تجمع لحوامل شهر فبراير(شباط)*2*

اخباركم بنات مبارك عليكم الشهر
انا من اول يوم رمضان سافرت انا مع اهلي راجعين الدمام وقلت اروح اساعد امي لانها حامل في الشهر التاسع ياحياتي تعبانه وبطنها نزل وكل يوم نقول اليوم ولادتك
الله يسهل عليها ويهون طلقها يارب ادعولها
اما انا 21 /8 /1431 كان اول يوم ليه في الشهر الثالث
تصدقون من يوم ماعرفت اني حامل مارحت المستشفى ولا سويت مواعيد ولما رحت بعد 3 شهور قالتلي الدكتوره ليه تاخرتي وماجيتي بدري وماكان عندي جواب لفيت ودرت بالكلام
وادتني حبوب حمض الفوليك وقالتي استمري عليها لاخر شهر وفي بدايه الرابع راح تعملي ملف متابعه
وعملتلي تحويل للمستشفى الكبير وعملتلي الدكتوره اشعه تلفزيونيه وقالت شوفي راسه وهذا قلبه ولا شفت شي كله اسود وابيض بس في شي يتحرك مثل النبض كان على الشاشه مكتوب الاسبوع 11شكله اليو الاول بهالاسبوع
وعملتلي تحليل دم وبول وقالت سليم الحمد لله
والحمد لله ماحسيت بالوحام ولا بتعب كثير يادوب يوم او يومين اتعب وبعدين ارجع كويسه ومرات اعاف ريحه الاكل ومرات لا واليوم احب اكله معينه وبكره اكرهها
بس احس بتآنيب الضمير لاني جوعت الجنين مااكل شي يادوب وجبه وحده او ثنتين واكلي لقمه ولقمتين لان هذا طبعي من قبل الحمل والزواج
بس الحمد لله احس اني ماتعبت وايد وهذا بفضل الاستغفار بس خايفه الجنين يتشوه لاني ماخذت حبوب الفوليك من بدايه الحمل ولان اكلي مره قليل كيف ينمو ويتغذا !!!

انا بطبخ اليوم اي شي لان امس طبخت انا وامي
واخواني وابوي مااكلو شي لان طبعنا اكلنا قليل وسخنا الاكل الساعه 10 وكمان زاد فسخنت الاكل وبابا وداه جيراننا عمال يبنو بيت وقلت توبه مو وجوه اكل انتو
يمكن اعمل لقيمات اخذتها من النت طريقه منال العالم
وزوجي في البيت بجده عند اهله وانا بالدمام وماني شايله هم شو اطبخ هههه

سلام عليكم

شخباركم بنوتات
صار لي يومين مادشيت \\ تعبانه :( وش اسوي !!
حتى في اليل ما اقدر انام \\ كل دقيقه اقعد ما ادري اليش :( ..

شخباركم ويا الصيام \\ الله يتقبل منا ومنكم بأحسـن القبول :) ..
شخبار بيبياتكم ان شاء الله زينين ..!!:D

السلام

انا الحمدلله بخير واليوم ماجلست الا الساعة اربع ههههههههههههه


لو مازوجي جلسني من النوم يمكن الى الاذان نايمة


عملت لنا صينية لحم بالخضار والبيض والجبن وطلعت لذيذة<<اول مره اعملها


ومن باقي الباستا امس صخنته والصالونة

اصلا ماقدرنا حتى نكمل الفطور


مع اني احس اني ماطبخت بس الحمدلله زاد مانقص


ولسه من شوي شربت شاي وجالسه اقضي باقي اموري


يالله يمكن بعد شوي اروح بيت اهلي كمان اذا مامليت


يالله سي يو

مرحبا بناات شخباركم وي الحمل والصيام


كنت مستانسه ان هالحمله خفيفه


لكن من دخل رمضان انقلب حالي 180 درجه


سبحان الله اصوم طول اليوم وقبل الفطور بدقايق بس تجيني لوعه وماشتهي اكل


اكل بس شوي عشان البيبي

وجان زين لو اكل ي فيه خير

صرت ما شتهي اكل بيت اهل ريلي ف الوالده الله يحفظها كل يوم اطرش لي فطور

وصرت انا والنوم ربع كل ابي انام وبس حتى ساعات اتابع مسلسل شوي الا انا في سابع نومه ماحس بنفسي


