حياكم في تجمع حوامل وامهات قطر لشهر رجب لعام 1431ه 2010م

مساء النور بسومة

يغار الحلى تسلمين فديت قلبج على اهتمامج وردج طمنتيني بخصوص النوم كنت أحاتي يعل ربي يطمن قلبج دوم ياااااارب
موزان عليج بالعافية حبيبتي

اليوم رحت المعرض الظهر عبالي وناسة والمكان فاضي أول ما دخلت تذكرت الحج .. مت من الحر والزحمة ماتم حد ما دزني والحريم صج مثل ما قالت موزان دفاااشة ويدززون بعض وخاصة اللي عندهم قاري لا وفي يهال متفيقين راكبين سكوتر ويتمشون مع حشرة الناس مسويين زحمة زيادة وأنا أمشي وأتحلطم جني عيوز .

بنات محترررة .. من شوي رحت العمادي أبي إجازة حق بكرة طلع لي واحد عراقي لعيييييين ما عطاني فرصة اتكلم لأول ما جاني قالي سولفي اشعندج عصبت قلت له ما عندي سوالف حامل وتعبانة ابي اجازة بكرة قال ما عندي اجازة مرضية الحمل مب مرض قلت له تعبانة كفاية حامل وتوني بشرح اشفيني قاطعني وقالي ما عندي هالحجي .. مت قهر مسكت نفسي لأن زوجي واقف احذاي ولي ألحين مقهورة قبل لا اطلع قلت له لو حد من هلك ولا زوجتك حامل ما تعطيها اجازة قالي لا قلته الا تعطيها أفففف قلبي متروس لي ألحين كأني رايحة أتدلع وأكذب عليه ماطلعت اللي في خاطري ..

بسومة الله يوفق أبوكم إن شاء الله

نور الحلوه

ماتشوفين شر فدييتيج ’’ وان شاء الله يخف علييج وتحضرين الخطوبه من غير ماينتفخ خدددجF: ،،

يغــآر
اي والله الملحف سآلفته سـآلفه ماتحصلين بسرررعه وخصوصا لو لون في بآلج تحصلين كل الالوان الا هو ،، :thumbs_down:
زين تسوين حلووو شغلج مع اللسته ،، تذكرت تجهيزي للعرس كله دفتري الصغير وياي واكتب نووت للي آبيه ،،:o
وانا نفسج من الحين افكر والله شكثر بآخذ واسـأل اللي عندهم نيووو بيبيز من وين خذو وهيك " فيرست بيبي لآزم يكون سبييييشل ،،:adore:
بخصوص اويشو ،، والله آبي حق النفـآس بس احس بدري بنطر الكولكشن اليديد ،،

موزان
عليج بالعـآفيه ويتهنى فيهم حموودي ، وعمه ..F:
اي والله عن الزحمه اووف رحت اليووم ابي اشوف لي ميني درآعه لفيت المعرض 3 مرآت مالقيت كبرى القصير ،، ويوم بطلع لقيت محلها اول محل فويهي يوم دشيت صج كنت مفهيـآآ ،، زين ريلي مآيبي يخليها فخاطري وتم يدور ويآي :o ’’ والفضه ماعجبوني وآيد العآم احلى ،، خذت رقم كبرى انا بروح البحرين بشوف الكولكشن هناك ،، ماعجبوني اللي عندها ،،

ام الغاليين
خرعتيني بخصوص المتن:-# ،، انا للحين مامتنت تقريبـآ يمكن بس كيلو او كيلوين ’’ مايبين فيني ،، بس كروشه صغنووونه اطلعت لي توها ،، كأنها كرشه آكل هههههههه ,, حبيبي مايبي يشوه بطن امه ،، ان شاء الله اطلع من اللي كروشهم صغننه ,, ولا يمتنون وآآيد ,,;)

بسوومه
الله يوفق ابوكم ان شاء الله ،، ومآيضيع تعبه يـآآرب ،،


مزمز
ماشاء الله عليج موآقعج وآآآيد تهببببل :adore:،، متى آربي واقدر اطلب حق البيبي عدددل ،،:o