Desly;12603009:
لا يا نورما اختلف معاكى والله العظيم يابنتى البنى ادم هو اللى فى ايده حتى لو كانت حياته كلها ابتلاءات انه يعيش سعيد برده وسطها
مش هقولك ما يزعلش احنا بشر
بس يعدى الدنيا عشان مافيش حاجه بتقف
انما عيب افلامنا و اعلامنا انه بيعلمنا ازاى نركز مع الزعل و الحزن و نديله وقته و اكتر من وقته مش نغلوش عليه و نسهى نفسسنا عنه
يعنى النبى عليه الصلاة والسلام لما ابنه ابراهيم مات بص للجبل و قال فيما معناه لو ان بك ما بى لهدك
شوفى لدرجة ايه
و مع ذلك كمل و كان بيفتكر الايام الحلوة و نعمة ربنا عليه ما وقفش وما خلاش الحزن يجزعه و لا يرجعه لورا
احنا بشر و طبيعى نتاثر و نزعل و نفرح و نضحك و نحزن بس دى الدنيا و فى الاخر لازم نكون عارفين احنا رايحين فين لاننا مش دايمين فيها
فلازم نعديها و ما نقفش على كل زعله لان لو وقفنا هيبقى حاصل عمرنا زعل
انتى كده كده عايشه فعيشى باحسن طريقة و عيشى مبسوطة ليه نقضيها فى زعل و اكتئاب على طول
الدنيا مش مستاهله وقصيرة اوى يبقى نحاول نستمتع و نعيش فرحانين و نفرح اللى حوالينا
:thumbs_up::thumbs_up::thumbs_up::thumbs_up::thumbs_up:
N0rma;12603064:
انا بردو باختلف معاكىىىىىىىىىىى لان اللى ايده فى الميا ش زى اللى ايده ف النار او(اللى ايده ف مناخيره مش زى اللى ايده فى بوئه)
الناس مش بزرار ادوس عليه عشان انا حزينه لازم اعيش واستمتع بالكام يوم
ولا متلا انا حصللى دروب النهارده هاقوم شيلاه من حياتى وحطاه فى كيس وفى الديب فريزر عشان اعرف اسمتتع بحياتى لا طبعا
دى طباع فى ناس بتعرف تتاقلم ان يكون عندها مصايب بسمتفكرش فيها الا اما تبئى لوحدها ومع الناس فانى اوى وبينسو
وفى ناس مهما كانو مع بشر بردو زعلانين ومهمومين مش عشان غاويين لا
بس مش بيعرفو ينسو مش اكتر
وليه متحاوليش تنسى اى دروب فى حياتك ليه بتبصى ورا وتفضلى تعيطى
حاولى تنسى الفترة الوحشة دى
وبصى لقدام
ممكن جدا تكون قدامك حاجات كتير كويسة بس زعلك مغميكى عنها
يا بنتى مهما حصل فى حياتك احمدى ربنا على النعم اللى انتى فيها
ربنا يخليلك باباكى ومامتك دول بالدنيا
كل ما تيجى تزعلى وتكتئبى استعيذى بالله من الشيطان الرجيم وقولى دعاء فك الكرب بيقين
واجبرى نفسك انك تبقى مبسوطة
بلطجة بقى:cool:
Desly;12603071:
بصى انا مش هقولك ان حياتى كلها احداث سعيدة لا كان فى احداث مؤسفه جدا بس والله لما ركزت انى افرح و انبسسسسسسسط و ما قضيهاش زعل
بعد فضل ربنا عليا كله عدى بسلاسة و ربنا كرمنى
و ربنا بيعوض بنواحى كتييررررررر اوى يمكن مش من الناحية اللى انتى عايزاها بس بيعوضك فى نواحى احلى منها بكتير بس الزعل بيعمى الواحد انه يشوف النواحى دى
اللى بيبقى عايز حاجه بيعملها
عشان ساعات الواحد بيبقى عنده رغبة من جواه انه يبقى حزين
لكن السعاده قرار
بمجرد قرار اننا نبقى سعداء اكيد بعون ربنا هنبقى سعداء مهما حصلت منغصات ربنا هيقوينا و نعديها
ربنا يبارك فيكى يا سالى ويسعدك يا رب ويكملك بعقلك