تجمع لحوامل شهر فبراير(شباط)*2*

مرحبا كروشات شخباركم ويه الحمل انشاء الله كلشي ماشي تمام

اتمنى تزوروني في موضوعي عن مراحل الحمل بالصور طبعاً وانشاء الله يعجبكم وتستفيدون منه واتمنى تقيموني

حياكم
http://forums.3roos.com/showthread.php?t=535091

يسلمووووووو


بكرا رح اجربهم

لانه اليوم زوجي ماحاب العجينه الا متأخر

يسلمو على الخلطات


عجبوني

قلت بسوي 3 انواع


بسوي على لحم وعلى جبنه وعلى بيتزا

زي حشوه البيتزا

قاتله من اللذاذه


يم يم


والامس بهرت لنا شاورما وبسوي لنا اليوم بيتزا


<<الاخت مشتهيه تطبخ ههههههههههههههههههههه


يالله سي يو وراي دوام

^
إن شاء الله تعجبك
أنا ع الأسبوع الجاي كل يوم بسوي صنف وأجمده عشان يخف الطبخ برمضااان
وهالطريقة تنفع لك برمضان وغيره لأن عندك دوام تخفف الضغط عليك ..

بناااااااات ترى نايمييييييين


ترى مشتركه بمنتدى ثاني


من الصبح لحد الان فوق ال30 رد!!


خلاص عاد بلا دلع ترى الترجيع والحومة المفروض خلصت

:D مرحببببببببنننن شخباركم وش مسوييين ..
ما شاء الله ناوين تطبخون هههههه \\:lol:
امس كنت بروح المستشفى بس ماقدرت اروح قعدت من اليل الين الصبح ارجع :(..
وتعبت ولا قدرت اروح \\..
ان شاء الله اقدر باجر اروح ابي اخلص من سالفة المستشفى وافتك \\ ..
اليوم طلعت شوي رحت سويت لي عبايه ويوم طلعت نسيت اقوله سوها واسعه شوي عشان بعدين الين كبرت الدبه :-# ..
ورحت الستي سنتر افتريت شوي اخذت لي اقمصه 2 واسعين عشان الدبه هههه مستعجله على الدبه :lol:..
شفت ثياب البيبياااااات يجنننووووون صار خاطري اخذ بس قلت ما ابي اتسعجل :D

صباح الخيرات كروشــات
أشوف الطبخ قايمه سوقــه عندكم ,,
اني ساكنه ويه بيت عمي , فسوالف الأبداع في الطبخ كلها تطلع في بيت أبوي
والماما مسافره واني ما لي خلق روحي واختي مشغوله ويه الخطيب وللحين ما جهزنــا هالسوالف لشهر رمضــان <<< قصـة حياتي
والله كل يوم أقول اليوم بشتري سبرنج رول وبسويه وأنسـى وأتناسى ,,

تدرون بنات ,, ساعات أحس روحي خفيفه وما فيني لوعه ولا شي وأخاف واحاتي ,, يمكن البيبي في شي !! ويوم ثاني يرجعالتعب , مع ان هذا ثاني بيبي ان شــاء الله يعني خبره
بس تعرفون الوسوااااس
موعدي في المركز الصحي تاريخ 10 وانتظره بفااااااااارغ الصبـر


الفرقــد : اني بعد متحمســة لسوالف الثياب الواسعين , ماادري شفيني , خاطري أطلع اللي عندي من الحين وألبس فيهم , بس صدق أحس هالفتره البوانطلين يضغطون عليي .. والعباية للحين ما رحت فصلت ليي ,اخاف بعدين يصير زحمه ويه شهر رمضــان وما احصل محل يفصل ليي , ومثل ما قلتين بسويها واسعه وبفك روحي


يالله بنات خلونــا نحرك التجمع ,بلا كســل

هع


والله مشتهيه الحين اقوم اسوي حشوه للسمبوسه

لانه امس رجعت من الدوام لبيت ابوي وجلست الى 6

رجعت سبحت وصليت ونوووووووووووووووووووووووووووووووووووووووووووووووم


للحين لسه جالسه هههههههههههههههههه


احتمال اتحمس واقوم اطبخ من الصبح

تتكلمون عن رمضان والطبخ

من جد أحاتي رمضان صمت يوم واحد في رجب ويوم في شعبان وحسيت نفسي تعبانة

لازم أكل لو شيء خفيف اتعب كثير لما تصير معدتي فاضية

من جد الصيام هالسنة بيكون عن جد متعب لأن هالحمل دبل حملي بأولادي اثنينهم

كل اعراض الحمل وتعبه فيني

الصداع .. حرقة المعدة .. ضعف المناعة .. الترجيع .. الالتهاب .. البواسير

من جد تعب في تعب

مرات من كثر ما أشوف نفسي تعبانة أجلس أصيح خصوصاً لما ما أقدر أقوم لأولادي وأحس نفسي مقصرة جداً في حقهم وفي حق البيت

فكرت أجهز كم شغلة لرمضان بس لسه ما سويت شيء ولا فرزنت شيء

ومحتارة ومحتاسة في حالي

شلون عرفتي بحملج؟ ومن كان معاج حزتها؟
حللت قبل الدورة بيومين وطلع خط غامق جداً حتى أغمق من خط الكونترول ولا صدقت عيني وعدت الاختبار يمكن 3 مرات ونفس النتيجة خطين.

