تجمع أمهات واطفال وحوامل مصر لشهر رجب 1431 ه

هو الدكتور ده مش بيقيس طولها لكن الاولاني هو اللي قاسها عشان كانت اول زيارة وقاللي انها تعتبر قصيرة حاجة بسيطة اوي فضحكت اوي وقلتله اساسي وهي هتجيب الطول منين اصلنا احنا الاتنين قصيرين بس هو طبعا اطول مني.

بس اهلنا طوال فالله اعلم بقي هاتوصل لمين فينا

والوزن بقي اخر مرة كانت 6100 الحمدلله بس ما دخلها اكل

انا حضرت الشنطه ولابسه وقاعده مستنيه زوجى العزيز

قالى من ساعه ان قدامه نص ساعه :D

انا ماما بتساعدني شويه الحمد لله ونصيحه مني جيبيله مرجيحه هايريحك ان شاء الله

ايه ده ليه مش فاهمة ماله التطعيم

لا هي اطعمت السبت انا افتكرتك نفس يوم جوجو بس كده انا سبقتك:lol::lol:

مش انا بقيت اخد مسكن ومش بمشي إلا به بقالي يومين وكان ميعاد استشارتي امبارح ولقيت الدكتور مجاش وكان فيه واحد بديل له وملحقتوش بردو

انتي يويو بقي كام دلوقتي

لا انا فى اسيوط محدش وزنه ولا قاس طوله

بس هنا تابعوه بقى


بس اخت جوزى بتقولى ان بنتها من ساعه ما اتولدت ومطولتش غير 4 سم فقط لا غير وهى 3 شهور ونص دلوقتى

وبتقولى ان دا طبيعى ان البنات متطولش

بتخدي مسكن ليه يا ايمي

مانا روحت اطعمه يوم الاربع فى اسيوط قالولى التطعيم السبت والخميس جيت هنا القاهره اطعمه بقى السبت قالولى احنا بنطعم الاحد هههههههههههههههههههه


يويو حبيبى دلوقتى 7 كيلو وطوله 64 سم


بقلكم ايه لو اختفيت اعرفوا انى على الطريق بقى مع جوزو مومزو

عشان كلمنى قالى انا على كوبرى عباس

لا معلش دي بتفشر عليكي

وكمان هو انتي مش هتشوفيها يعني وتحكمي بنفسك، هو اي كلام بتقوله وخلاص، لأ جوجو الحمدلله فيه فرق ملحوظ بالعين طبعا 4 سم ده هبل خالص

انا على فكره الحمدلله الحمدلله نظمت نوم يويو وريحنى بصراحه يعنى دلوقتى عارفه هينام فى الوقت الفلانى استناه ينام وهوووووووووب اخلص حاجاتى

لا يا بت يا كوتى مانا مشوفتش البت بقالى شهر ونص عشان حماتشى مانعه ان اخت جوزى تطلعلى بعيالها شوفتى النفسويات

طب انا بقي هاروح انام علشان افوق لكوكو اما يصحي
باباي

يا عيال مش عايزه اسافر واسيبكو طيب اعمل ايه ماتيجوا معايا طيب

ما شاء الله اه كده حلو الحمدلله بالنسبة له.

علي كوبري عباس ماشية وماشية الناس يا فروتو وانانس مش فاكرة الكلام اوي هو كده وخلاص بقي :lol::lol::lol::lol:


غدغودة اصل انا بعاني من الم فظيع وتقلص في رجلي الشمال وبقالي 3 شهور دلوقتي بس الالم بقي غير محتمل ومخليني مش عارفة اعمل اي حاجة بدون مبالغة في البيت ولا حتي بعرف انام وبقعد كل يوم بالليل اعيط بهيسترية واحاول ادلكها واغير وضع نومي عشان الوجع يروح واعرف انام ومش بعرف وكده ولا قاعهدة نافعة ولا وقوف ولا مشي ، بمشي وظهري منحني زي العواجيز خالص، واخدت العلاج واخدت الكالسيوم والماغنسيوم وكله وبشرب لبن ولا الهوا بردو

ما يويو فى وزن الولاد الحمدلله كويس بس على فكره مظبطش غير لما دخلتله وجبه بصراحه بس انتى وجباتك سكومونتوس خالص ههههههههههههههههههههههه

تصبحي علي خير يا غادة.

بسبس دول جبابرة والله ربنا يكون في عونك والله.


توصلي بالسلامة وكلمينا من هناك اول ما توصلي.

انا بردو جوجو الحمدلله نومها بقي ظريف واحسن من الاول بكتير بس لوحدها كده بس كل فترة بتشقلب المواعيد شوية بس بتقوم ماشية عليها فترة اسبوع مثلا وترجع تأخرها شوية وكده وترجع تاني بس بيكون في رينجات قريبة والفترة اللي بتنامها بردو بقت اطول الحمدلله، بس انا مازلت تعبانة بردو من النوم والارق وعدم تظبيط نومي انا بقي شخصيا :confused::confused::confused:

اصلا عارفه لما وزنته من شهر مكنش زاد ولا كيلو من الشهر اللى قبله

ساعة لما قولتلتك وزنه قل

بس لما ركزت بقى معاه وكدا الحمدلله ظبط شويبه

دانا كنت حاسه بتأنيب الضمير بشكل يا شيخه وجوزى بقى يقولى دوا الغده بتاعك بينزله فى اللبن وانتى مخلياه يخس وحاجات كدا والله كنت بعيط

عارفه لو بيخس منه لنفسه عادى انما لما تحسى انك السبب فى تعب ابنك والله صعبه اوى وبعدين بقى لما اخته تتصل عليكى وتقولك حرام عليكى رضعيه صناعى وامه تبعتلك رساله منك لله وحاجات كدا بتخليكى تحسى انك هتموتى الواد ممثلا

ما انا هاروحله ان شاء الله قبل المدة اللي قاللي عليها عشان احاول معاه يزودلي اكل ليها عشان لبني قل انا حاسة بكده ومبقاش يشبعها يعني اعتمدها الاكتر دلوقتي علي الاكل بس طبعا برضعها بردو بس حقيقي زعلانة اوي عشان لسه بدري اوي علي كده بس الحمدلله بقي، هو فيه لبن وكويس بس بيبقي مليان مثلا لما اصحي من النوم وخلاص باقي اليوم بقي بيملي بالراحة اووووووووووووووي وكان حساه مش مغذي، عشان بطلت اكل الحاجات اللي بتزود اللبن دي وباكل الاكل العادي وخلاص بس رجعت اليومين دول اهو اشرب سيكم لما اشوف بقي