حياكم في تجمع حوامل وامهات قطر لشهر رجب لعام 1431ه 2010م

صباح الكادي حبيباتي

محدثتكم من الشغل فاتحة عين ومسكرة عين .. الله يستر

كاميليا .. وأنتي الصاجة لاحقة عالسفر .. شكلي بكنسل هالسفرة ألحين .. وتسلمين فديتج

فجر .. ويكتب لج كل الخير يا رب

دوحانية .. ما أعرف وحدة تلف سمبوسة وسبرينغ رول .. من سنين كنت أودي الحشوة عند محلات السمبوسة يلفونها لي.. اللي كانوا صوب السوق بس حاليا خدامتي اللي تلف لي ..

لولوة الدوحة .. حلوة توزيعات بنتج ناعمة وراقية ما شاء الله

روح قطر .. جعله خير يا رب .. الكلب في الحلم عدو وان عضج يعني بيتمكن منج وان حاول وماقدر يعني في عدو مب قادر يتمكن منج .. سبحان الله هالحلم دايما أنا أحلم فيه من فترة لفترة ..وان شاء الله خير يا رب .. أما قصة اني قاعدة عالكرسي في الحلم ومالي خص بالسالفة ههههههه مت من الضحك أبط الجبد في الحلم :biggrin:

نصفه الثاني .. الله يهون عليج وتقومين بالسلامة يا رب .. من وين عبيتي صواني الجوكليت ؟
بنات فديتكم أنا مفكرة أعبيها بعد الولادة يعني قلت بودي الصواني عند المحل اللي أبيه بس لا ربيت بالسلامة بكلمهم يعبون لي الصواني .. أنتوا اشرايكم مب أحسن جذي ؟؟

الورد .. سبحان الله من يومين أنتي في بالي .. أشوفج غطيتي عن الشات .. الله يعينج حبيبتي وما تشوفين شر ولا تخلين نفسج فديتج وسألي الدكتورة شنو سبب النزيف خل تسويلج منظار أو تلفزيون أو أي شي يطمنج .. وما عليج شر ان شاء الله ..

أم العنود يا مرحبا ومسهلا حبيبتي منورة بين خواتج وحياج الله ..

موزان .. ماشاء الله حلوة فكرتج بسيطة وناعمة .. تسلم يدج وتحملي من الصمغ صج يعور مجربته أنا ..

نور الحلوة أنا جربت جاك ديسانج من فترة يعني أكثر من سنتين أتذكر حلو شغلهم في الباديكير والمانيكير ما أدري بهم ألحين .. بس بالنسبة لي أدور وألف وأجرب ومالقيت مثل صالون غصون في الباديكير والمانيكير وايد حلو شغلهم ..

صباااااااح الخير

لو سمحتوا بغيت افكار حق الننون

وهل توجد محلات مممكن ترتب لي الحفله

لولوة .. أم سمير تسوي السمبوسة والكبة واحنا نقليها في البيت ؟ لأني آخذ منها جاهز مقلي يعني .. بس صج أكلها روعة ..

اثار .. ما عندي فكرة حبيبتي . احنا الننون نسويه في البيت نفس طريقة أمهاتنا الأول مكسرات وحلويات وفلوس .. وعلى حسب اذا حابة تجيبين عشا للموجودين وبس .. والبنات بيفيدونج اذا عندهم أفكار ..