تجمع أمهات واطفال وحوامل مصر لشهر رجب 1431 ه

بصى يا ستى

اولا : الراجل مابيحبش يشوف دموع الست اللى بيحبها ابدااااااا لانها بتبقى وسيلة ضغط عليه وهو عايز يتمسك بمووقفه قدامها

ثانيا : هو متغاظ اوى منك وكل اللى بيعمله دا من غيظه وكل الفاظه دى تنفيث عن غضبه ليس الا

ثالثا: هو لما حرم عليكى تتكلمى مع فلانه دى ... انتى زعلانه ليه ماهو كله عشان توضحيله ان اهله هما اللى بيوقعوا وهو كمان مش عايز مشاكل وعايز يحافظ عليكى

هو لو مش باقى عليكى كان طلقك فعلا مكنش هيحلف

رابعا: لو هو حقا عايز يطلقك ليه يتصل بالفتوى عشان يعرف حكم حلفانه؟؟ ماهو لو عايز يطلقك ما خلاص كلمها وقالها واهى كلبه وراحت ولا ايه؟

خامسا: هو اللى معصبه اكتر انه غلط قدام اهلك وفى رجاله كدا بجد لما بتغلط وتحس انها غلطت بتغلط اكتر وانا اعرف جوز صحبتى كدا

براحه كدا بقى على نفسك واستهدى بالله وانتى كدا كدا هتنزلى ان شاء الله تولدى فى مصر هيوحشك وهتوحشيه

وبعدين انا ممكن اخليه يجيلك ويعتذذرلك بس لو انتى عندك استعداد

صدقينى والله يادندن انا شفت خلافات لايمكن تتصوريها اول جوازى فعلا اصعب سنه بس بفضل الله ثم الدعاء ثم العشره بقينا نفهم بعض وايه اللى يضايقه وماييضايقهوش يعنى بنتحرى بعض بمعنى اصح والتطنيش بيذيد شويه والله يادندن حملى ف جوجو كان عذاب عيييط والم وكبت وعنيا دايما وارمه وهوا برده نفسيته كانت وحشه اوى بس الحمد لله بقينا نفهم بعض ويفهمنى اكتلر وافهمه اكتر لانه من عيله وانا من عيله تانيه ففيه خلاف بس بمرور الايام بيدوب والله
اصبرى على جوزك شويه واقراى قران جمبه بصوت عالى شويه وقومى ف الليل اتضرعى لربك وادعى جامد وعيطى لحد ماالدموع تنشف والله عمر ماربنا هيخذلك باذن الله
ربنا كريييييييييييييييييييييييييييم اوى اوى اوى ومحتاج حد يستزل ليه ويدعيه وحاولى تقللى من ذنوبك لان الاستغفار منها والاقلال بيرفع البلاء والاستغفار والدعاء \
مع النقاش الهادئ وماتمشيش بقوه جمبه او انكسرى جمب جوزك عرفيه انك مش عارفه تعيشى من غيره فهمانى ايوه اضعفى وجوزك يارب يلين ليكى ويهديه

ربنا يكرمكوا يااااااااااارب

الدكتورة قالتلي امبارح هيبقى صعب اوي تنزلي قبل ميعاد ولادتك باسبوعين ده انتي ممكن متلحقيش و تولدي في الطيارة لاني لو هنزل هنزل في التاسع قاتلتلي ممكن في بداية التاسع بدري اوي يعني و انا هنا هسيب الشغل يوم 10- 8 هكون دخلت التاسع من 25-7 ان شاء الله

بس بجد بفكر انزل حتى بعد لما اولد ان شاء الله

حلللللو اوى الكلام دة

اوعى تنزلى عمرك ماهتحبى اللحظه دى خليكى جمب جوزك وخليه يشوف ابنك بعنيه اوعى اسمعينى والله يابنتى ياما مشاكل هدت بيوت وبعدها المشاكل بتروح وبيرجع تانى ماتياسيش

