تجمع امهات وحوامل البحرين دار الزين لشهر رجب 1431ه_2010م

..هذيان ذبحتيني على الجيلي في أنصاف الليول
هههههههه
صار خاطري فيه موووول.. تعرفيني موتي الجيلي وخاصة الاحمررر
أرمي عليي شوي لا يصير في ولدي شامة

..شوفوا شنطة أغراض البيبي ههههههه
الصراحة ضحكتني.. هذي المفروض يحملها الأبو مو الأم ههههههههه

صبااااح الخيييير

شحوالكم؟؟؟

هذيان شفت تصبيرتج وتذكرت أني حاطة في بالي أقوم آكل لي أشياء مو صحية مينو شيتوس وبيبسي وعندي كاكو كادبوري يم يم باخذ راحتي ما دام توتة نايمة

فاتي مابينت الليلة آخر ليل

دمـعـة;12567478:
..شوفوا شنطة أغراض البيبي ههههههه
الصراحة ضحكتني.. هذي المفروض يحملها الأبو مو الأم ههههههههه

دمعة .. ما عجبتني الشنطة صراحة كلش مو حلوة

الوردة المستحية;12567518:

هلا حاملة القرنفل

شخبارش وشخبار بنوتش؟

هلااااا خيو شخبارش انتي نفسش الدمعة الحزينة صح؟

شخبار اختش أم علي؟

الوردة المستحية اسدحي بطاقتش الذكية

حاملة القرنفل;12567556:
هلااااا خيو شخبارش انتي نفسش الدمعة الحزينة صح؟

شخبار اختش أم علي؟

لولو الصغيـرة;12567561:
الوردة المستحية اسدحي بطاقتش الذكية

الوردة المستحية;12567594:

اي صح

وام علي زينة

تشارك هني وياكم في التجمع له

صدق والله بأي اسم أم علي؟؟؟

أني لأن ما اشارك هني واجد بس مؤخراً صرت ادخل

الوردة المستحية;12567602:

للحين ماوصلت الى تقنية البطاقة الذكية خيووو

شنو تبين تعرفين؟

عمرش؟
تشتغلين او تدرسين؟
من اي ولايه؟

ضحكني هالموضوع شوفوه :lol:

http://forums.3roos.com/showthread.php?t=548090

نبض_قلبه;12563323:
السلام عليكم اهليين ماميااااااات وحشتوووني كلكم وصارلي فتره ما ادخل بس دخلت وليتني ما دخلت لانه قريت اشيا ترفع الضغط

عيون اسمحيلي اقولج انه اسلوبج في الكتابة اسلوب جدا جدا فظ.. انتي تقولين تقصدين شي واسلوبج يقصد شي ثااااااااااني!!!

اسلوبي حبيبتي كلش عادي.. قاعده اتناقش واقول الصج
مااظن غلطت على اي وحده فيكم.. كل كلامي واضح :)

وشنو الي اقصده تقولين؟؟؟؟
وضحيلي واذا ماتبين هني .. ممكن ع الخاص

انا ماعرف ليش تتعمدين توقفين على كل كلمه تنقال كأنج تستصغرينا؟؟!!! انا اصلن بديت اشك انج بس تدورين الكلمه على اي وحده من البنات..

سمحيلي مااستصغركم ولاشي.. اصلا انا ماتكلمت عنكم صح او لاء...؟؟ الموضوع مايخص اي وحده من العضوات..:)

على عيني وراسي تبدين رايج بس بهالطريقه؟ سمحيلي!!

حبوبه الطريقه عاديه مافيها اي تهجم
ذكرت جم نقطه في كلامي
والي الي قلته صج..
ومااظن هالشي ينكر..
والحمد اله رب العالمين
انا مو متحيزة لفئه معينه
الحق حق والغلط غلط والصح صح..
يعني من قبل ذكرنا حتى المجنسين.. ( انا ضد التجنيس ) وبعض البنات تهجمو عليهم باسلوب تجريح واهانه.. ووصل السب للاسرة الحاكمه.. بس مااجوف علقتوا..!!!!!

وبعض فئه الشباب او بالاحرى الميهل
الي يقومون باعمال الشغب اهمه اخس من الجلف
ع الاقل اهمه مايسون الي يسونه بعض الميهل..

