مقهوره تزوج علي.

يسلمووو بنات يا الغالية أنا ما أروح عند أهلي بس علشان الوناسة أروح لأنهم مانعينهم من دخلت بيتهم وبعد كم شهر وأقعد أسبوع والله العالم أني ما أروح الا من ضيقي وقهري وما أظن بهذا الأسبوع وهو عند أهله بحس بالنقص بس الرجال دام حاط نيت الزواج ولقا من يسانده راح يتزوج وبطلع من أصغر شيء الاعذار تعبت بس الله موجود.
الحين يطنز علي رغم كلامه قهرني يقول قبل تروحين بيت أهلك بس الحين عناد ما بتروحين أدري فيج معانده وغيوره بتقعدين لي رديت عليه انا ما اطلع من عندكم الا من ضيقي بس دام لقيت الاستقرار بقعد ببيتي ولا حد له دخل فيني وأهلي يجون عندي جلس يضحك والله نرفزني.
بنات مشكلتي أني أحبه وكل يوم عن يوم أختنق ما أتخيل أن بهذا اليوم بزفون زوجي وحبيبي وأبو ولدي لوحده غيري والله تعذيب الله يصبرني والله تعبت.

والله العلاج الكامل والحل الاكيد هو الاستغفار والصدقة بينة ان الله يوفقك

الله يصبر قلبك ان شاءلله
ويرده لك ويخلي لك ولدك
وتفرحين فيه ياااربي

الله يكون في عونج والله قطعتي قلبي

الله يصبر قلبك صراحه ماتلامين بس انتي الاولى وام العيال والزم ماعليك زوجك واهم شي ان راح يكون لك بيت مستقل وماتدرين يمكن زوجك يعرف قيمتك اذا جرب وحدى ثانيه ويرجعلك. انصحك انك تكثرين من الاستغفاربنيه رجوع زوجك لك.

يسلموووو بنات على النصيحة والدعوه الحلوه.
بنات الحين لما أطلبه شيء يقول انا بسوي وبسوي لج ماعندي حق أشياء ثانية وكماليات مالها داعي بصراحة أول اسكت عن حقي بس الحين لا أول كنت أقول صبري على زوجك ولا تطلبينه أي شيء على بالي بكبر بنظره وبيحترمني بس الحين خذتها وعد على نفسي اني ما احرم نفسي من شيء ولا اخذ من أهلي أي فلس كل شيء عليه واذا ما وفر لي بصراحة المحاكم بينا لأن مثل هذا الرجال ما يستاهل حد يحترمة صح اني ضعيفه بس لازم أقوي من شخصيتي لأن حقي ضايع معه أكتب لكم وانا مغصوصه أحس بخنقه ضاع عمري مع رجال ما عرف قدري واقول الله يهديه ويرجعه لي ويجنن قلبه القاسي علي وأحس بجي يوم وبندم بس بعد شو لما خلاص كل شيء انكسر واللي انكسر عمره ما يرجع مثل الأول واللي يحب بهذا الزمن ضعيف لأن الحب مذله أكتب ولا عارفه شو اكتب من قهري على نفسي أحس عمري مذلوله بس ان شاء الله بجي اليوم اللي يعرف قيمتي حتى لو تاخر الله ياجرني بمصيبتي والله تعبانة.

كسرتي خاطري الله يهديه لج

الله يعييينج يالغالية
ويصبرج ويسهل عليج هالمحنة
وان شاء الله ربي يرده لج ردا جميلا

يوميا ادش هالموضوع اطمن عليج

الله يسلمكم بنات من كل شر والله يفرح قلوبكم مثل ما تفرحون قلبي بدعوه حلوه منكم.
تسلمين أختي جرح الوله والله يجبر بخاطرك مثل مااجبرتي بخاطري.
بنات الكل يمدح بجمالي وأخلاقي أنا صغيرة بالسن توني 25 سنة والحمدلله على كل شيء واللي قهرني ان اللي تزوجها اكبر منه بسنتين وسمره والكل مستغرب لأنها موا جميله والحمدلله صح الجمال موا كل شيء الأخلاق أهم بس اذا الواحد حب يتزوج أعرف يفضل كل شيء مقهوره أن الناس تقول على جمالي وأخلاقي راح خذا وحده ما تسوا ظفري أحس بضيق فضيع بصراحة اسكت ما ارد عليهم غير بكلمه الجمال موا كل شيء الأخلاق أهم بس حاسه ان في الموضوع ان قلبي ناغزني موا مرتاحة .
الله لا يحط ولا وحده بموقفي لأن الاحساس ماينوصف بس الله يصبرني ويصبر الجميع .
بنات ما أنام أتخيل موقفي يوم العرس يوم بزفونه لوحده غيري أحس ذاك اليوم بشوفه نهاية العالم رغم زوجي مايسوا بس مشكلتنا الحريم نحب من كل قلبنا وبكل احساس أدري البداية صعبه وبعدين بتأقلم بس نفسيتي زفت الله يعيني.

