تجمع لحوامل شهر فبراير(شباط)*2*

اي والله الله يعين

اما انا ماسكني صداع رهيب مب راضي يفج

ماقدر حتى اشل راسي من المخده احس الالم واصل لي رقبتي

خذت امس بندول وخف واليوم رجع نفس الشي

والحين خذت بندول وخف شوي

الله يعين باجر

وانا الشيخه طايحه في بندول اكسترا وماكنت ادري ان مب زين

لما كلمت الدكتور اليوم قالي لا مب زين اخذي البنادول العادي

والمشكله البندول العادي مفعوله وايد بطئ

مادري وش سبب هالصداع وشلون اوقفه

والمزاج اووف حدث ولا حرج صار لي يومين ماكلم زوجي جي بدون سبب

مسكين يقولي الله يعني عليج مايسوى علينا حملتي

اقوله تبي ياهل تحمل خخخخ لان انا كنت ابي اخر الحمل شوي على الاقل لي مايصير عمر ولدي سنتين بس مارضى يبي اخو او اخت عشان ولدي مايتم بروحه على قولته يحصل احد يلعب معاه

يالله الله كريم

الله يجيبه بالسلامه

صج بغيت اسالكم


ان شاء الله عقب العيد راح اسافر انا وزوجي

ف زوجي اقترح اني اخذ الخدامه معاي عشان تريحني شوي خبركم ولدي يبي له احد يراكض وراه


وانا بيني وبينكم خاطري اسافر انا وريلي وولدي بروحنا مابي اتقيد بأحد


ف شرايكم اخذها ولا اخليها ؟؟

سقاإني
اين أقول أخذيها وياكم أحسن عشان بعد تقوم بالشيل والحظ
وما تتعبيين

سقاني ملبوس العافية ان شاء الله
وبالنسببة للشغالة اذا انتي تقدرين تتحملين الشيل و الحط وتبارين الصغير الاحسن اللي اشوفه لا تودينها انه ما احب احد يقيدني وخاصة السفر مو بس شغالة ما اخذ معاي حتى لو احد من الاهل اذا بسافر مع زوجي وولدي احس ما اخذ راحتي

سقاني : الحال من بعضه الصداع ذابحني
حتى البارحه المفروض أروح بيت جدتي بس من الألم ما طلعت من البيت وما طلعت من حجرتي إلا حزة الفطور
تفطرت ورديت مكاني والمخده ,, حتى زوجي يقول لي قومي نطلع انتي قايله تبين تروحين تشترين أغراض
قلت له ما ابي شي وما بروح مكان وخذ ولدك وخلوني بروحي خخخخخخخخخخخخ مسكين بدل ثياب ولدي وطلع وياه واني ولا حسيت فيهم نمت على طول
وما رجعوا إلا الساعه 10 وشي ,, بس أهم شي ريحت لي شوي لأ كان راسي بينفجر
والبندول الصراحه أخاف آخذه ,, قالوا لي عن ماي الزعتر زين عن وجع الراس وأحســه اوكي

والشغاله احس الأفضل انج ما تاخذينها ,, وزوجج معاج خله هو يلاحق ورى ولده
يعني سفر وروحه وجيه والواحد رايح يغير جو مو يغربل روحه بمسؤلية شغاله ونكد
وانتي شوفي الأحسن لج واللي يناسبج

كيف حالكم بنات معليش ليه فتره مادخلت تعرفون رمضان وحوسه مره مافي وقت والله يعين
انا الحمدالله بخير ياربي لك الحمد وبطني كل مالها تكبر زياده الله يسهل علينا الشهور

بنات بسألكم

تفكرون في الولاده ؟؟

وشرايكم في ابره الظهر من يفكر ياخذها ؟؟

ماباخدها


يقولون وجع الولادة يطهر المرا من ذنوبها


وانا ابغى الثواب صراحة


بنات انا اليوم دخلت الخامس


احس بطني عادي ماكبر كثير

يمكن لاني قبل الحمل كان فيني كرشه فااحس كل ماكبر شوي ماكانه كبران هههههههههههههه


الا صحيح بنات

انتو توحمتوا على الحامض او الحالي؟


يقولوا في باب الحارة انه اللي تتوحم على الحالي تجيب بنت واللي تتوحم على الحامض تجيب ولد


عاد في ناس زبطت معاهم وفي ناس لا




وشنو فطوركم اليوم؟


انا قلت بسوي سيزلينج ربيان

وورق عنب

وعندي باقي الصالونة من امس

وانتو شنو فطوركم

كيفكن طمنوناكيف البيبيات عم يعزبوكن:
أناتوحمت علحامض وقلي الدكتورنشالله صبي وكل اهلي زبطت معن
هلأمشان الولادةأنابدي اولدقيصريةبخاف كتيرمن الطبيعي وابرةالضهربخاف تعملي شي لأنوازاماكان دكتورشاطربتسبب شلل الله يسترنا

هههههههههههههه لا بالله طمنتوني

انا متوحمه على الحامض


ليمون وخيار وملح وهات ياضغط خخخخخخخخخخخخ

عيل شكلي ولد

الحمدلله على كل حال

انا الصراحه في ولادتي الاوليه مارضيت اخذ ابره الظهر <<<< وايد كانت الاخت شجاعه


لكن ماطلعت عيني الا شوي حسيت اصلا اني بموت هههه

اما الحين لا شكلي باخذها ولا اتعذب ولا اشوف العذاب اللي شفته قبل

سقاني

إبرة الظهر جربتها بولادتي الأولى وطبعا كانت قيصري ومره اعجبتني
والحمد لله ما لها آثار جانبية بس لازم يكون دكتور التخدير شاطر لذا ممكن تاخذينها بالطبيعي

.
.

