لمة الليبيات لشهر رجب 1431 - 2010 م

الحمدالله ياعروسه والله حتى انا فرحت لانك فرحنه لان احلى حاجه الصداقه وانشالله ادوم يارب شنو درتوا وشنو شاريتوا هدرزوا علينا بتفصيل واكيد صار مواقف مضحكه عموما نحن فى الاستماع

خاص لمشرفه تجمع الليبيات::::::::::::::::
انا عارفه كلامك اللى قلتيه في اقتباسك لهنو وانا نسميه هذا تلقييح بصراحه لانه كله عليا انا يعني انا اللى نغير في الكلام وواضح كلامك وهذا من حقي ياحنة وبعدها علاش تطلعي في نفسك المسكينه؟؟؟؟؟؟:|
انا ياحبيبتي عندي الحق لوكان كلامي هنا مختلف عن الياهو زي كلامك وزي ماقلتي في ردك السابق لاني مافيش داعي الناس كلها تعرفني و انا اللى نبيه يعرفني ضايفاته ونحكيله بكل صرااااااااااااااحه:thumbs_up: مانحبش نفضح بنفسي هنا بصراحة هذه حاجه
والحاجه التانيه انتى خليتيهم كلهم يأخدو فكرة مش كويسه عليا .

انا ياماما دافعت عن الاولاد بصفه عامه

مش لاعلى ميهام لا دخلني في حد بس قلت صراحتى ووجهة نظري ومفروض تتقبليها مش تنقلبي عليا :mad:
وتبدي ماتخلى ماتقولي ايجيبت ماايجيبت شن دخل رمضان في شعبان وانا من حقي نغير واقعي هنا لاني بنت نخاف ع نفسي مافيش داعي نقول كل شئ هنا ويشوفه اللى يلزمه واللى مايلزماش لاني بطبيعتي مانحبش ندوي هلبه والحمد لله حتى رودودي محصورة
وتانكس على الكلام الحلو في حقي:thumbs_up:
والصورة اللى حطيتيهالى قدام البنات
وعلى كلامك بأن صحبتنا صحبة نت وكل شئ انا ماغلطششششش قلت رايئ فقططططط وهذا من حقي مافيش حد يمنعي لعلمك انا كلمتى نقولها ولو كانت سيف تقطع رقبتي هذا طبعي
والحمد لله انا مش غالطه غير شكلك خاطرك بتديري من الحبه قبه انتى:-o
وانا مقتنعه بكلامي اللى قلته ومش غاطه ومش ح نسحب ولاكلمه وقصتى ماليهاش دخل في هالموضوع اناااااااااااااااااا حكيت بشكل عاااااااااااام والحمد لله ان فيه هلبه ناس معاي في هالرايئ يعني مش انا بس لو انا بس نقول انا فرخه ومانعرفش او مش عاقله الحمد لله هلبه ناس عاقله وكبيرة وتفهم قالولى كلامك سليم واولهم ابله هونيده اللى نعتبر فيها زي ماما
راهو بايخه تقولي لما ام الولد تشبح ولدها يتكلم تقوله شورها لاحشم لا جعرة هذه اللى حزت في نفسبي وخلتني نرد بحرق دم ياحلوة:badly:
.................................................................................................................................

خيركم يابنات شن فيه
علاش هذا كله
والموضوع مايستحقش اللي صار

عروسة رجاء خاص مافيش داعي تردي
وطرابلسية لو عندك اى ملاحظات قوليها لعروسة على الخاص
مافيش داعي لكثرة الدوة

ما فيش ترحيب ولا كيف عروسات شخبركم

طرابلسيه ياعمرى خلاص انسى الموضوع
عروسه مفيش داعى اتردى لان كلمتك قالتيه خلاص
وانا اسفه

ميهام حبيبتى علاش تتاسفى
انتى مادخلكش
والباين ان فيه ايادى خفية تنبش في الموضوع وتعطي فيه اكثر من حقه

المتلالاة;12372460:
ما فيش ترحيب ولا كيف عروسات شخبركم

مرحبا حبيبتى انستينا واهلا بيك

ميهام;12371383:

مشكورات فراشاتى

بس والله الموضوع مش ساهل انا وليد عشرة عمر وعمرى مااتخيلت انى انكون مع حد ثانى وعارفه ان العمر يمشى بس مش معقوله انى نرتبط على طول وهما يبو العرس بعد رمضان يعنى فى شهر 10 والله صعبه وحظلمه حتى هو وحنقعد كل حاجه فيه انقارنه بوليد فى تصرفاته

هذا زواج مش يوم ولا اثنين هذا دوم عارفه انكم حتزعلوا منى بس معليش حاليا انفكر انى نرفض الموضوع افضل لغايه ما اتخط الحاله النفيسه علشان لما انقرر انقرر صح وعن قناعه زى ماقدرت ننسحب من حياه وليد لللابد وقرار انا فى داخلى مقتنع بيه والحمد الله ان ربى اعطنى عائله كويسه وعطانى شكل كويس وشهاده كويسه وخدمه كويسه يعنى جت فى النصيب معليش الحمدلله على كل شئ وموضوع الزوج انا صعب توا قدرن وضعى

شنو صاير ؟؟

كلنا نعرفوا عروسة ونعرفوا هى منى وكيف ترد على كل حد فينا
وطرابلسية كذالك نعرفوها وانا من خلال متابعتي للكلام اللي صار وللموضوع
ماريتش ان فيه اي قصد او سوء نية من عروسة
وخصوصا انى نعرفها زي مانعرف نفسي
والكلام اللي قالته عروسة واقعى جدا
صح ممكن يكون قاسي
لكن صح
وانا وحدة من الناس اللي عشت في ظرف مماثل
فامفيش داعي ننقلبوا على بعض
وانجرحوا في بعض
احانا متلاقيين اهنايا باش نحبوا بعض
وياطرابلسية حاولى تشوفي للموضوع بطريقة تانية
لانى والله والله قريته كذا مرة وانقول وين الكلام المقصود على طرابلسية مالقيتش شئ
كان كلام عام
وكان رد خص نص لميهام ومكتوب عليه لميهام فقط
فا استغفري ربي وتعوذي من الشيطان
وماتنسيش ان عروسة كانت الحضن الحنيين اللي حضنا كلنا لما احتجناها ياريت ماتنسيش الحاجة هادي
وياريت تفهمى كلامى صح

صلو على رسول الله

اول مرة انخش نلقى الكل حايس:-o

ميهام;12372500:

جولى

انا انحس فى روحى السبب ياريتنى محكيت حاجه بس انا كنت محتاجه انى نحكى لكم

ياربى والله مشعارفه كيف ادير ساعدينى

حبيبتى ميهام انا معاك ومقدرة وضعك
وانا مريت بظرف مماثل للي انتى فيه
ومن حقك انك تطلبي المشورة
وباللهى بنسالك
انتى حسيتى ان كلام عروسة فيه تجريح لحد ولطرابلسية خصوصا
بالله عليك تجاوبيني بكل امانة

المتلالاة;12372531:
صلو على رسول الله

اللهم صلي وسلم على حبيبنا وشفيعنا محمد