طبعاً أنا كنت ماشية على الحسبة وحملي هذا صار بعد الدورة مباشرة. سبحانك ربي إذا أردت شيئاً قلت له كن فيكون

2- من أول واحد عرف بحملج أو حس انج حامل؟
زوجي ولحد الحين ما أحد يعرف أني حامل


3- شلون خبرتي ريلج انج حامل؟
كنت جالسة معاه قلت له ودك في بنت والا ولد؟ قال: اللي يجي من الله حياه الله .. طبعاً هو على باله أمزح معاه قلت له : ترى صحيح أنا حامل .. ما صدق .. قمت جبت له اختبار الحمل ولما شافه صدق

4- شلون خبرتي أهلج وأهل زوجج بحملج؟
لسه ما خبرت أحد

5- اللي ما خبرو اهلهم ( مثلي) ومبرزين فكرة أو مفكرين في طريقة حلوة عشان يبشرون اهلهم فيها ..
لسه ما قررت كيف بأخبرهم ؟ يمكن انتظر العيد وأخبرهم

ام الاقمار الثلاثة فيك شي متغير!!!!!!!!!!!!!!!!!!!!!!!!!!!!!!


المشاركات 1؟؟


شصاير

المشاركات في مواضيع التجمع لا تحسب

المشاركات: 1

هذه المشاركة في موضوع التجهيزات هي الوحيدة المحسوبة

نص دكتورة
من جد نااااايمين صح :)


بشورة
الله يكون معك إن شاء الله فترة وتعدي



الفرقد
طلعت قبل كم يوم بشوف لي بلوزة للعيد ولا لقيت اللي فبالي هههههه
المحلات الخاصة بالحوامل جدا سيئة والماركات الثانية ما حصلت شي قصة واسعه


أم ملاك
من جد أريح لك أنا سبق وكنت حامل برمضان بعدها صرت ما اتعامل الا بالمفرزنات
حتى أكثر حتى لو بغيت أفطر عند أحد بس أطلعها وأقليها جداااا مرييييييحة



جمال الزهرة
حلووو راح يطيح عنك جزء من الطبخ أحب الفطور الجماعي والمشاركة فيه
أنا الحين كذا مرات أحس نفسي مو حامل ومرات لا طايحه طول اليوم


أم الأقمار
ممكن إذا دخلتي رمضان يخف التعب
حتى لو تصومين جزء منه
والله يسهل عليك يارب وتصومينه كامل

والله يا رسيل كنت متأملة أخلص 12 أسبوع ويروح التعب

خلصته والتعب لسه موجود

ما أدري الى متى بيستمر ؟؟

كروشات اليوم قرأت معلومة جديدة بالنسبة لي

البعض يقول انه صحيحة والبعض يقول لا

المعلومة تقول: أنه إذا كان كيس الحمل بيضاوي جاي بالطول يعني الجنين يكون ذكر وإذا كان كيس الحمل دائري يكون الجنين أنثى

وهالمعلومة ذكرتني بالمقولة اللي دايم يقولها الناس ::

أن البطن إذا كان زي الكورة فالجنين أنثى

وإذا كان زي البطيخة فالجنين ذكر

ياللا كل واحد تقول تجربتها ونشوف من تنطبق عليها المعلومة؟

انا بالنسبه لي العكس هو صحيح


لما كان بطني زي الكوره جبت ولد


حتى كل من يشوفني يقولي ولد حتى اللي ما اعرفهم يوقفوني ويقولون لي بطنج فيه ولد


خخخخ


اما الحين صج توه بس احس انه غير عن الحمله اللي قبل احسه صاير بيضاوي

ان شاء الله بنت قولو امين



بنات شرايكم في اسم غاليه ؟؟

شلون عرفتي بحملج؟ ومن كان معاج حزتها؟

تاخرت علي الدوره ماشكيت اني حامل بالبدايه لان تتاخر علي كنت اخذ حبوب منع الحمل ولخبطها عقب 17 يوم من تاخر الدوره صخنت وتعبت ف شكيت اني حامل لان بولدي نفس الشي صار لي بس بعد رحت المستشفى وماسويت تحليل وماقلت حق احد اني شاكه باني حامل بس ريلي كان حاس وعقبها سويت تحليل في البيت وطلعت فعلا حامل
2- من أول واحد عرف بحملج أو حس انج حامل؟
امي
عقب ماسويت تحليل اتصلت لها كنت شوي واصيح واستانست وقالت لي مبروك

3- شلون خبرتي ريلج انج حامل؟

طبعا ريلي كان شاك ويوم عرفت اني حامل قصيت عليه وقلت له لاتستانس لان جاتني الدوره وعقبها بيومين قلت له بقولك خبر كم تدفع قالي قولي قلت له شنو تتوقع قالي اتوقع انج حامل قلت له اي واستانس قالي اطلبي اللي تبين جن ماعنده ولد من قبل

4- شلون خبرتي أهلج وأهل زوجج بحملج؟

للحين مب الكل يعرف انا بس خبرت امي وامي قالت لاختي وزوجت اخوي وريلي قال حق حق امه

5- اللي ما خبرو اهلهم ( مثلي) ومبرزين فكرة أو مفكرين في طريقة حلوة عشان يبشرون اهلهم فيها ..
لو اول بيبي غير بس الحين بيكبر البطن وبروحهم بيعرفون خخخخخ

كيف تعرفوا كيس الحمل بيضاوي لو دائري؟


انا مااعرف!