..رجاء لبنات البحرين..

فهدونه;12340052:
حتى لو في عقد بعد غلط و أكثر المشاكل من هالسالفة و بعد ما نتعظ و بعدين أغلب العضوات يدرون أن تقصدون بعد الملكة لكن بعد يستنكرون اللي أتقولونة لأن مب في عرفنا و تقاليدنا النوم و السهر في بيت الزوج و بس فئة قليلة اللي عندها عادي و مش كل البحرين عندهم نفس العادات فلا تسوونها حاجة طبيعية و الغلط فينا أن ما نفهم ...أسمحوا لي الغلط غلط ما فية لف و دوران ....و الأختلاف في الرأي ما يزعل ...

لا حبيبتـي إنتي إلي أسمحي لي !..

أنا بحرينية وأتكلم بـ لسان حال كل البحرينيات :thumbs_up:

من قالج أصلاً إننا فئة محدودة ؟!..

أنا بحرينية وأقولج إن 80% من مجتمعنـا

مجرد ما تنخطب البنت وينكتب كتابها

خلاص ,

[MARK="#666666"]تصير حلال لزوجها وهو حلال عليها[/MARK]

تدش وتطلع معاه بلا حسيب وبلا رقيب لأنه زوجها ومحد له حق إنه يتكلم لهم

ومسآلة إنها بترقد وياه أو بتحمل منه هذي أمر شخصي جداً

ومو كل بنت تسويه

وحتى لو سوته

إهي ما غلطت ,

لين غلطت في الشرع وفي سنة الله ومحمد

[MARK="#666666"]لكم كامل الحق تتهجمون بهـ الطريقة ,[/MARK]

شي يحز في النفس إن البنت تطرح مشكلة مع زوجها

بس تناديه خطيبها بسبب الفترة إلي هم فيها

ويجون ناس ما يدرون شسالفة

ويقولون غلط ما غلط

ومالهم حق وعادات وتقاليد

ليش ؟!..

بنات البحرين مالهم عادات وتقاليد أيضاً ,

لا حبيبتي

الحمد لله مجتمعنا جداً محافظ

وعارفين زين ما زين شنهو قاعدين نسويـه

ولو إلي نسويه غلط

ما شفتي ثلاثة أرباع بنات البحرين هاي نظامهم مع الخطيب .. صح ولا لا ؟!..

..*..

..لمعة عين..;12340140:
طيب بدل لا تكتبون خطيبي

اكتبوا زوجي

وانحلت المشكلة:)

مشكلة إن البنت تكتب بين قوسين زوجي ,

بس في ناس مستحيل تستوعب هـ الشي

من بعد ما تقرآ كلمة : خطيب هههههههههه :lol:

..*..

مشـــاعل;12340737:
انا معاج مئه بالمئه بالكلام الي قلتيه

زايدينها كثير بعض البنات ماخلو شي لليلة الزواج

ولا حتى لي بعد الزواج يعني شحافه غير طبيعيه:p كأنه بيطير الزوج دخلو واحملو ربي لك الحمد والشكر والدعوى فترة خطوبه عشان يكسرون الوحشه ويتعارفون

ماقول غير ويعععععععععععععععع عليهم بس

خير إختي الكريمة ؟!..

أحنا أعتقد قاعدين في منتدى محترم صح ؟!..

وبنات البحرين محترمات صح ؟!..

وقاعدة تناقشين ناس فاهمة و واعية صح ؟!..

فـ ماله داعي هـ الأسلوب نهائياً :thumbs_down: :thumbs_down: :thumbs_down:

ويرجى الإلتزام بمبادىء الحديث والأخلاق

وعدم التهجم على أحد

ولحد يقعد يفسر الأمور على مزاجه وكيفه

أحنا البحرين غير عنكم إنتوا برى

[MARK="#666666"]ومحد له حق يجي يحكم على مجتمع إهو مو عايش فيه بنفسه ..[/MARK]

أوكي ؟!...