تجمع أمهات واطفال وحوامل مصر لشهر رجب 1431 ه

معلش يا رورو انا مش من رايك الصراحه هو اه جوزها وتستحمله بس تتقل شويه علشان ميبقاش بعد كدا سهل عليه الشتيمه والتهزيئ علشان بعد كدا يفكر الف مره قبل ما يزعلها وميقولش دى بتتراضى باى هديه

بنات مين هنا الله يباركلكوا

ابني سخن من التطعيم أديله أد إيه سيتال أد إيه من القطارة الله يخليكوا

كمان مكان الحقنة أعمل عليها كمدات إيه بيقولوا سخنة لا باردة لاسخنة وبعدين باردة

بسرعة ربنا يكرمكوا يارب

لؤلؤه انا بصبر على بنتى ف السخونيه يوم استمرت اكتر من كده بديها سيتال ومعرفش كام بس عليكى بالكمادات من الحنفيه ميه بارده عادى مش متلجه بفنله قطن كده حطيها على راسه ومكان الحقنه حطى اغسليها بميه دافيه من الحنفيه واعملى كمادات عليها ميه بنشا وبصباعك دلكى مكان الحقنه وكله ده فتره هيخف ماتقلقيش

ربنا يكرمك يارورو يارب يعني اللي على رجله أحط مية عادي من الحنفية

طب هو النشا بيعمل إيه

نونة خليها كمادات من الحنفية عادي، والسيتال بعد كده ابقي احسن اديله قبل ما تروحي تطعميه نص قطارة او 3/4 كل 6 ساعات بس متديهاش تاني لو السخونية راحت خلاص

بصى النشا معرفش بيعمل ايه بس طول عمرها الناس بتقول كويس وانا بحس انه بيخفف الورم وبيريحها اعملى معلقه نشا على شويه ميه ودوبيهم وخدى بصباعك ودلكى باستمرار حتى وهوانايم بجد بيريح اوى وبيخف من الحقنه عليه وبيطرى وحطى ملايه تحته بحيث النشا هينزل عليها واه ميه من الحنفيه وانا من رايلى ماتديش حاجه للسخونيه الا اذا استمرت بعد يوم ادى بقى ف القطاره واسالى الصيدلى لكن انتى خليكى دايما معاه بالكمادات واوعى تغفلى عنه وتنامى لحد ماتحسى انه بقى تمام ودفى كده هتقومى فجر اليوم التانى زى الفل باذن الله
متخافيش
كتكت واحشنى اوى اوى انتى فين يابنتى

CuTie KaTkOoTa;12619077:
نونة خليها كمادات من الحنفية عادي، والسيتال بعد كده ابقي احسن اديله قبل ما تروحي تطعميه نص قطارة او 3/4 كل 6 ساعات بس متديهاش تاني لو السخونية راحت خلاص

ربنا يجازيكي خير ويكرمك يارب ياإيميF:

رورو حبيبة جوجو;12619111:
بصى النشا معرفش بيعمل ايه بس طول عمرها الناس بتقول كويس وانا بحس انه بيخفف الورم وبيريحها اعملى معلقه نشا على شويه ميه ودوبيهم وخدى بصباعك ودلكى باستمرار حتى وهوانايم بجد بيريح اوى وبيخف من الحقنه عليه وبيطرى وحطى ملايه تحته بحيث النشا هينزل عليها واه ميه من الحنفيه وانا من رايلى ماتديش حاجه للسخونيه الا اذا استمرت بعد يوم ادى بقى ف القطاره واسالى الصيدلى لكن انتى خليكى دايما معاه بالكمادات واوعى تغفلى عنه وتنامى لحد ماتحسى انه بقى تمام ودفى كده هتقومى فجر اليوم التانى زى الفل باذن الله
متخافيش
كتكت واحشنى اوى اوى انتى فين يابنتى

ربما يكرمك ويجازيكي خير يارب ياروروF:

وانتي كمان يا رورو اوي اوي اوي بجد والله معلش مش ملاحقة والله وتعبت جدا الفترة اللي فاتت، كل اجازات جوزي بتاعة الخميس والجمعة ولما يكون عنده ايام الشيفتات الصبح لازم بنقضيها مشاوير وطلبات ودكاترة وكشوفات واستشارات لما زهقنا بجد والله والنوم متلخبط خالص وتعبنا من النزول كل شوية واللف

رورو انتي هنااااااا

في اي حد هنااااااااااا

يا بناااااااااااااااااااااااات ادعولى انا لسه جايه من عند الدكتور وكشف عليااا قاللى انتى بتولدى مع انى مش عندى وجع الا بسيييط
المهم قاللى تعاليلى كمان ساعتين عشان اكشف تانى وان شاء الله على باليل تكونى ولدتى
اادعولى انها تكون ولااااده سهله يارببببب
وانا هدعلكم كلكم ان شاء الله

ربنا معاكي يا غدير يا قمراية و تكون ولادة سهلة يسيرة يااااااااااااااااااااااارب ان شاء الله

ايوه انا اهو يادندن عامله ايه ياحبيبه قلبى ماتزعليش جوزى بيبقى عالى الاب بيشتغل والله والميل بتاعى مفتوح لكن مش جمبه انتى عارفه انى مقدرش اطنشك
بس شكلى هسيبكم لانى جعانه اوى ههههههههههههه
ايمى مالك ؟ الف سلامه ايه اللى تاعبك ؟ حاجه من الولاده ولا ايه ؟ ربنا يتم شفائك ويعافيكى ويخفف عنكم ويزيل همكم و

ربنا معاكى ياغدير وتبقى ولاده يسيره يارب وتجيبى بنوته زى القمر ابقى طمنينا

انا عايزة اعرف موقفكو لو ماماتك كانت عايزة تكلم حماتك و حماتك قالت مش عايزة تكلم مامتك كل واحدة فيكو هتعمل ايه

خلاص هقولها ليه ياطنط مش عايزة تكلميها؟ داهيا عايزة تكلمك وبتسالنى عليكى هتقولك لا مش عايزة اكلمها يبقى خلاص هيا حره وماتخليش مامتك تكلمها السلام عليكم ازيك ياجارى انت ف حالك وانا حالى ولو قابلتها تسلم عليها وتعاملها بالمعروف وعادى هيا بقى حره والوزر عليها هيا

انا ماماتي مأذتيهاش في حاجة يا رورو بس كانت حاصلة مشكلة و قال ايه عشان المشكلة متكبرش فهيا مش عايز تكلم ماامتي عشان هتشتكيلها مني حسبي الله و نعم الوكيل و هيا اصلا كانت تعبانة ساعتها و ماما كانت هتقولها سلامتك و خلصنا يعني هتقضي الواجب و لا كانت هتفتح معاها مواضيع و لا حاجة بس بجد صعب اوي امي دايما و الله بتعاملهم بالمعروف بس هيا قالت ان بعد كده خلاص هيا ملهاش علاقة بيهم و عندها حق و مقدرش الومها عشان الام مش صغيرة و ليها مقامها و احترامها

انا عمري ما هكلمها تاني عشان لو جوزي في مكاني مش هيرضى ان امي تعمل كده مع امه و هيا مأذتيهاش في اي حاجة خاااااااالص

محدش بردو هنااااااااا

الظاهر اني بكلم نفسي

السلام عليكم