ماادري ليش بعض الناس ماتحب تعترف بالغلط
ماادري ليش كل الناس عبالهم مظلومين



ما بزيد على كلام البنات بس انا لاحظت ردودج مو بس اهني في وايد اماكن ومابي اعلق عليها بس اتمنى انج تراجعين اسلوبج الحواري والكتابي عشان بعدين

نقدر ناخذ ونعطي.. واذا انتي ما تقرين الجرايد ولا تتابعين الشارع السياسي في البحرين لانه ماظن بتفتكرين اصلن لا تقولين احنا ما نعرف وما ندري لانه المتضرر

الاول والاخير مو انتوا!

مافي دخان من غير نار ياقلبي
لا اقره الجرايد.. واتابع بعض الاخبار الي تهمني
ماقلت لكم ماتعرفون... لاتحرفين ارجوج
:)

تقبلي تحياتي

والله انه كل كلامي مافيه اي نتهجم على اي وحده منكم

عزيزات وغاليات

وكل كلامي على قضيه رأي عام

بس ماادري ليش ماتتقبلون الصراحه

يعني انا قاعده اتكلم عن الطرفين
سواء مذنبين او مظلومين


بس لانه اغلب الحجي صج
فما يعجبكم.....

:)


قبل ماتقولون اي شي

اقروا كلامي الف مره

وبتعرفون الي اقصده

ليكون عبالكم اني سنيه
بس خلاص
يعني كله ضدكم..

لافديتكم

كاني معاكم من سنه وزوود

مااحمل في قلبي اي كره او ضغينه لكم

وكل كلامي مو دليل على هالشي..

بس الي بقلبي اقوله
والحق ينقال

مثل ما البعض
يتناقشون ويصرون على رايهم..

حتى على البي بي عندي جم شيعيه وفيهم من تجمعنا

ناخذ ونعطي مع بعض
وكل وحده تقول رايها

......


صفو النيه
وخلكم مع الحق

الحكم سوه شوشرة في البلاد

بالعقل يعني الريال شلون مات..؟

اهم ثنين
ماجد اصغر
و باكستاني على مااظن اسمه محمد رياض شيخ...

لازم في متسببين
من الي حرقهم يعني؟؟؟

مابي ادخل في تفاصيلها لاني ماعندي معلومات كفايه

بس لازم في مذنب
والمذنب
يتحاسب وياخذ جزاه

والمحاكم ما تظلم فئه معينه من الشعب...
والدليل إعدام


الخدامه الي قتلت صاحبه البيت في الرفاع
والهندي المهم اسيوي الي قتل صاحبه البيت في سار

والله اني مومتحيزة لناس معينين
بس للاسف قضاءنا غير منصف..

انشاء الله محد يزعل من كلامي
او تفسرونه على هواكم..
:)

تدرون سكرو الموضوع
لانه باين عليه عقيييم من ناحيه وحده

الوردة المستحية;12567509:

ماتعجبني هالأشكال اني مااحس ليهم زهوة

حتى الي يجون على اشكال الماركات بعد مو حليوين

احب الشكل الي معتادين عليه بيج وفيه اشياءات ورد وهالسوالف يكونون ناعمين;)

اني بعد مااحبهم..يعني التفصيل بشكل عام مااحبهم
ولا استخدمهم.. احب اللي يبيعونهم مذركير.. اما اللي ويا الفراش مااحبهم..خسارة بس نسويهم :rolleyes:

>>إييي صج عرفت انتين منهي ;)

.. حاملة القرنفل اني حاطة صورة الشنطة لأنها ضحكتني
اني مايعجبوني الحركات والموضات في هالشغلات..
وقلت احب العاديين تبع مذركير,,

الوردة تقصد ام علي (أم الحلووو)

يتصفح الموضوع حالياً: 6 (6 من الأعضاء و 0 من الزوار) ‏دمـعـة
.. بللللللل عساااااكم السعادة.. كلكم منخشين؟؟
صارت الحركة مالت أول.. مالت مراهقين>>>لأني مااتخفى الحين هههههههه

دمـعـة;12567746:
.. حاملة القرنفل اني حاطة صورة الشنطة لأنها ضحكتني
اني مايعجبوني الحركات والموضات في هالشغلات..
وقلت احب العاديين تبع مذركير,,

الوردة تقصد ام علي (أم الحلووو)

اي والله حتى أنا ما احب هالشغلات حتى شناطنا اللي ماركات يا زعم او التقليد ما احبهم لهناك لأن تشوفين الكل لابسين نفس الشي ما في تميز!!! بس اسم ماركة :confused:

أوكيي يعني ام الحلو هي أم علاوي ما كنت أدري :rolleyes:

من جديد

عجبي!!!


