ما لوم;12321724:
هلا حبوو.. شخبارج ؟!..تبين اتعرفيين سر غيابي !..
اسمعي مني الاخبار الحلوة ..من اواخر الشهر السابع وانا احس بالتعب وثقل غير طبيعي ما يخليني ساعات اتحرك من مكاني قلت هااي الشئ طبيعي بس الشئ الا مو طبيعي يوم الخميس وبالتحديد في الليل حسيت بآلالام غير طبيعية بالبطن حاولت اخفف من الألم باني ارقد لكن ويني وين الرقاد:( شووي وابتدى الجد الا الترجيع بدا مفعوله وبديت ارجع ،،بهااي اللوقت فرحت بداخلي لأني توقعت راح ايرووح الالم من بعد الترجيع ،لكن كنت ارجع بشكل مو طبيعي شووي الا انا طرااخ ما اوتعيت الا اشوف كل شئ ابيض .. خفت غمضت وفتحت من جديد الا هااي اهي الصورة ما تغيرت وغمضت من جديد كنت اسمع اصوات غير فتحتها الا اشوف عدد كبير من الطبيبات ملتمه عليي يدي سيده اتجهت لبطني الا اشوف جهاز محطوط عليها وكان جهاز التخطيط وارفع يدي الثانية لانها كانت اتالمني الا اشوف ابرة فيها اتبين اليي انه سيلان.. الف سؤال كان ببالي بس وين اقدر اسال كان الترجيع والم البطن مو مفارقني
شووي الا اشووف الممرضة اتجهز ابرة خفت قلت اكيد هااي الطلق الصناعي اللي
اسمع ابه<<متاثرة واايد بالقصص الولاده وكنت انتظر الالم اللي يحجوون عنه شووي الا احس بالم موطبيعي خلاني افز من مكاني الا الحلوه مدخلة يدها لي داخل حاولت اهرب منها لكن وين اهرب واني مربطة بالاسلاك جهاز تخيط محطوط ع البطن وجهاز القلب منتشر وسيلان في اليد ما اجوفها الا هاجمه عليي الدكتورة لا تتحركين البيبي نبضه ضعيف خفت وقعدت هادئة مافي الا ادموعي اتخر حاولت المسكينة اتهدئني لاني كنت ازيد حالته بالبجي .. وخلوني تحت العناية مدة ساعة ومروا هااي الساعات من عمري بطيئ والحمدلله عدت المرحلة الخطرة وقالو ييون يرقدوني مدة اسوعيين ما رضيت وقعت وطلعت بالغصب...بس بشرط كل يوم اروح اكون مداومة عندهم ..وبس هااي اهيا قصتي:(
الحمد الله ع سلامتك وماتشوفين شر والله
وانا اقرا وايد خفت ع جنينك بس الحمد الله مدام الجنين بخير والحمد الله
