شجون إمرأة;12411808:
مااقدر عليكم يعني عندكم أمل انه بيشاورني ؟؟؟؟؟؟؟
من اول ما فكر يختار اسم واني بطلت بوزي اقول الاسم اللي ابغيه يقول ليي مو على هواش :hysterical:
انا ابوه وانا اللي اسمي
وصارت معارك طويلة عريضة وكله على اسم لصبي خخخخخخخخخخ وقال لي انتي سمي البنات
لما قالوا يمكن بنيه من زمان قعد يختار ويفصل ويقايس اسم البنوته على اسمه
صرت فترة اكلم البيبي انادية عبود لان خاااطري في اسم عبدالله علشان ببالي ان زوجي بيتعود ع الاسم وبيعجبه
قام بعدين بس اقول عبود يقول لي لا تقولين :confused: لانه ما بنسمية عبود ولا تحلمين
هههههه الله يعينش عليه ويعيني على الي عندي
غلا حبيبها;12411775:
شنوو اسم طه ؟؟؟ احس مادري شلون
شجون إمرأة;12411826:
رماح :
ليش خايفه تسمين طه ؟!!
اسم حلو شفيه يعني
برب صلاة
دعائي دنيتي;12411939:
رماح بالعكس اسم طه حلييييييييييييييييييييو
غلا اسم طه هو اسم من اسماء النبي محمد
شجون ودعائي اني مو معترضه على اسم طه بس اني حملت مرتين من قبل وطرحت وقلت يمكن لان حاطين في بالنا نسمي هالاسم فقلت خلنا نغيره اذا حملت
بنت الدانات;12411839:
يووووو اني صار ليي شهرين ماجافوني اهل زوجي الا هم خالاته والله ولا وحده فكرت تتصل او تطرش مسج شخبارش حتى رجلي حط في خاطره واني ماكنت منتبهة حق هالشي على فكره بس هو اللي انتبه وقال ليي نفس مايسوون لش تسوين ليهم يعني الحمدلله جت منه مو مني خخخخخ بمااني كنت كل جمعه وياهم بس من ثقلت ماقدرت اروح ورجلي يقول ليي انا ادري انهم يغارون منش :confused: قلت ليه ياحضي يغارون من ويه قال خالاتي وانا اعرفهم :confused: قلت ليه على راحتك بس مو زين تضن قال مااضن متأكد خلاني اقعد افكر في شي ولا كان في بالي من قبل اقول يمكن بسبب حملي لان ثنتينهم حملهم جدا ضعيف وحده مايثبت حملها والثانيه صار لها جم سنه ماحملت واتذكر طول فترة حملي ايام الجمعه اللي اكون وياهم ولا مره وحده منهم فكرت تسألني شخبارش ويه الحمل ولا يجبون طاري ابد بس اللي صار لها جم سنه طرشت ليي مسج تبارك لي اول ماحملت والثانيه بالمره حتى يوم جافتني ولا كأن بس عمتي ام زوجي ماشاء الله عليها تحبني وحمواتي ثنتين وصغار وبين فتره وفتره يتصلون ويسألون الحمدلله واهل ابو زوجي اني مااروح ليهم واجد بس في المناسبات وهالسوالف مساكين ومن يجوفوني شخبارش وشخبار زوجش وووو
اني خالاته يواصلوني اكثر من خواته
وجدته ام ابوه بعد مسكينه على طول تسأل عني واذا صار فتره ما جيت تتصل ليي
وزوجي يشوف اهلي ان ما يخلوني على طول يتصلون فيني ويشوف ان عماتي وخالاتي وحتى بنات عماتي ما يخلوني وعلى طول يسألون عني
فيتضايق من اهله لان المفروض يكونون حسبة خواتي ولان اكسر خاطره ان امي متوفيه وما عندي الا اخت وحده وتوها صغيره في الاعدادي
غلا حبيبها;12411860:
برررب ألم شديد في بطني اااااااااااه
ما تشوفين شر
ان شاء الله الحين خفيتين
