ام حصه كل عام وحصوصه بالف خير وفديتها طلعت بنفس وماعليها شر اجر وعافيه ان شاء الله وبالنسبة لسؤالج عن ابرة الرئه اهي عبارة عن جرعة كورتيزون يعطونها احتياط للي احتمال يولدون ولادة مبكره ووظيفتها تسرع من نمو رئة الياهل وتساعده على التنفس بصورة شبه طبيعية لو انولد قبل اوانه
مونيكا فديتج حبيبة روحي مع انج من اللي عرفتهم عقب لكن ماشاء الله عليج ما تنسيني فاي رد وهذا من طيبج حبيبتي الله يخلي لج فتومي الحلوه وفديتج وفديت دعواتج يالغالية وتهبل اتامي حدها جميله الله يبلغج فيها عروس القمر
عيون عليها بالعافيه قصودي على المشتريات يهبلون تتهنى فيهم الحلوه
ام جمانه تهبل جمونه وبنت اختج الصلاة على النبي محمد حدها كيوت
نايس قيرل حلا عليج بالعافيه والله يرد لج ولولدج زوجج بالسلامه وتقر عينكم بشوفة بعض عما قريب والطيب والذوق عرفنا منج يالغاليه
كل البنات اللي دعو لي ويمكن ما انتبهت لردودهم لان تيمع علي الواجب واقرا شي واطوف شي خخخخخخ ما تقصرون فديتكم والواحد ما يبي شي غير دعوات حلوه في ظهر الغيب وان شاء الله لكم بالمثل
****************************************
صوت الحنان;12345971:
نوررررررررررررررررررري و نبض قلبه التجمع مظلم من دونكم
أسور بتي القمر .. بتصل لها بس عاد من أدخل البيت ما في وقت ...
واجد غيبات بس تعودنا على غيابهم خلاص ما بنسأل
بس حبيت اعقب على كلامج صوت وحابه اقول هالكلام للكل واتمنى ما يكون ثقيل على احد وتتقبلونه برحابة صدر كل وحده موجوده وكان لها ردود وغابت لظروف ما يبقى لها مكانها وغلاتها ومن اسمه تجمع يعني لا قائم على بنت ولا على بنتيين قائم على مجموعه وكل وحده لها مكانها وإذا انتي تعودتي على غياب ناس لان ما يعنون لج شي او معرفتج فيهم بسيطه فاهم يمكن يعنون لغيرج طبعا انا ما اتكلم عن نفسي لان ادري ان اللي كتبتيه مو لي لان شفت لج اكثر من رد ذكرتيني فيه وماقصرتي ويزاج الله الف خير بس انا اتكلم عن كل بنت غابت لاي ظرف كان لان فعلا الكل يوحشنا والكل لهم مكانهم وحلاة التجمع باللمه واليمعه الحلوه والسوالف كل من يفيد ويستفيد ويبدي برايه واتمنى يكون كلامي خفيف ومحد يزعل مني...
وبالنهاية لا تنسون بنات ان اهني تعاملنا مع بعض مجرد كلمات وكيبورد وممكن اي كلمه غير مقصوده تنفهم بشكل ثاني وغير عن اللي بقلب الواحد فقد ما نقدر نتجنب بعض الشغلات اللي تنفهم بمعنى ثاني وما تصوريين شكثر افرح لما اغيب وادش اشوف وحده ذاكرتني او داعية لي بالخير ومتاكده وايد بنات مثل الحال واي شخص اصلا يستانس لما احبابه يذكرونه بالخير ومو اجباري ان تذكريين احد بس بدون اخر جمله لان عن جد تجرح ومو حلوه في حق باقي الغايبات اللي ما انذكرو ولا تنسين ان في يوم ضحكتي وسولفتي معاهم مو معقوله كل هذا ينسى لان غابو لظروف خاصه فيهم الله وحده اعلم فيها
