حياكم في تجمع حوامل وامهات قطر لشهر رجب لعام 1431ه 2010م

دح دح

المرة اي وقت امسح له والا عشان امنع ان يزكم؟

موزان :
لا مش دايماً بس لما تدرين انه بيتعرض لتغيير الجو في السفر او بتطلعين به مكان عام او مستشفى .. لأن في هالظروف سهل ان الياهل يلقط الفايروسات و يمرض ..

مرحبا



لولوة الدوحة

فديت اللي طيبوا بخاطري وما هان عليهم زعلي وطرشوا لي رساله خاصة عساني ما انحرم من قلبج الطيب ^^

،،


حبيت اوضح شي بخصوص اني حاطة على خاطري شوي منكم هههه
حطوا روحكم مكاني انا صار لي فترة ما دخلت المنتدى
ويوم دخلت الشات دخلت وانا مشتاااااقه لكم ولسوالفكم خصوصا ان
كانت تجمعني رفقه حلوة وياكم ومتوقعه بترحيب خصوصا من البنات
اللي قضيت معاهم فترة طويله ،،،لكن ما توقعت هالاستقبال البارد
حسيت انكم متجاهليني ومتجاهلين ردودي ،،
انا ما طلبت استقبال طويل وعريض كلمة "هلا " تكفيني عالاقل تحسسني
انه مرحب فيني ،، وبخصوص اللي قالت ما اذكر من بصراحة انها تقرا ردود وايد
وتنسى على من ترد اوكي عذرج معاج بس صعبه لما تجي من الكل ،،
لان اشوف ردود عقب ردودي ومعطيني" طاااف"
فاكييييد بزعل ولا انتوا شرايكم !!
ومثل ما قال المثل " العتب على قد المحبة "
وانا لو ما اعزكم جان ما حطيت بخاطري ،،
والسلام ختام :)

رجعت من التمشيه مهدود حيلي خصوصا بعد ماسبحت البيبيز ونيمتهم (يالله احسبوا فرق التوقيت) خخخخ

F:F:F:

نور الدنيا حياج الله ويانا

F:F:F:

لافندر جان زين تخاويني على الاقل اهذر مع احد

F:F:F:
نور الحلوه سلامتج من التعب اهم شي استانستي

F:F:F:

مووزان ميرسي على المعلومات القيمه
الصراحه دايما اشوف معلوماتج توب (مب مجامله ) صج
انا استخدم لهم اللهايه خصوصا اذا كان مب وقت رضعه والحمدلله محد من عيالي اشتكى من الطيران الى الحين -------------------- بتنظل عمرها:rolleyes:

F:F:F:

ديور قطر
لا تزعلين من الماميز هني انا ساعات ادش واهذر بروحي ومحد يعبرني واطلع وعادي خخخخخخخخخخخخ :hysterical: بس اهم شي عندي اني سولفت :celebrate:
مب صاحيه صح؟ّّّّ!!!

وبس

لولوه اشوفج داون شخبارج

اسمي الحنان
هلا والله
زين وسعتي صدرج بالتمشيه مع الكتاكيت
انا الشووش طيحت مرضاعتها على اصابع ريولي الله يعزج صرخت صرخه فزت هي عاااد




ديور
حياااتي الزعول لووووووووووووول
ولا يهمج حبيبتي
حياج الله باي وقت
وتسلمين فديت اخجلتم تواضعي

لولوة
اسمله عليج
غيري لها من زجاج الى بلاستيك
الحين مسوين مراضيع افينت ماده بلاستيكيه لا تحتوي على BPA

اسمي الحنان
الله يسلمج حبوبه
المشكله انهم بلاستيك
بس طاحت عالاصبع والظفر ..

لحظه صمت

فراشتنا
بالمبارك البنوته الحلوه
وتتربى فعزكم ان شالله

ديور

حبيبتي بقولج شي انا مثلج قطعت فتره معني كنت وايد فالتجمع بس جاتني ظروف خلتني ماقدر ادش النت بكبره ويوم رجعت حسيت ببرود وكلشي تغير بس عادي لا تحطين بخاطرج كل واحد وعذره معاه اخبر مره انا بعد زعلت منهم لاني استغربت لوول بس لاتزعلين ذول خواتج ^.^

لولوه

الله يبارك فيج حياتي ^.^

صباح الليل :)




ديور

عزيزه وغاليه حبيبتي F:



دوحانيه - مزمز

ما قصرتوا على المعلومات المفيده :thumbs_up:

صباحووو

ديور حبيبتي

افا والله..قدرج غالي صديغتي
بس اسمحيلنا .. انا عن نفسي في صفحات شكثر ماقريتها ورحت كتبت ردي آخر شي
ولا بالعكس تستاهلين احلى سلام مربع حق لولي من لولا
F:
ولايهون علينا زعلج ياام لولي:L:
،

وشخباركم جميعاً

مرحبااا كرووشات ومااميييز

شخباااركم؟؟

ديووور
عااادي حبيبتي لاتحطين في خاطرج انا بعد وااايد اكتب ومحد يرد وامس حطيت اني بساافر عنكم ولاحد عبرني بس عاادي اللي بترد جزاها الف خير واللي مب راده كيفها انا مرات واايد اتكلم ومحد يعبر اللي يردون كم وحده بس خخخخ طلعت اللي في خااطري

اسمي الحنان

يااي مشكورة.. اخجلتيني :)
هو حتى للكبار ينفع.. لان في الطيارة مو يوزعون حلاوة مص.. لان المص يساعد عشان تفتح الاذن لين انسدت..
انا ابلع ريجي اذا انسدت اذني في الطيارة..

بنات صوب سري اتييني نفس النقزات تروح واتيي مساع يوم قمت من النوم... راح.. الحين رد مرة ثانية الموضوع..
تعرفون من شنو ذي؟

نور + ديور

يابنات الحلال وسعو صدوركم
احنا ندش هني نوسع صدرنا ونتونس
ونشرد عن المجاملات برا النت والحساسيات

تيك ات ايزي ياحبيباتي


موز موز

اسمله عليج
مرات تجي نقزات بس جذي بدون سبب
وتروح بروحها

ماعليج شر

صباااااااااااااح الخير

شخباركم ؟

اشدعوووووه ماميييز عاد الحين كل وحده بتطلع اللي افخاطرها كل وحده منه مب ملزوووومه انها اترد عن الكل يعني هو مب شي اجباري انا اذا مزاجي اوكي برد واذا مالي خلق بقرا وبطلع يعني على حسب المزاج وايد اوقات ماقرا الردود اللي طافتني يعني صج ماعندي وقت واوقات اشوف شي مميز ارد عليه واطلع واعتقد الماميييز والكروشات معذووراات بعد

صفووووا النيه حبيباااااااااات ألبي :)

خلوووووني اسأل الحين بما ان بدت الاجازه والفرااغه فقاعده من الملل ادور فالمواقع فقلت خلني اسأل
في احد منكم جرب يطلب ملاحف من موقع اماازون ؟؟؟؟؟؟؟؟؟؟؟؟ احس في اشياء وايد حلوه

مز مز

يمكن من الغاازات ؟؟؟؟؟ انا بعد يصيدني اوقات وابروحه يروح