آهـ ربي يصبركـ ويبرد حرتكـ حسبي اللهـ ونعم الوكيل

بنات مانعني من البلاك بيري وزوجته عندها يقول يخرب لبيوت عادي عندي اقتنعت بكلامه بس لما عرفت ان المدام عندها انقهرت قال ما تسوق تروح بتكسي طلعت تسوق وتروح كل مكان غصه فيني بنات أنا اغشي وجهي وهي لا يبغيني البس عباية فوق الراس بس رفضت وهي بعد مثلي لا شغل ودارسه كان ما يشجعني دايم يحبطني واسكت وهي الحين تشتغل بنات انا ما اقارن بس قبل كان يقول لي انتي عاصية لما بتزوج بتزوج وحده بدوية تلبس بس جلابيه وعباية فوق الراس ولا تسوق ولا تشتغل لأنا موا انا اللي حرمه تصرف على بس الحين سوا العكس مغصوصه بنات ما اريد اقارن بس ليش يقهرني حسبي الله ونعم الوكيل عليه.
بنات مايتقبل مني ولا كلمه واذا شفته بالماسنجر يقولي ليش قاعده تكلمين من ويقول كله تذمري سكتي السكوت من ذهب بنات ياويله من ربه هذي موا يومين هذي اربع شهور تاركني ومبهذلني قدام الناس الله ينتقم منه والحمدلله اهلي موا مقصرين يقول اذا ما سكتي مابتحصلين شيء غير مصروف ولدي اللي هي 500 انا مالي مصروف اهلي يصرفون علي ويقول عادل وين العدل وانا كل يوم عن يوم نفسيتي تتعب زياده وبصراحة ما ابغي منه ولا شيء لان اللي يجي بدون خاطر ونفس ما ابغيه ابغي رجال يحترمني ويقدرني هذا الرجال ملعوب بعقله صاير كارهني ما يتقبل شيء مني.
بنات الخطبه والملجة صارت بس بين اهل زوجي واهل العروس ماخبروا حد كل شيء صار سكاتي وحتى عمتي ماصارت تقابل حد ولو حد بيبدأ بيتكلم تتهرب لأن ماله وجه تقابل الناس الله يعلم وبشهادة الكل اني انسانة موا شرية ولا احب اذي الناس بس الناس بطيبة قلبي كلوا حقي مقهوررررررررررررة.
بنات بأسلوبه هذا صرت أفكر بالانفصال يا يعتدل يايروح ويطلع من حياتي بس يدمر فيني أبغي رجال يحبني ويقدرني موا يذلني.
ادعولي بنات الله ييسر لي امري.

كل شوي ادخل موضوعك ماتري ليه حاسه انوو يوم بتجيبين يوم خبر حلو وجالسه ادخل انتظر هالخبر الله يفرجها عليك ياقلبي من اوسع ابوابه

استخيري ربج قبل كل شي :)
بتسمعين كلام وايد ونصايح وايد وكل راي غير عن الثاني الي يقول انفصلي والي يقول تمي

واحسن حل انج تستخيرين ربج وادعي ربج :)
والله يفرج همج

ليش تلومون البنت ابي اعرف؟؟

والله الزم ما على البنت عيلتها

وهي بالسنة حسنة تروح لهم

وقالت لكم مكانهم بعيد

ويوم راحت ما كانت تدري عن المستخبي لها,,

رايحة تزور اهلها وهو تركها هناك

انتوا ما عندكم قلب واحساس تلومون البنت

زوجها واهله اللي ما فيهم لا خير ولا نخوة

لو عندهم احساس كان ما سوو اللي سووه

الله يوريج فيهم يوووووم آآمين يارب العالمين ,, الله ياخذ حقج منهم

ولا تسكتين عن حقج لا تخلينه يركب راسج ازيد من جذي

انتي كل شي لا وام حمار اللي ماخذها تدور على حل شعرها ولا يقول لها كلمه


انا ااقول حطي حدود يا يوافق عليها ويرجعج معززة مكرمة وغصبا عن اللي جابوه او يوريج عرض جتافه وعساه ان شاء الله مابي ادعي عليه مالج قلب

حبيبتي اذا هالحب اللي تبينه قاعد يذبحج وهو يهينج بلاه هالحب

وان شاء الله تتيسر امورج

والله قلبي ماكلني عليج وحدي مقهورة من اللي سووه فيج
نشوف فيهم يوم ان شاء الله

لا إتعقدين الأمور

تزوج خلاص أهم شي حلال على الأقل أحسن من اللي يلعبون بذيلهم ومغمسين في الرذايل، ويجون لزوجاتهم سامحيني سامحيني روح أقول لربك يسامحك بالأول

تبينه ردي له وخل ياخذ لج بيت لحالج
وهلج تقدرين تسيرين عليهم ويسيرون عليج وسوي لهم عزيمه بعد
الحين تقدرين تطلبين عيونه ما بيردج