نص دكتورة
مافي شي محدد توحمت عليه اذا ع الحامض انا احب الليمون بكل الأحوال لا يمكن استغني عنه بأي وجبة :)

بالنسبة لفطورنا كان بف باستري بالجبن ومحلى بالشيرة
وشوربة شوفان ومطبق بالجبن وكفتة البطاطس محشيه دجاج


.
.

ليان
الطبيعي أحسن بألف مرة من القيصري
ألم ويروح عكس القيصري الألم مستمر معك طول عمرك
خذي إبرة ظهر خذي أي مسكن أحسن لك

شفتو بنات وش قلت لكم


لما ادخل الرابع اتوحم عكس الناس


طول الفتره اللي طافت ما كنت ارجع


اما هاليومين كل ماحط شي في حلجي ارجعه طلعت عيني

واليوم من ركبت السياره وانا احس بلوعه

مانزلت البيت الا على طول على الحمام

بس عشان بطني خالي ماقدرت ارجع تعذبت

بعدها نومت ولدي ونمت ومادريت عن نفسي الا الساعه 5

قمت ادور ولدي ماحصلته الحمدلله ابوه خذه يمشيه معاه

والحين البنات بيخلصون الوحام

وبتبتدي الاخت سقاني

ويالليل مطولك خخخخ

^
^

الله يعينك أختي من جد عكس الناس :(
إن شاء الله فترة وتعدي ع خير يارب

سقاني
الله يعينش صراحه
ان شاء الله ما تطول وياش

سقانـــي : الله يساعدش على الترجيع والدوخه ,, ,, ,, هم وانزاح بصراحه
وعن ابرة الظهر جربتها بولادتي الأولى لأي ولدت قيصري ,,
والحمد لله طول العملية ودكتور التخدير كان قاعد جنب راسي ,, ولما طلعوني من غرفة العمليات لغرفة الانعاش بعد العملية جا يتطمن على وضعي وخلاني احرط رجايلي على اساس يتأكد ان كل شي اوكي ,,


ليان : الله لا يحوجج للولادة القيصريــة ,, الولاده الطبيعية ًج ألم ومعاناة لكنها فتره وتزول
بس القيصري تظلين سنين وطول عمرج وانتي تعيشين المعاناة
الكرش ما يروح لأنهم يقطعون كل شي عشان يفتحون الرحم ,, وألم منطقة العملية يظل لفترة يألم وغير ألم الظهر المزمن
والحكة والنغزات اللي تذبح أيام الصيف و و و و و و

بالنسبة للوحام والتنســي على شي معين
اني أساساً أحب الحوامض والموالح والشوكولاتــه طبعاً
وفي حملي السابق ما تغير حبي لهالسوالف يعني مااحس روحي أحب شي معين عاااادي
و هالحمل بعد نفس الشي ساعات أحس بموت اذا ما اكلت جوكليت ,, شوي ويصير خاطري آكل ليمون أو شي مالح

يعني مو شرط الحلو بنت والمالح ولد

خيو جمال الزهره اين بعد جدي أحب الحامض والمالح من كنت صغير ولا زلت أحبه
بس ما أرغب للكاكو ؤاجذ ولا أحب أكله ؤاجذ
ولمئ حملت ما توحمت على شيء وأبي أكله يعني الوضح كلش عادي ههه

سقاني
اختي في وحمها بالأولاد تشديه
لما الناس يروح وحمهم ترجع
ماعرفتي للحين وش فيش؟

اخباركم كروشات
على الوحم مرات احب الليمون
والحين صايره ليه3 ايام اكل فواكه حامض وحلو
ودخلت الرابع ولا رحت مستشفى عشان اطمن على البيبي
مشكلتي زياره عند اهلي وعشان رمضان دوامات اهلي ناس بالليل وناس بالنهار محد متفرغلي
بكره بخلى اخوي يوديني

كيفكم ياحوامل وشخبار رمضان معاكم اني كل ليلة ادخل اشوف سوالفكم واطلع بس ما ارد لان سريع سريع واطلع تعرفو التعب ورمضان ولعيال

الاسبوع الماضي رحت موعدي وسويت تحاليل وسونار وسئلتها اقدر اعرف شنو جنس الجنين قالت لا تو الناس صغير
كيف انتو عرفتو من اسبوع 12 واليوم دخلت الاسبوع 17 بس