بصراحة انا مادري هالجمارك شلون يفكرون .... يعني الحين هيلوكبتر كبر الذبانه ممنوعه ليش ؟؟ يقولون يمكن يطورون المكينه مالتها وعقب اتصير قوية وتشيل متفجرات .. هذي اذا تطورت واشتغلو عليها امهات عيون ضيجه يمكن اتشيل جراخيه ... وينهي او وين المتفجرات ربي يهديكم ... خلو الناس تلعب وتستانس في بيوتها هذي لو يطلعها واحد برع البيت وهبت عليها نسمة هوى بتطير ولابيجوفها .... شدعوه يعني اذا طوروها هني في البحرين بتصير اف 16 .. وياريت بعد على بترول على جارج ولين قلت لهم يقولك قانون .. وان قلت لهم يبيعونها في المحل لفلاني يقولون مالنا شغل .... ياجماعة الخير ودوا الناس الي تشتغل دورات خلهم يعرفون شنو كلمة مواصفات ومقاييس .. مب كل شي ممنوع ... حتى لسيوف ممنوعه يقولك سلاح ابيض يعني بالله عليكم الحين اذا واحد بنيته يذبح واحد ثاني بيروح له بسيف ؟؟؟ قاصر بس يحط عبله يمه في السيت الجدامي وشيبوب يحليله ورى عشان اذا صاده بنجر !!!!!!!!!!!!



لهنود الله يهديهم الي يبيعون في سوق محرق افصخوا الحيه كلش .... مادري عندهم هالشي عادي واحنا متخلفين ... والا صار احنا عندنا هالشي عادي مؤخرا.... ياخذون الملابس الداخليه مالت الحريم ويمقطونها جدام الناس يازعم خوش ماركه .. ويصرخ 3 بدينار .. والي يمه 4 بدينار .. واهو يمقط فيهم .... حتى الحرمة اذا تبي تشتري ماتقدر اتروح تشتري اتخاف تتفشل جدام الناس ... عيب يارفيق استح عاد ... المشكله الواحد مايقدر يحاجيهم ... ماندري من ارباب ماله يمكن يطلع هامور والهامور مايعوق يعصب .. واذا عصب احنا عيال الفقاره من لنا ؟؟ .... ابشركم الكيلو صار بـ 4 دينار .. بدل ماناكله صار ياكل بعافيتنا !!!!!!!!!!!



وزيرة اعلام الهيك وهيك .... البحرينيين تموا يفنشون طال عمرج ... خير عسى ماشر ؟؟؟ ليكون بس خليتوهم يشيلون التلفزيونات الي ورى المذيعين ... وعليه عليهم هالتلفزيونات ياشايلينهم ياحاطينهم انكسر ظهر الي شالهم كل يوم شكل يديد حق استوديو الأخبار بس .. اما الباقي كانك في صندقة .... طال عمرج مب مشكله البحرينيين بالطقاق مع ان قلبي يعورني عليهم .... اهم شي بس اشتري لنا جم كاميرا عدله حتى لو من بيروت المهم ان احنا انطالع شي عدل في تلفزيون العائلة اللبنانية على قولة احدى الخوات .... لأن الكاميرات الموجوده الحين داقه من قلب نقعد ساعات اندور وين الكوره ماتبين وعليه .. ليكون بس بالعماله مخليينهم جذيه عشان مايبينون الذبان الي بالاستوديو .... عاد يا حلاة المذيع اذا يات ذبانه غربلته وياشين الذبانه اللوسه الي ماتفج... ليكون بعد ذبان لبناني متروس شيره عشان تكمل القصة ويفنشون باقي المذيعين البحرينيين ... محد بقى غيرج طال عمرج .. تعتقدين بييبون لنا وزير اعلام لبناني ( أي شو لكان ) !!!!!!!!!!!!