ما افتح عيني الا اشوف مسلسل ثاني


وبعد مب طايقه البيت كل ابي اطلع احس اني اختنق في البيت


الله يكون بالعون



بسالكم شريتو شي حق العيد

وفصلتو عبي ولا للحين ؟

حياكم الله في الجزء الثاني من تجهيزات ولدي
وادعوله بالصلاح


http://forums.3roos.com/showthread.php?t=558174

أم مــــــلاك;12912037:
صباح الخير كروشات
وحشتوووووووووني
مبارك عليكم الشهر و الله يعينا على صيامه و قيامه
الله يعطيكم الصحة و العافية، الحمد لله إنكم تقدرون تسون فطور، أني ما أقدر أسوي لأني بسرعة أتعب من الوقفة و حتى من القعدة واجد، يااااااا ربي اتمم حملنا على خير
ليلة الأحد عندي موعد و إن شاء الله اتطمن على البيبي، دعواتكم لي في هالشهر الفضيل
أني بعد ما راح أقدر أدخل على طول بس إن شاء الله كلما سنحت لي الفرصة بطل عليكم

~ أم فاطمة ~;12916519:

سلام عليكم ... شخباركم أن شاء الله بخير ...

أحس روحي تعبانة اليوم أكثر من بقية الأيام ... و حالتي النفسية زفت ....

و أعصابي فاقدتنها ... الى حد الحين النساة ما خلص .. ما ادري متى بيخلص ...

24 ساعة احس باللوعة و تعبانة ... غير الترجيع بكم مرة في اليوم...

ما ادري اشلون ارفع من معنوياتي ....

الصيام ما اقدر اصوم ... لانة اشرب دويات و ارجع بكثرة ...

عندى موعد عند الدكتورة ليلة الأحد ... ان شاء الله كل شيء يطلع تمام ... لاني قلقانة ...

الله يسهل علينا و عليكم الحمل و تمضي هذي الأيم بسرعة ...

الله يطمنكم على بيبياتكم ,, وما تشوفون شـــــر

leeean;12912799:
يابنات انا رحت عموعدي عند الدكتورة وكان عندي شوية نزيف قالتلي اخد حبوب تثبيت مرة تانية
وعملت الترا ساوند قالتلي البيبي صاير رجال بس لسه ما بين بنت ولا صبي شفتو عم يتحرك وحط رجلو عتمو وعطتني كمان صورة للبيبي انا كتير مبسوطة

زيييين انج تطمنتي عالبيبي ,, وحاولي ما تتحركين عشان النزيف يخف
الله يعدي هالفتره على خير

الله يساعدنا \\ واجد متعبنا الحمل صراحه :( ..
سقاني من قرب الالم \\ عن العبايه \\ اني رحت فصلت لي وحده وسويتها على قدي الحين \\ ويوم وصلت البيت تذكرت اني لازم اسويهها واسعه عشان الدبه :lol: ..
ماعليه برد اروح اسوي لي وحده ثانيه \\ اذا صار لي مزاج عاد :p ..

اني اليوم احس روحي جوعانه بس مو واجد :lol: ..
يعني عادي انتضر الى وقت الاذان :D ..

من بدأ الصيام و وجع الراس ذابحنــي :091:
وساعات أحس باللوعه بس خفيف مو مثل قبل ,,

واول يومين صيام نمت في بيت ابوي البارحه عاد رجعت بيتنـــا ,,
والطباخ ما ليي فيه لأني ساكنه في بيت اهل زوجي وناكل جميع , يعني عمتي تطبخ اساعدها شوي ,, بس هي اللي تطبخ كل شي الله يعطيها الصحه واللعافيــه
وإبداعاتي المطبخيه تطلع في بيت ابوي لأني اخذ راحتي في التحرك في المطبخ اكثر :03:

نومي صاير مخربط , كل ساعه أو ساعتين اقعد من النوم للحمام وانتوا بكرامه
وساعات كتكوتي يقعد من النوم يزن , فآخذه أنيمه وياي على سريرنــا لأني مااقدر كل شوي اشيله وارجعه في سريره ,, وعاد يذبحني من التقلب والرفسات :052:

