تجمع بنات مصر لشهر رجب 1431 هـ

يقوللى خلاص احنا نشوف يوم ناخده من اوله برا
اقولله اوك
وعليها
يلى ننزل نتمشى يقوللى طيب خلصتى اللى وراكى اقولله اه
يقوللى طيب خليها بكره
وهكزا بقى
ويجى بعدها بكام يوم يقوللى انت زعلانه
اقولله انا ماقدرش ازعل منك ياحبيبى
وهكزا

طب ما تجربى تحسسيه انك مبسوطة ومرتاحة فى الوضع الغلس دة ومتخنقهوش
على فكرة اغلب الرجالة مش بتحب تقعد كتير مع مراتتها الا اذا كان فيه مصلحة

ملهمش فى اللك والعجن بتاعنا دة

طيب حاولي تقربيله يعني
اعمليله مفجاة بيحبها
مثلا

الناس المنفسنة بقى
معلش يا شيمو ندى منفسنة من اكلك وحلاوته

وايه يعني اما تصارحيه
بالحاجة اللي بتضايقك منه
لما يقولك زعلانة
قوليله انا بزعل من كذا وكذا
بس للو ده يرضيك خلاص انا راضية بكدة
كله برضاك عندي واللكلام الذي منه بقى

وكمان هو كان متعود يتكلم معايا فى كل حاااااااااااااااااااجه دلوقتى ممكن افاجئ بحاجات فى ساعتها يعنى انه خارج دلوقتى او انه معزوم بره دلوقتى او انه هايقابل واحد صاحبه دلوقتى كده يعنى مش بقى بيشركنى معاه فى حاجه خاااالص
وفى البيت بيسيبنى وماسك التليفزيون ليل نهار اتكلم معاه مش مدينى اهتمام افضل اقول الحاجه تلات اربع مرات على ماينتبهلى ويقوللى كنت بتقوللى ايه

انا كمان بحس ان جوزى مبسوط وهو لوحده فى السعوديه طيب تخيلو بقولو قبل ما يسافر هتبقى تبعت لى قال لى انتى عمرك ما هتسافرى لى والله اتصدمت ساعتها من الكلمه دى حسيت انه بيرتاح وهو لوحده وبحس فعلا انا مبيحبش يتحمل المسئوليه يله الحمد لله وربنا يستر ويكمل حياتنا على خييييير

عمتو بيتو;12595202:
وايه يعني اما تصارحيه
بالحاجة اللي بتضايقك منه
لما يقولك زعلانة
قوليله انا بزعل من كذا وكذا
بس للو ده يرضيك خلاص انا راضية بكدة
كله برضاك عندي واللكلام الذي منه بقى

لا يابيتو انا بقولله انى زعلانه بس لما بلاقى زعلى مش هامه فبحس انى لو قولت كده تانى هابقى رخمه
فبعمل انى مبسوطه وخلاص
وان مفيش حاجه مزعلانى

قوليله يا شوشو انك زعلانه عشان مش بيخرجك طالما انتى بتعملى اللى عليكى ومش مقصره معاه فى حاجه

laloolao;12595219:
انا كمان بحس ان جوزى مبسوط وهو لوحده فى السعوديه طيب تخيلو بقولو قبل ما يسافر هتبقى تبعت لى قال لى انتى عمرك ما هتسافرى لى والله اتصدمت ساعتها من الكلمه دى حسيت انه بيرتاح وهو لوحده وبحس فعلا انا مبيحبش يتحمل المسئوليه يله الحمد لله وربنا يستر ويكمل حياتنا على خييييير

تعالى جنبى ياحبيبتى انت ساكنه فين يلولو

لا ورخمة ولا حاجة
لما يعرف ان الحاجة الي بيعملها بتزعلك
مرة واتنين وتلاتة
حيبدا يراجع نفسه
ويقول انا بعمل كدة ليه
او حتى حيزهق انه يكررها تاني

انا من المنصورة يا قمر وانتى منين؟

وفى حاجه كمان انا حاسه انه بقى انانى مش بيفكر غير فى نفسه واحتياجاته بسسسسسسسسسسسسسسسسسسسسسس

انا عاوزه اقول على حاجه بس محدش يضحك عليا
انا برده جوزى كان بقاله فتره متغير برده كنت بعيده عنه ولحد دلوقتى بس بشوفه مره كل شهر
برده يعد مع اصحابه كتير وانا على طول لوحدى
بس يعنى اهو اتظبط شويه الحمد لله انا رقيته محدش يضحك بقى
رقيته ورقيت نفسى وحسيت انه بدأ يتغير شويه الحمد لله

بس يامونى جوزى مش محسود
جوزى راجع متغييييييييييييييييييييييييييييير
ومغرور فى نفسه زياده عن اللزوم س

اصل انتي طالما بتعملي اللي عليك
ودياله اهتمااااااااام كبير
وهو ولا معبر
خلاص حاولي تتقلي انتي عليه
وخليكي غامضة في كلامك
عشان يلف ويدور
عشان يعرف انتي بتقصدي ايه
او بتحاولي تفهميه ايه

اصل لو ادلقتي اكتر حتلاقيه بيبعد اكتر
ليه
لانه اتعود الشهور اللي فاتت دي
يعيش حياة العزوبية
ومش وراه مسؤليه وحد مضيق عليه
لكن لما يحس انك معتمدة شوية على نفسك
ومش رامية كل الاحمال والمسؤليات عليه
حيبدا يبقى متوازن في تعامله

شكل جوزك زى جوزى يا شيماء جوزى وهو هنا كان نفس الطباع دى انا كنت ببقى عايزة اقول له انت انانى مبتفكرش الا فى روحك
ربنا معانا وربنا يهديهم والله عمل معايا مواقف قبل ما يسافر الله يسامحه بقا فكرتينى بعمايله معايا

ادا يا لولا انتي من بلدياتنا
يا هلا يا هلا
احنا مكتسحين المنتدى هنا
هههههههههه

laloolao;12595243:
انا من المنصورة يا قمر وانتى منين؟

اهلا وسهلا
انضمى للفريق:D

عمتو بيتو;12595241:
لا ورخمة ولا حاجة
لما يعرف ان الحاجة الي بيعملها بتزعلك
مرة واتنين وتلاتة
حيبدا يراجع نفسه
ويقول انا بعمل كدة ليه
او حتى حيزهق انه يكررها تاني

يا حبيبتى يا بيتو
انا شايفة فيكى نظرة امل وتفاؤل

اغلب الرجالة عناديين
وبيسممعو منها ويطلعو من النحية التانية
وممكن تطلعى انتى اللى غلطانة كمان ونكدية



على فكرة يا جماعة بيتو تبقى اخت جوزى:D:D:D:D

موني والله كويس انك رقيتيه
لسه كنت بسمع لشيخ بيقول على فضل القرااان
والرقية مهمة جدا
بتزيل اي هم او كئابة او مرض او حسد
بيقول كل واحد يهتم برقية نفسه واهله
بيقول ولو بصفحة او وجه واحد من المصحف
القران كله شفاء اللمؤمنين