الأيسي مال المطبخ اخترب .. مسكين 8 سنوات يردح بدون لاصيانه ولا شي .. عفيه عليه .... يوم شالوه مسكين كسر خاطري خبركم يعني عشرة عمر .... عاد اتصلت حق الشركة ردت علي وحده بحرينية ماشاء الله تبارك الله مأدبة وذربه ... قلت لها ابي الصيانه .... حولتني جزاها الله خير .. وعقب يمكن ماتحول التليفون على كذا خط ردت علي وحده بعد ماشاء الله عليها مأدبة ومحترمة .... وقالت لي هذي الشغلة مب صوبي بحولك على وحده اهي المختصة ... طبعا رن التليفون لين قال بس ولا ردت .... واتصلت مرة ثانية وحولوني بعد .... يعني تقريبا تميت ساعه معاهم ... دار راسي ودورت راسهم من التليفونات لأني احاتي البلعه في البيت .. بدون ايسي ماعتقد احد بيطبخ .... ياو مال الصيانة اخيرااااااااااااا واستبشرت خير .... اول ماجافه الهندي يحليله الا يقولي هذا ايسي مرقيا ..... يعني مات ... عورني قلبي عليه ... قالي هذا بس يقط بحر .... خرت دمعه من عيني وحضني الهندي وتم يهون علي ..... قال لي بس بابا اشتر واحد جديد .... قلت له لو عندي فلوس جان جفتني اصيح عليه ......عاد تم يواسيني حتى عوووووكه فرس سوالي ... الشاهد يا اخوان يمعوا بيزاتكم حق الصيف ترى المصايب اتزيد مب كل واحد مسوي روحه بن بطوطه يسافر ويقول بعدين يصير خير ... جابلوا حبيبكم الأيسي وسوو له صيانه قبل ماتتحسفون مثلي !!!!!!!!



هل علينا صيف يديد غني بالأنتعاش .. ماشاء الله تبارك الله رطوبة وغبره ... وهوى حلو يبرد الساطر من حرورته .... والهيئة مالت الكهربة ماقصروا كل سنه يقولون مافي انقاطاعات بدلنا وسوينا كل شي واستعدينا .... وتوه بس الحر بادي والا ماتم مكان مانقطعت الكهربة فيه .... طبعا بيقولون خلل فني والا الكيبل احترق كالعادة والموضوع خارج السيطرة .. من زمان اهو خارج السيطرة طال عمركم .... والا احد اييب اغراض من الصين حق الكهربة .... يقولون لأن العدد زاد ... ومافي ميزانية كالعادة ... انزين محد قال لكم سوو لنا مدن وعمارات كلها حق البنوك وطول الليل مولعه ليتاتها ... اذا مافيكم شدة هالسوالف ليش رازين روحكم .... انا عندي اقتراح .... من عقب الساعه 9 بالليل .. كل ليتات شوارع الديره ينصكون .... الا ليت واحد بس يركبونه فوق جبل الدخان ... هم بينور الديره وبنعيش في جو رومانسي .. وبيوفر كهربة .... او اتركبون ايسي عووود يم البانكات مالت برج البحرين عشان يشغلون البانكات ويهف علينا الهوى البارد .. حزتها عاد بنتلوت مثل اخوانا البنقالية في برانيص واحنا رايحين الدوام ورادين بعدين حتى كيابل الكهربة بتصير بارده ... وبعد بتنقطع الكهربة لأنها مب مصممة حق لبروده وهذا احنا مابنخلص من شلخكم وصواريخكم !!!!!!!!!!



يا اصحاب المطاعم ربي يبارك لكم .. عليكم بالعافية البيزات بس عاد لاتقصون على الأوادم جذيه .. يعني الحين مسويين اعلان شكبره .. بوفيه او عزيمة على قولة اخوي بو حسن بـ 3 والا بـ 4 دينار والبيبسي بدينار .... والعصير بدينار ونص ... بالعقل يا اصحاب المطاعم بذمتكم تركب هالسالفة ؟؟؟؟ والا يعني تبون اتطلعون ذي في ذي .... انا عندي مقترح وايد زين ... كل واحد يروح مكان من هالأماكن يودي معاه لوميتين في مخباه ومكعبين شكر .. ويطلب ماي مع ثلج والثلج ببلاش.... يعصر اللوميتين ويزيد الماي والثلج والشكر وبالعافية ... واذا بعد له نيه يدلع روحه اييب معاه ورقتين نعناع يعلجهم اول شي بضروسه وبعدين يقطهم في لقلاص عشان يصير لومي بالنعناع ... واذا ماعنده وقت يتليوس على الطاولة الي يمه ويشرب من عندهم ولين استحمقوا عليه يقول لهم الكيمرا الخفية ... وخلوا العصير مالهم يخيس . تستاهلون لأن الجشع مب زين !!!!!!!!