كيفكم


اليوم بموووووووت من الجوع ولا طبخت وراسي داااااااير

عاد البارح ماتسحرت واليوم دوااااام واحس نزل السكر في دمي


بنات الاثنين غندي موعد متابعة مع الدكتورة


ان شاء الله بقول لكم شنو يصير


بايو

نشالله بتكمني عالبيبي نص دكتورة

شخباركم حوامل اني اليوم رحت الى دكتور عام لان دكتورتي ماتستقبل الا بمواعيد وعندها ضفط فرحت الى دكتور عام
وسويت تحليل بول وطلع معاي صديد بالبول عطاني ابرة ومغدي وباقي الايام بكمل كبسولات بس بغيت اسئلكم لما اجي امسح بعد الحمام وانتو بكرامة فية دم خفيف فاتح سئلتة يقول عادي ادا مافي مغص

هيلووووووووووووووووووووووو بنات ............ الحمدلله كل خبارنا نفس الشي
الحمل صراحة متعب في رمضان والله كريم يتمم هالشهر الفضيل على خير

ربي يبارك لكم ويطمنكم على بيبيهاتكم يارب
انا ماعندي شي جديد غير نوووووووووووووووم نوووووووووووووم نووووووووووووم كرهت نفسي ابي اقوم اسوي لي شي مفيد مو قادرة
الحمدلله على كل حال ......... طبعا الصيام ماشي لاني نايمة اصلي وانام مادري بشي ومن اصحى لازم دورة وترجيع والحمد لله على كل حال
عندي سؤال لك اختي نص دكتورة ماعليك امر ..... انا شريت جهاز مساج لرجولي الله يعزك واستخدمته يمكن عشر دقايق او اقل بعدين انتبه انه فيه اشعة تحت الحمراء للمساج وميته خوف وعندنا اجازة ومواعيد دكتورتي مو عارفتها لاني بعد مارحت موعد للعيادة في رمضان كلمتهم كذا مرة ومسكرين مادري هل في ضرر على البي بي والا عادي طمنيني الله يطمنك

سلامي للكل دون استثناء والله يسهل عليكم ان شاء الله
ا

:057::057: أرق أرق أرق
ما أدري شفيني ,, حتى ليما أنيم ولدي أحس ما فيني نوم وأظل قاعده
اتعب من كثر السدحه ومحاولة النوم , لكن بعدين أبي انام للعصر احس ما اشبع خصوصاً
إني كل شوي أقعد للحمام - وانتوا بكرامه- أحس البول شي مو طبيعي حتى لو شربي للسوائل خفيف .

yara911;12927971:
شخباركم حوامل اني اليوم رحت الى دكتور عام لان دكتورتي ماتستقبل الا بمواعيد وعندها ضفط فرحت الى دكتور عام
وسويت تحليل بول وطلع معاي صديد بالبول عطاني ابرة ومغدي وباقي الايام بكمل كبسولات بس بغيت اسئلكم لما اجي امسح بعد الحمام وانتو بكرامة فية دم خفيف فاتح سئلتة يقول عادي ادا مافي مغص

انا هيك كنت انزف واخدت حبوب تثبيت وخلصتا بس هلأ من جديد صاير معي متلك وبس امسح في دم خفيف قلت للدكتورة قالتلي خدي حبوب تثبيت لنهاية الاسبوع 16 انت بأي اسبوع هلأ؟

مراحب بنوتات
كيفكم وأخباركم ؟
اشتقت لكم مررررررررا
بالنسبة للصيام عملت لي مفرزنات وحطيتها بالفريزر
ومرة مرتاحة بس أصلح نوع عجين بنفس اليوم والشوربة والعصيرات
والله يعيننا ع الصيام ويتقبل منا

.
.

رسوووله
خير ان شاء الله عسى ما شر :-o
ليش بتغيبين عنا؟؟!؟

.
.

عسى الشر ما يجيك
كنت ببيت أهلي زوجي سافر وهناك أبد ما فيه وقت أدخل النت
والحين رجعت بيتي :)