دعائي دنيتي;12411926:
صدق حبيبتي الالتهاب يسبب ولادة مبكرة
اسمعي اني دكتورتي نصحتني بعصير اسمه
ocean spray
إلي على cranberry
اخذي الlight
تقول يعمل عمل المضاد
وبالفعل كل مرة يصيدني التهاب آخذ منه وأعيد التحليل عقب ثلاث أيام تقولين جذااابه
مافي التهاب
اشربي أقل شي 300 مل باليوم
وخبريني وش يصير وياش
وعموما انتين كملي أغراضش هو من ندش التاسع توقعي ولادة اي وقت
فما بالك انتي وياك التهاب من اساس
ولا تخافين
مادمتي بتدشين التاسع فالولادة بأي وقت من التاسع ماتخوف ولا تقلق
شكلك بكرية
صح؟
في وين احصله هالعصير
المشكله الدكتوره منعتني اتحرك فشلون اروح اكمل اغراضي
ايه بكريه>>> طرحت مرتين
شجون إمرأة;12412006:
هههههههههههههههههههه نفس الشئ اني بصراحة عادي عندي اقول محبتها اليهم من محبتها الى اخوتي
بس تسوي حركات تقهرني امي اذا احد يعطيها هدية تجي وتقعد صوبة زوجة اخويي ويطالعون الهدية وتشاورون عليها
ويتقاسمونها بعد :lol:واني مقعده كأني مسند :study:
احياناً احقر واحياناً اقول اليهم مصختونها يقولون الساكت ينسونه بس مو لهدرجة :worn_out:
هههه لو اني ما اسكت
اشوى اني في بيت ابويي مدلعه لاني اول بنيه وجيت عقب 5 صبيان
دعائي دنيتي;12412043:
احس حمواتي نفس الشي
هههههههههه
يعني حمواتي وعمتي يدلعونه احنه نسوان الولاد
وأني بيني وبينش ليي نصيب الأسد من الدلع
لأني مرت آخر العنقود
سكر معقود
وهو الوحيد إلي توفى عنه أبوه ويادوب عمره شهر
فكله كاسر خاطرهم
ويدللونه
ويدلللون مرته وياه
ههههههههههههه
بس اني بعد على قولتهم دابة سليمة
يعني ماامنعه كاهو كل يوم يروح لأمه ومشاويرها ومشاوير خواته الي مو متزوجات كلهم عليه(عنده خوات كبار ماتزوجوا)
هو عنده اخوان غير
بس هم كله يقولون له ماتعودنا نروح ونجي الي وياك
وبيني وبينش أحس الي مافي خير في اهله مافي خير في احد
وهو واااجد يروح لامه لأنها تنسى مسكينة
ومتعلقة فيه واااجد
يعني تصوري يروح يتغذى وياها تتصل له المغرب تقول له ياولدي ليش ماجيت اليوم؟
يعني تكسر خاطري من اساس
وصرااحة
من واجبها عليه ان يباريها
مثل ماشالته وبارته يوم هو صغير
وهو كله يقول امي تحملت فيي انا اكثر وااحد
فمن حقها ان يرد لها جميل واحسان تربيته وتعبها عليه
ايه اكيد اني بعد ما امنعه عن عمتي حتى ساعات تقول ابغي اروح السعوديه اقول له ودها حتى لو اني ما بروح وحماتي الي مو متزوجه بعد على عيني وراسي
وحتى كل معاش اقول له لازم تعطي امك الي تقدر عليه .... لان كان خاطري اذا تخرجت واشتغلت ان اسوي لامي نفس الشي بس للاسف الله ما كتب... فاذا هو يسوي هالشي استانس
لان اقول محد يحس بالام الا الي فقدها
بس انقهر اذا حمواتي المتزوجات يأمرون عليه وتعال ودنا وهم رجالهم قاعدين يعني تعال مثلا ودنا السعوديه ورجالهم قاعدين في البيت لا شغل ولا مشغله
وبعد طبعا ما اقدر اقوله لا توديهم بس انقهر من داخلي