كنت رايح مرة عند واحد من الأخوان جزاه الله خير مسوي لنا عزيمة .. وياحبي طبعا للعزايم ... وقفت السيارة ونزلت والا اسمع هواش في البيت الي يمهم .... ريال شيبه ينادي الخدامة .. يالـ ... تعالي .. عاد مادري هالمسكينه تدري معنى هالكلمة او لا ... قلت يالله يمكن امخرف .... شوي والا مره اتنادي ولدها اتقوله .. روح يالثور حق يدك الخمر جوف شيبي الله ياخذه ويفكنا منه لأن الخدامة بنت الــــ مشغولة .... الا الولد يقول لها ذلفي انتي وابوج بروح مع الربع الحين ... طلع والا يقول اعتقد حق اخته لصغيرة روحي يابنت الــــ حق امج تبيج داخل ..... انا بعمري ماجفت عائلة قذره جذيه ... مافي شي اسمه اب وام ولا احترام ولادين السانهم مثل قاعة ريلهم من الوصاخة ... حرام والله هاليهال شبيطلعون بعدين السانهم بينقط عصير خمام عزكم الله .. يعني قاعد اقول لو مثلا كانو بمجمع ويه مذيع يبي يسوي مقابلة مع واحد من اليهال طبيعي بيقول له اشتبي انت لعنة الله على امك ... وهالميكروفون شيله لا ادعسه بحلجك .... عاد آنه يحليلي صاك شوي على طبيلتهم لو ماشلتها ؟.. اكيد بجوف كلمات رومانسية مكتوبه بمسمار على سيارتي !!!!!!!!!!



ندخل شوي بالسياسه السموحة طال عمركم .... يحليلهم العرب لين استنكروا فعايل اليهود .. هزوا الأرض هز ... ماخلو ولا بقوا ... خلو اليهود وعليه بنخشون تحت الارض مثل الفيران من زود الشجب والأستنكار .. بطلو البيبان والمعابر حق ابطال غزة ... جسر من الطيارات راحت لهم محملة بصواريخ عشان يدعمون الجهاد .. بس عاد صواريخ من ورق الي انسويهم في المدارس عقب مانخلص امتحانات .... والله عيب هالكثر وصل الخوف فيكم ... لكويت العزيزة علينا بعد انسحبت من مبادرة السلام وثاني يوم كذبوا الخبر ... يازينها من مبادرة .. المفروض يسمونها مغادرة مب مبادرة ... ولا بعد الرئيس الفلسطيني مب قادر يقول الحصار على غزة جدام عمه اوباما يقول الحصار الأسرائيلي على فلسطين .. يحليله هالرئيس كل يوم يروح يطر من بلد والي تحته ينهبون ..... ومصر اعلنت فتح المعابر وثاني يوم قالوا لا بس حق المساعدات الأنسانية والعالقين ..... الظاهر عطاهم نظره النتن ياهو وخافوا منه ... صرنا لعبة بيدهم من عقب ماكنا اسيادهم واسياد العالم .. الحين بيطلعون لنا فيها بيسوون حملات تبرع حق غزه وبياخذون فلوس الناس والحكومات يمكن تاخذ نصهم والباقي مصاريف توصيل المساعدات .... من جافوا صدام الله يرحمه طالع من الحفرة تبرعصوا .... عسى بس سفيرتنا في الأمم المتحدة اشجبت واستنكرت بشده العدوان على اسطول الحرية !!!!!!!!!!



حضرات النواب الافاضل ... وفيتوا وكفيتوا .. بصراحة ماقصرتوا ..... المعاشات زادت ... ولقروض تسددت .. والاسعار انزلت .... والناس خذت لها بيوت اسكان وبعضهم ردوهم لانهم مب محتاجين .... والي مايبي بيت يختار ارض في امواج او درة البحرين .... والناس اشتغلت .. مافي عاطلين الا جم واحد بس مايبون يشتغلون لأنهم وارثين ملايين بالبيسو عاد مب بالدينار ... والخمر منعتوه ... والدعارة انتهت من الديرة باقي جم وحده بس مخليينهم احتياط حق الزوار الأجانب عشان مايقولون عنا رجعيين ....واملاك الدولة رديتوها لخزينة الدولة وماشاء الله عليكم على قلب واحد في الحلوة والمرة.... والأمن مستتب .... كل شي مضبوط .. الحين عاد التفتوا حق روحكم شوي حرام جذيه انتوا اتعبون وماتحصلون شي.... سيارة ومعاش يالله يكفي حق الماجله وتقاعد وبدلات وبشوت وبيزات من تحت لي تحت ولا شي بالنسبة حق الي انجزتوه .... حرام عليكم اتعذبون روحكم جذيه .... حتى ثيابكم اوسعت من زود ماضعفتوا ... انا عن نفسي مستعد اسوي عشرين ثوب مجاني والباقي على اخوانا الأعضاء في المنتدى مع انهم مايندون !!!!!!!!!!!!!!!!!



منقووول