الفتوي انا اللي قلتلته يتصل عشان ما ما يحصلش حاجة حرام

و على العياط هوا مش بيتأثر بدموعي خاااااااااااااااااااااااالص انسوا الموضوع ده الوحيدة اللي بيأثروا فيه امه و اخته غير كده انسوا
و عموما هوا مش مبسوط معايا و ده كلامه لانه لعن اليوم اللي اتجوزنا فيه فالحمدلله
يعني كملت

وبعدين مجرد ما يتقاله كلمتين مش بيصدقني دايما و بيصدق الطرف التاني و بيجي عليا و بينسى كللللللللللللللللللللللللل حاجة كويسة

رورو كلامك حلو اوىىىىىىىىىىىىىى يارب يسعدك مع جوزك يااااارب ويهنيكوا ببعض انتى ودندون يارب

الله يكرمك يادعاء والله ماحد علمنى يادعاء انا شفت كتير وبلاقى فعلا ان ممكن الذنوب هيا اللى بتعمل فيا كده وفعلا اما بستغفر او تتصدقى والله بيخف اى شئ حتى لو بعد وقت بس بترتاحى
ويارب يادندن تهدى وتحاولى يبقى عندك استعداد انك ترجعى جوزك ليه زى الاول اى ست ف الدنيا تعرف مفتاح جوزها ومن خلاله تخليه يبقى عيل صغيررررررررررر ويلبيلها اللى عايزاه وانا هدعيلك بس ابداى ارجوكى

ان شاء الله يا رورو ربنا يسهل الحال

دندوووونه انتي اتجوزتي جوزك ده عن حب؟؟؟؟؟؟ و لما كنتوا مخطوبين مكنشي ضاهر منه أي حاجة؟؟؟؟؟؟

مكنش عن حب بس المفروض اننا حبينا بعض في فترة الخطوبة كانت تسع شهور مكنش باين منه اي حاجة خاااااااااااااااااااااااااااااااااااااااااااااالص و الله ياريته كان بان

طب امتي حسيتي بالتغير ده؟؟؟؟؟؟؟؟

من بعد ما قعدنا انا و هوا في بيت واحد بدأت كل حاجة تبان واحدة واحدة

يعني من بعد ما اتجوزتوا يا قمر ؟؟؟؟؟؟؟؟ طب ايه اللي بان ان أهله عنده أهم منك و الا ايه تاني؟

لا بدأ اهله تحسي بعدم حبهم و انهم مش طايقني و مش مرحبين بيا و مش متقبلني و بيعاملوني على اني غريبة في وسطهم كل الناس تبقى عارفة كل حاجة و انا محدش بيتكلم معايا خالص محدش بيسأل عليا خااااااااااااااالص و لا على اهلي مع ان العكس بيحصل من ناحية اهلي دايما يكلموا ابنهم بس و يسألوا عليه

و غير كده كمان بيوقعوا بيني و بينه يعني مثلا يتصلوا بيه يقولوه خلي مراتك متتكلمش مع مراة اخوك عشان كل اخباركو عندنا في مصر و انا و الله و لا بتكلم و لا بنطق نص كلمة كل علاقتي بمراة اخوه اني بسأل عيلها و على بناتها و هيا بردو كده لا اكتر و لا اقل

و دايما انا اللي غلطانة في كل حاجة يعني انا لما بغلط في حق حد منهم بعتذر هما يغلطوا و يقلوا ادبهم و محدش بيدافع عني و جوزي يقولي انتي اللي جبتيه لنفسك و اديتهم فرصة يعملوا كده مع انه بيكون عارف اني اعتذرت و رغم كده بيتكلموا بقلة أدب و بجاحة و تجريح و لما اجي اقوله كأنه بيقولي تستاهلي انما مبيدافعش عني خااااااااااااااااااااااالص في اي موقف

و عنده كمان اهله ملايكة و بيقول ان انا فاكرة اهله بيمثله عليه و كده و انا و لا بنطق و لا بجيب سيرة حد بعد مشاكل اخته اللي حصلت معايا و انا من ساعتها ربنا العالم اني بتمناله الرضا يرضى و الله العظيم و نسيت كل حاجة و في حالي و رغم كده في اول موقف جرح فيا و هانني و نسى كل حاجة كويسة

