حياكم في تجمع حوامل وامهات قطر لشهر رجب لعام 1431ه 2010م

ام حمني :
اذا اي احد من هلج يشتغل هناك اتوقع يقدر يدخلج / تسلمين عالتوضيح :)

اسمي الحنان :
الله يبارك فيج وامين ويوفق الجميع /
تدرين توني مشتغله سنه وحده قلت بس ابي اجرب يعني الدوام والحوسه اشلون والحمدلله تركت اثر طيب في نفسي ونفس مسؤلي واكتسبت خبره وربع / بس قلت خلاص اتفرغ للبيت والريل والعيال ولنفسي :D

يغار :
الله يحييج فديتج وانتي اعز واغلى واشكرج عالكلام الي يبرد عالقلب :adore:
وبخصوص الشنطه اذا كلاسيك بالنسبة لي عااادي اخذها واحس ان مالها وقت محدد عادي مب موضه يعني وعليج بالعافية مقدما .....

صباحكم خير

اليوم كان عندي موعد في الولادة وسوت لي الدكتورة مسحة عنق الرحم .. الحمد لله عدت على خير يوم دخلت عندها كنت متيبسة من الخوف ولاحظت علي وتمت تضحك .. وبعدين سويت تحليل سكر طلع مرتفع .. الله يعين ..

نصفه الثاني .. فديت قلبج ما قصرتي وهالمحلات اللي ذكرتيها هي نفسها اللي في بالي كنت مترددة أسوي عندهم بس شجعتيني . بس ماعرفت محل دي شوكولاته اللي ذكرتيه ؟؟ وينه فيه بالضبط ؟؟ وبالنسبة للتوزيعات أنا مافكرت أسوي قلت بكتفي بالتقديم مادري والله محتارة ..

بدر البدور .. اذا خدامتج بترجع وديها من ألحين أحسن لج . لأنج بتحتاجينها وقت الولادة أكثر .. أنا خدامتي راحت من شهر وباقي لها شهر وبترجع طرشتها من قبل عشان أبيها تكون موجودة عندي وقت ولادتي ..

لافندر .. يعطيج العافية عالمعلومات ما قصرتي

لولوة الدوحة . عليها بالعافية بنوتج ..

قمر .. ما عليج شر ان شاء الله .. دكتور عمر شاطر وأنا دايما أستشيره اذا فيني شي هو الوحيد اللي يشخص لي حالتي صح دايما ..ويوصف لي الأنسب ..وتروحين وترجعين بالسلامة ..

يغار الحلى .. الله يعينج عالزحمة في الشغل .. مادري تخيلتج تشتغلين في بلدية الريان .. أخبر البنات هناك ما شاء الله عددهم كبير .. وما تشوفين شر فديتج .. بالنسبة للأسامي اللي تنكتب تحت وأصحابها ما يشاركون .. مادري أنا أشوفها عادي .. سبحان الله يمكن في ناس ما يحبون يشاركون ويحبون يستفيدون من اللي يكتبونه البنات .. أنا أشوفها عادي وأعذرهم ما تدرين كل انسان يختلف عن غيره في مزاجه أو تفكيره يمكن ما يحبون المشاركات ..أنا مسجلة في المنتدى من 2004 وكنت ادخل من فترة لفترة عى الأقسام اللي أحس اني بحاجة اني اخذ معلومات تفيدني منها ما كنت أشارك واول مرة أشارك ألحين عشان تجمع بنات قطر ..
بالنسبة لموضوع الكريمات كتبت أسامي بعض الكريمات عشان أشتريها ما قصرتي يعطيج العافية ..

أم الغاليين .. وبنتي بعد خلصت اليوم .. أحس الامتحانات هم وانزاح .. الله ينجحهم كلهم يا رب ..فديتج بالنسبة لنفس الموضوع البنات اللي يدخلون بس يقرون وما يشاركون ما فهمت اشلون ينقلون الأخبار ؟ وكنت بسألج هو لازم كلهم يشاركون ؟؟ ولا قصدج مب حلوة يدخلون ويطلعون وما يشاركون البنات ؟

لولوة قطرية ان شاء الله ما عليه شر زوجج .. لا تحاتين حبيبتي ..

أم حمني .. مثل ما قالت أختي يغار الحلى .. عيادة المدينة .. انا اروح عند الدكتور عصام قمة في الطيبة والرقي في التعامل ويده خفيفة ما شاء الله وشاطر .. مكانه صوب سوق العلي عند الدوار المايل ..

يغار الحلى .. اذا الشنطة كلاسيك وعاجبتج اخذيها وعالعموم اذا كانت ماركة مهما كانت قديمة ما تروح موضتها بالعكس القديم في الماركات يكون مطلوب أكثر

فديتكم الله يسلمكم حبـآآآيب قلبي

اسمي الحنـآآن

من عيوووني ولا يهمج تبين اي وحده الحمرااا ..

اسمي الحنان فديتج أراجع عند الدكتورة عفاف الأنصاري

لولوة قطرية .. صاجة فديتج هو لازم تحاتين بس ربج كريم ..

يغار الحلى .. فديتج الشر ما يجيج .. أنا عطتني الدكتورة حمية مشيت عليها كمن يوم ويوم رحت اخر موعد قالت لي السكر أوكي .. عاد أنا ما صدقت رجعت أخربط في الأكل واليوم طلع السكر مرتفع حتى الدكتورة متعجبة تقولي أنتي اشماكلة :confused: قلت لها شاي أحمر مع سندويش جبن .. بس طبعا شاي بسكر والروتي الأبيض والجبن العادي مب قليل الدسم ..قالت لي ايه عشان جذي مرتفع ..<<<< قلت قصة حياتي ههههه .. وفديتج الله يعينكم عالبارتشنات .. أحس صعبة الوحدة ما تاخذ راحتها مب مثل المكتب المسكر ..