صج قهر وحره بس ما تدرين شنو الأيام مخبية لكم

وحطي ببالج الحين صار تنافس
يعني لازم تتغيرين مو تظلين مثل هذيج اللي تزوج عليها (فاهمه علي)
غيري حياتج
ستايلج
لوكج
إهتمي بنفسج
هواياتج
لا إتخلينه مدار حياتج

بعض النسوان أمرهم عجيب حياتهم وروحهم الزوج
يا أهو معاي يا أكون ميته

حبي نفسج عشان هو يحبج بعد

عيشي حياتج إختيه

وعن إنه قمة التناقض
بصراحة الرجال جذي لي حبو يغيرون يناقضون نفسهم
هو يغير عليج عشانج حلوه والحين اللي أخذها ما يغار عليها عشان جذي مخليها على راحتها وهي أكبر منه يعني تلعب به

وبصراحة الطاعة العمياء هذي ما تدوم في هالحياة يعني الرجال ما يحبون المره المطيعة بزيادة هذي رياييل أول يحبون جذي لكن الحين حتى لو مرته تطاوعه بكل شي يحب المره اللي تناطحه بكل شي واتعانده وإتعبه

والله يصبر قلبج

والله قلبي معورني من قريت قصتج
بصراااحة إلي صار ابداً مو سهل ما
اقول إلا الله يعطيج الصبر و مدام إلي
خطبها زوجج تصير صديقة حماتج
اكيد متعمدة تخطبها له عشان تحر
قلبج و شلون وافق عليها اذا تقولين
سمرة و أكبر بسنتين ؟؟ بس حاولي
انج تتمسكين فيه و تحرين قلب اهله
مثل ما حرقوا قلبج ما اقول إلا اصبري
عشان ولدج و صدقيني بكره اهوا بنفسه
راح يعتذر لج الله يمهل و لا يهمل

بنت عجمان;12374154:
بنات الناس ماترحم مايتعبون من كلام الحين اللي عرفته انه مفهمين أهل العروس انه من سنة زعلانة وطالبه الطلاق والله انقهرت بنات وخبرته قال انا رجال وحلال على اتزج مو لازم أطلع عنك كلام سألوني عنك قتلهم انك عند أهلك محد همه وجودك الناس شارين رجال واللي يقهر محسسني ان أهله مايخصهم بشي معمي على عيونة بس انا الغلطانة دايم.
والحين مايبغي يجي يكلم أبوي يقوله انة شاريني وأبوي مصر انة لازم يجي عنده علشان أطلع من بيت أهلي معززه وغير كذا لا تجين تشتكين منه اذا بتروحين معاه بدون كلام رجال لأنة راح يهينك وبيحس انك ضعيفه وماوراج حد تعبت والله زوجي قاسي ومعاند وأبوي بصراحه معاه حق.
بنات الحين أبغي ملابسي بس ما أبغي ادخل بيتهم أحس انهم أهانوني عند الكل يتكلمون عني الا زوجي قدامه انا الحبيبه ومحتاره أروح ولا لا رغم زوجي رافض حد يدخل غرفته يقول أنتي تعالي شلي اغراضك غير كذا لا ورافص يلم اغراضي لي ويقول اذا مادخلتي بيت أهلي مابدخل بيت أهلك شو أسوي بنات.
وبعد يقول تفي بوجهي اذا بيتك ماكان معفن وكله صراصير لأنك مو راعية بيت والله قهر ليش انا بنظره كذا.
بنات أنا تعبانة والله كريم ماينسى عباده ادعولي الله يفرج همي.

ابوكي معه حق 1000% لا تروحين من غير يجي ولا تروحي تاخذين ملابسك هذا يبغي الي هو يريد بس ما مراعيكي رغم انه تزوج عليك وبعده يهينك
سالفة الملابس لا تروحي تاخذي حتى لو تضطري تشتري ملابس جديده اذا ما عندك بيت اهلك
ولا تجلسين تطلبي منه يجي عندكم وكانك ما قادره فراقه لا تسوينه ابدا ترا ما بيحط لك اعتبار

حتى لو طريتي تجلسين فتره بيت اهلك بس لا ترجعين الا اذا جا بيتكم وتفاهم مع ابوك وعتذر منك

حسسي انك قويه ولك شخصيتك وكيانك وكرامتك
لا تقبلي يهينك ترا محد راح ينظر غيرك

اترجداك حبيبتي لا تضعفين تحملين وكوني قويه اقوى من كيف كنتي بكثير الرجال ما يحب البنت الضعيفه يرحب وحده رازه نفسها وثقيله
واذا هو صحيح يحبك ما بيتحمل فراقك وعاجلا ام اجلا راح يجي

انتي اسمعي كلام ابوك هو يعرف اكثر منك
وسألي ابوك شو تسوين معه انا ما اقدر انصحك لاني ما اعرف كيف هو بس ابوك ادرى وصراحه ابوك ما شاء الله صاير سند لك حمدلله لا تطلعين من شوره شوفي سألي هل تكلمي زوجك ولا تخبري خلي الكلام بينه وبين اهلك وانتي خبرتي الي عندك وما عندك كلام زياده

الله يوفقك حبيبتي ويكتب لك الخير