انتى تحسمى قرارك يادندن واضح ان اهله المشكله انتى تقوليله ماتدخلهمش ف علاقتنا والا مصير علاقتنا الانفصال لاقدر الله وهيكون هما السبب وشوفى هيقولك ايه

هوا عنده اقتناع اني مش بحبهم و مش بطيقهم بس فعلا امه بتقول كلام يجرح و هوا مبيردش و لا بيدافع انا اللي بيسأل عليا و بيجاملني و الله بجامله اضعاف مضاعفة و بعامله كويس جدا بس مقدرش ادي على طول الخط و اسأل و اتصل و انا محدش يعبرني و الله العظيم ده ما يعرفوا انا اخبار حملي ايه و لا انا في الشهر الكام و لا هولد امته

بصي يا جميل لازم تعرفي ان أهل الراجل دول مستحيل يعيب فيهم و مهما يعملوا هما صح و انتي غلط ... كنتي بقه من أولها عرفتي من أول موقف انهم كده يبقي خلاص تتجنبيهم حتي لما تكلمي مرات أخوه و تجيب سيره أي حاجة مش تردي عليها معلش انتي برضه مش ضامناها و كمان انتي مفروض مش تستني منهم السؤال انتي ما عليكي غير السلام عليكم عاملين ايه و بس و أي حاجة تحصل أو هو يقولك عملتي متروديش و تجادلي عشان الرجاله أكره حاجة في حياتهم هيا المجادله و فاكرك حتحطي راسك من رأسه ...... جوزي اول الجواز يقولي بطلي تعامليني كأني تلميذ عندك عشان أنا كنت مدرسه لحد ما بقيت أتجنب اني أطلب منه الحاجة بالشكل ده بقيت أغير أسلوبي ... و كمان يا قمر لازم لازم تقعدوا و تتكلموا معلش تعالي علي نفسك و مش تعيطي ساعه الحوار خليكي واثقه في نفسك و فكري قبل ما تتكلمي شوفي لو الكلمة دي اتقالت ليكي حتضايقي و الا لأ ؟؟؟؟؟؟؟ و خليكي هاديه حتي لو هو اتنرفز لازم لازم تعملي كده مش ينفع يا جميل الوضع ده و الشيطان فرحان فيكم عشان عمل اللي يعتبر أحسن حاجة يقدر الشيطان ينجح فيها ...... حتقوللي مش ينفع لأ ان شاء الله حينفع بس انتي قبل ما تتكلمي صلي ركعتين و ادعي ربنا يهدي الأمور و يبعد عنكم الشيطان و يكون في هدوء و محدش يتدخل بينكم مهما يحصل و ان شاء الله يتم الصلح و ترجع الميه لمجاريها ساعتها برضه محدش ليه عندكم حاجه أصل الأهل دول ممكن يعملوا مصايب و ربنا المستعان

و بيقولي خلاص انتي اتحط عليا اكس في العيلة عندنا و مش هتقدري تروحي هناك و لما ننزل مصر مش هينفع اني اروح معاه و قالي متكلميش حد منهم هناك خالص و ماماتي كانت عايزة تكلم ماماته و هوا بيكلمها عشان هيا تعبانة شوية قاتلتله لا مش عايزة اكلم حد تخيلي قلة الذوق طيب انا ماماتي عملتكو ايه اخته لما جت و مشيت اهلي دول راحوا معاه المطار و كانوا بيتصول يطمنوا عليها و هيا هنا و في الاخر ده جزاتنا تتوقعي انه قال انه امه غلطانة و لا قال حاجة و لا حتى خلاها تتصل و تكلم ماما بعدين

يا دندونه احمدي ربنا بابايا لما بعت لجدي يقولي ان ماما حامل و كان بابا أكبر أولاده يعني اللي جاي ده حفيده الأول بعت لبابا يبهدله و ماما تعتبر بنت عمه كمان هههههههههههههههه قال له عيال ايه اللي عايز تجيبهم و اخواتك وراهم مصاريف بتصرف عليهم ههههههههههههههه