حياكم في تجمع حوامل وامهات قطر لشهر رجب لعام 1431ه 2010م

ماشاء الله عليكم تعبت وانا اقرا //

لولو :
ليش ماسالتي عني انا :(
وعلى قولتج بخصوص السوق احنا بعد فرمضان مانطلع للسوق ولا الخياط خلاص اغراض القرقيعان وجلابيات رمضان و لوازم العيد لنا ولعيالنا جاهزة تكون قبل رمضان
بس فرمضان اروح اسوي فاله لاهلي واهل ريلي يعني طبقين جذي للعيد واشتري هدية زوجي وامي وابوي وامه وابوه وبس

البقيه شخباركم اليوم تريقت من تيك اوي :)

لولو :
اي الحمدلله :)
عقبالكم ،،
ان شاء الله حلوووو رمضان حق السهر وهاي المطلوب
ريلي بياجز قبل رمضان بسبوع لما بعد العيد
وان شاء الله ان شاء الله قلنا بنسافر في اجازة العيد لان كنسلنا عشان وضعي المفروض الحين سفرتنا تكون :(

مزمز

الحمدلله على السلآمه حبيبتي

بخصوص حموودي فديته ، صح كلامه ريلج اخذي معاج معكرونه احتياط يمكن مايحب اكلكم .. بس اذا رحتي مطعم والا شي اطلب له بطاطس مهروسه .. اشيا متعود عليها يعني .. واذا تسكرت البيبان فويهج عندج الروتي والجبن ولاتنسين ودي معاج بسكوت واخذي له عصاير وحليب بالفراوله .. ان شاء الله تستانسون وتحصلين اللي تبينه ،،


امس شفت برنامج في الوطن .. وحده تتكلم عن عيالها وشلون تغذيهم طول اليوم .. صج صج مهتمه بعيالها
اللي اتذكره :
ان واحد منهم عمره سنه وشوي والثاني 4 او 5 شي جذي
اول مايقومون الصبح وقبل الريوق ، تعطيهم حليب اللي بالفراوله .. يعني حليب فيه فايده معاه نوع من الفاكهه ، وعقب بيضه مفيوحه ، و بين الوجبتين تخليهم ياكلون بسكويت شي جذي خاطري اطلع لكم الحلقه ماعرف في اي برنامج .. >.< ويايبيين النظام الغذائي المثالي للطفل.. < احم لو ساكته احسن ماتذكرت شي من الحلقه ههههههههههههههههههههه


ماامييز

انا فالبحرين دخلت ماذركير ، بس مالقيت المهادات !! لقيت القطن المتين المبطط ماعرف اذا فهمتو ، خذت منه 3 اثنين كبار وواحد صغير .. بس ماعرف وين احصل المهادات !! لان امدحو لي اياهم اللي في مذركير ..