقم بلاستيك و قلاصات بلاستيك حق ولدج اذا كان يآكل ،، و لا تنسين خرابيط طاولة الطعاام من مفرش و غييره ،، و اذا كانت الدروج مب مقسمة في مطبخج شتري البلاستيك اللي يقسم الدروج عشاان ما تتبهدليين و يكون كل شي مرتب ،،سلااال للخضرة و الفواكة ،،،اي بعد اشتري ملال ستيل أو بلاستيك عشان اذا بتغسلين العيش و الا الدجاج ،، و سطح للتقطيع ،، يفضل تآخذين من بقاياا الرخام أو السيراميك اللي في بيتكم ،، سكاكين للحم و التقطيع ،، تكون غير عن سكاكين الأكل ، طوابي بأحجام مختلفة ،فوط لتنشيف المواعين،، استفنجة للغسيل و مله للماي و الوصابون،،

هااي اللي أتذكره ،،،

المرأة تكسر خاطري اذا دوامها لين العصر مادري أحس طبيعتها غير وتتعب وايد .. وخاصة اذا متزوجة وعندها عيال .. المفروض يراعون الحريم في الدوام ..لولوة ليش ما تطلبين أذن من دوامج تطلعين قبل 2 عشان ظروف الحمل والتعب ولا صعبة ؟

فجر ما شاء الله حلوة التفاصيل اللي ذكرتيها حق هيبة .. ان شاء الله تنفعها وتستفيد منها

مادري لولوة أنا أحس على حسب المسؤول بعضهم قلوبهم فيها رحمة عالحريم .. وبعضهم ما يحسون بصراحة .. الله يعينج يا رب

هتاان ،، الله يسلمج آناا وحدة أمووت فأغراض المطبخ ،،،