تجمع أمهات واطفال وحوامل مصر لشهر رجب 1431 ه

ربنا يعوضك ان شاء الله ويرزقك بالذريه الصالحه

طيب مينفعش تروحى معاه او هو يظبط اجازته معاكى

عليكم السلام يا بسبوسه

انا شايفاكو بتتكلموا عن الحمل انا حملت بعد سبع شهور من جوازي الحمد لله

هى الظروف مش ينفع اروح معاه والشهر اللى فات اخد اجازه بس كل شئ بأيد ربنا وكمان المشكله ان الموضوع فكرنا فيه كتير واثر بقى كل تفكرنا

وعليكم السلام يابسبوسه

متفكريش كتير وسيبوها على ربنا وادعى ربنا كتير

طيب يابسبوسه التأخير طبيعى ولا كان فيه سبب

انا كمان حملت بعد 3 شهور

ونعم بالله بجد انا الحمد لله دلوقت مش بفكر كتير زى الاول لكن شدنى التيكر بتاع ميرو خلانى اسأل

انا كان عندي لخبطه في الهرمونات واخدت علاج والحمد لله بس لما سالت الدكتورة ايه سبب اللخبطه قالتلي حاله نفسيه

مش لازم يبقى فى اسباب والله يا شوشو انا بنت عمتى برده كانت حامل ومحصلش نصيب واعدت برده كام شهر مفيش حمل وبعدين فكرت تروح لدكتور عشان تشوف سبب التاخير وطلعت حامل ومكنتش تعرف

كتر التفكيير كان موترني وكعملي لخبطه في الهرمونات والدكتورة قالتلي شيلي الموضوع من دماغك ومالكيش دعوة بالناس واكتر ناس بتحمل اللي مش عايزين يحملوا سبحان الله لكن الانتظار ده وحش اوي وكل شيء فعلا وله ميعاد مش بمزاج حد

ماشاء الله يامونى ربنا يكرمها ويرزق كل البنات بالذريه الصالحه خلاص ماتنسونى ف دعائكم ف الصلاه النهارده بالله عليكم اتفقنا وانا املى فالله كبير ادعولى انى انسى الموضوع وربنا يرزقنى عن قريب

فعلا يابسبوسه الناس اللى تعرفك واللى ماتعرفك كل مايشفوكى ايه مافيش نونو ف السكه
لكن الحمد لله انا بحمد ربنا ف كل حال وبدعيى ان ربنا يرزقنى وينسينى الموضوع مايبقاش عامل لود عليا

هدعيلك يا شوشو وربنا يرذقك ان شاء الله

اه يابنتى انسى ونفضى لكلام الناس

ربنا يرزقك يارب بالذريه الصالحه يارب

شكرا يامونى ليكى كتير

شكرا يابسبوسه

الدكتورة بتاعتي ضحكتني قبل ما احمل قعدت تقولي الناس مش بيعجبها حاجه تقعد تسالك على الحمل ولما تحملي يقعدوا يقولولك ايه ده ده بطنك صغيرة او بطنك كبيرة:D ولما تخلفي جبتي بنت يقولولك عقبال الولد جبتي ولد يقولي عقبال البنت:D ويقعدوا يتريقولك على ابنك او بنتك ويقولولك الواد ده وحش الواد ده عبيط وكل شويه يقعدوا يقولولك يالا علشان تخاويه وانتي تبقى لسه والده اصلا:D
فالحمد لله الناس مش بيعجبها حاجه واللي هيمشي ورا كلامهم مش هيخلص