صباح الخييير كيف حالكم كلكم
عروسة والله ترهقي في روحك ماتروحي لن تنسي علاش مروحة روقي بالك ....
في عشي انشاء الله بالتوفيق على صغارك وربي ينجحهم لكن ماشاء الله بالك هلبة عليهم 3 لغات مرة وحدة يالله ربي يعاونك ويعاونهم
ام اوسا تسلمي اهو اني حاله ديما تجيني
اصلا شن نحيكلكم ولت زي العامل النفسي
الحمدلله علا كل حال وشكوة اليه الي لا يسال سواه
ياحناتي
من نحنا صغار تربينا وعرب بوي ف تربولي واقاربنا ف بلادنا وديما بابا ربي يخليه يقول توا بنحولو تربولي و نبقو مع جدي و حني
عشت وولدت ف بنغازي بلاد الاجواد والناس العشريه الفزاعه الحق ماحسيت بغربه حاسه اني بنتها لكن مع ذلك ديما نحس اني بنمشي منها وانها مش مكاني الاخير يعني ولت قصت الانتماء مهزوزة
لعند الان يا بنات بعد اهلي كلمو بني والحوش قنين ف تربولي
وبيحولو ويسكنو مش متخليه
ان حوش بنغازي بتاع منطقه الفويهات بتاع شارع عبدو سماعيل ماعادش حوشنا
حوش عم بوي مزالو ف شارع وبنات جيرانا انتيماتي خوات مزالو ف شارع
مش عارف كيف نخش بنغازي ونبات ف مكان غير دويرتيييييييي وحوشنا وكيف حوشنا لو ندق الباب يطلعولي ناس ما نعرفهمش ماتصدقوش كل ما نتفكر الموضوع
تخنقني عبره وغصه
صعب علا حد صغير تعلق بمدرسته بحوشه بشارعه بي صحابته وبنات جيرانه انه يكون معاهم و ديما ف باله انه كل هالالفه والمحبه والعشره لها يوم وتكمل بحكم الاصول والجذور بعيده واننا علا قول بوي مهما طال زمان راح نرجعو لمكانا او تربولي
وكبرت انا كل سنه لازم نقسمها صيف واعراس ف تربولي وقرايه وعشره وصحبات ف بنغازي
وكل عيد او مناسبه نمشو حياتي كلها شناطي و بين الخطوط والبراق والافريقيه
وبعد هكي كبرت شوي قريت فيها وقعد قلبي مقطوع لان سكنت ف حوش جدي واهلي ف بنغازي وخالاتي الي مرتبطه بيهم مووووووت وصاحبتي الانتيم
واستمرت رحلة الراحل المدور ههههههههه
وبعد جلال خطبني كان مقيم ف صحراء شغله وقالي حياتك بتكون شناطي عيييييييييطت نتفكر قتله نبي حويش صغير نسكن فيها بلا سفر وبلا شناطي وبلا مانرجا محوال
سبحان الله شاءت الاقدار وكانت الغربه ووواهو الحمدلله علا كل حال
عشان هكي ربما تحسوني مبالغه لكن هيا ترسبات ف حياتي منذ نعومت اظافري زي مايقولو
ويارب تتحسن الامور وقريبا نكون ف بلادي وندير حويشي ونرتاح حوش مسكر وناكل ونشرب ونعبد ف ربي وهلي بحذاي ما نبي شي تاني
