اختي بتدمر مستقبل اخوي ساعدوني بحل مافي وقت,, (مستجدات المشكله صفحه 6)

آنااا أقوول مافي إلا تزوجوون أختج ،،،
شكلها غيراانة ،، و ما يصير تكسرون بخاطر أخوج علشانها ،، داام انه فرحاان و مستاانس ،، آنا أشوف ان أخوج يطلب يقعد مع خطيبته و أنتي ويااهم و يعتذر منها و يوضح لهااا أن اخته متأثره بسالفة زواجه و حاسه انها بتفقده عشاان جيه تتصرف هالتصرفات ،، ،، عشاان جيه لازم كلكم تتعاونون عشان تحلون المشكلة بدون ما أخوج يخسر لا زوجته و لا أمة و لا أخته ،، آنا أحس هااي الحل الأمثل ،،

حبيبتي

أنآ ما ادري ممكن بتفرع لموضوع بس أحس ان مش من حقكم أنكم تقنعون أخوكم أنه يسكن عندكم

ممكن بنت النآس ماترتاح ؟!

القرار الأول لها و لشريك حياتها ان تفقوا يقعدون عندكم كان بها و ان ما اتفقوا براحتهم حياتهم وهم أحرار

و ثآني شي أختك الله يصلحهآ و يهديهآ ماراح تترك بنت الناس بحالها !!

يعني ما اظن بنت الناس بتتحمل تجلس معهآ طول حياتها مناقر و هواش لأنها مش مظطره تقعد معها بنفس البيت اصلا البنت ممكن ماراح تراعي

و بتقول البعد عنها غنيمه

كملي البنت عن مزاجية أختك و عشان لو صار شي ورسلت لها مسجات البنت تحاول تطيب خاطرا بكلمتين هنا ولا هنا وممكن تعذر و تتحمل

وكلمي اخو يرد يكلم اختك بالهداوه و يسألها ليش تسوين كذا ؟؟

واما عن المسجات ما اعرف كيف طبيعتهم ؟؟

والله يكون بعونك و عون اخووك

السلام عليكم اختي
اختك ما ينفع معاها الا شي واحد ان اخوكي يعدل معاملته معاها . الظاهر انها شايله على اخوكي كثير والسبب ممكن اخوكي يهاوشها كثير او ينتقدها او يمكن ان اختك ما تبي حد يجي يسكن بالبيت معاهم والسبب هو اخوكي.
شوفي يلغاليه اقعدي مع اخوكي وقولي له لازم يخلي اخته بصفه ويحسن علاقته ومعاها خله يروح يشتري لها هديه غاليه شوي وخله يتاسف منها ويقول لها اذا ازعجك بيوم انا متاسف معليه خله شوي يتنازل علشان يحقق حلمه ويتزوج . مافي اخت تحمل على اخوها من غير سبب واذا عرف السبب بطل العجب ان شاءالله تنفع معاها هذي الخطه وترتاحون من الاذيه.

المشكلة في اخوج لو يعدل معاملته لاختج بتتحسن نفسيتها حتى لو كانت اهي مزاجية وعصبيه
وعاملها بروية وهدوء اهي بتهدأ وبتراجع نفسها ان اهي كانت غلطانه لانه اهي غرضها من المسجات
تأذي اخوج مو تأذي البنت اويمكن من كثر اهتمامكم بموضوع اخوكم بهالفترة
حسسها بالغيرة وعدم مبالاتكم لها خلاها عصبيه اكثر لاحظي
انها بنت ومو متزوجه واهي الوحيدة اللي في البيت مع اخوج
واهو راح ياخذ له وحده من عمرها فالمشلكة في نفسيتها اهتموا فيها بهالفترة ولاتهملونها او
وانا ارفض انكم تنطنشوها او تعاملوها بقسوة لانها راح تزيد اكثر او يمكن تسوي اشياء
ماتخطر في بالكم بس عشان تأذي اخوج والمفروض من اخوج يتعامل معها بطريقة افضل
ويحاول يصحح من معاملته معها ويتقرب منها حتى لاتحس بنقص او بفقدان اخوها
مثلا يطلع معها ويكلمها بأمور الزواج ياخذ رايها فيها يشتري لها اشياء اهي تحبها وفي ألف طريقة يتقرب
منها لانه اذا يبي يعيش مع البنت بسعادة وراحت بال
لازم يحل المشكلة قبل الارتباط فيها واختج راح تتحسن وتعيش طبيعية مع مرة اخوج وراح تعاملها بطريقة افضل من جذي
هذا رايي الشخصي والله يهديها ويوفقكم واللي فيه الصلاح يقدمها رب العالمين