حياكم بنااات ...
اليوم حابه اتكلم عن بعض الاغراض الي عندي حابتهم وااايد وفكرت انا اشاركم بموضوعي عن تجاربي في الايام ذي وان شاء الله تستفيدون ... F:;)
اول شي بسم الله ...
من فتره شريت هالبيجمنت من انجلوت بيييييييه شي مب طبيعي حده حلوووو اللون اول ما شفته دش خاطري وانا من محبين الذهبي والبرونز وااايد فاللون ياي على ذهبي والالوان منه وفيه اهو يلمع وتشوفين فيه اخضر برتقالي وجذي بس اهو ذهبي في الاساس وايد حلووو انصحكم فيه لا تفوتونه ورقمه واضح 84
وشريت فرشاة حق الفاندويشن من ميك اب فور ايفر صج صج صج بناااات تهبل وااايد حبيتها في الاستخدام انصحكم فيها وانا خذيتها على مدح الي تبيع وفعلا اطلعت على قد المدح ....
وبما انه غراامي البرونز فهالايام هابه بالارواج الي يايه على الكراميل والبني البرونز والبني الفاتح واللون المشمشي ونشوف في الصوره روج من مكياااجي ياي على كراميل رقمه 06وااايد احبه وحلوووو وفيه ترطيب يهبل الشي الحلو الي فيه حتى لو كانت الشفايف شوي متقشره من الجفاف ما يبين يرطب الشفايف يعني جنه يسوي تمووويه هههه بس هالنوعيه الي لونهم فضي من محل مكياجي احلى من الي لونهم ذهبي ...
والروج الي علبته حمره رقمه 125 مع القلوس ماخذتهم من ريميل وااايد حلوووين فاتحين ويناسبون اللوك السموكي بس القلوس شوي حار على الشفايف لانه فيه نسبة تكبير وفيه لمعه نااااعمه ...
والروج الثالث من ماركس اند سبنسر اسمه mink ما يعطي لون قوووي كثر ما يعطي لمعه صدفيه تهبل للشفايف وحلو حق اللوك البرونزي والثلاثه استخدم معاهم هالمحدد الي لونه لحمي شاريته من لايف ستايل ...
هالروج المشمشي شاريته من ريفلون رقمه 415 وااايد روووعه اللون وهذي ثاني مره اخذ منه حتى شوفوه بقرطاسه للحين ما بطلته الاولي كمل ودايركت طرت وشريت الثاني وخذت معاه هالمحدد من ريميل ...
والحين بتكلم عن البلاشرااات اول بلشر من ماركة اوفيس لونه مشمشي بلمعه وااايد احب اللون المشمشي في البلاشرات وهاللون انصحكم فيه ناااعم وبلمعه ... وثاني واحد حده حلووو من ماركة نكس ياي كذا لون في نفس العلبه وفي منه الوووان وايد وكلهم حلوووين بس انا اخذت هذا لان اميل لهذي الالوان انصحكم فيه وبقوووه حلو للأستعمال اليومي والثالث ستار بودر برونزي من ميك اب فور ايفير رقمه 90922 اهو في الاساس شدو بس انا استخدمه بلشر شنووو روووعه اللون واللمعه وااايد حلوووه عاد هالشي الخطير انصحكم فيه ولا تفوتونه ....
والفاندويشن ماعطيني اياه هديه على مشترياتي وجربته والصراحه يهبل اهو فاندويشن اتحطينه يندمج مع بشرتج يصير نفس لونج بالضبط وملمسه ناااعم وتغطيته حلوووه تعتبر خفيفه حق الي يحبون النعومه واذا تستخدمينه لازم في البدايه اترجين العلبه لانه اغلب تكوينه ماااي بس انا ناااويه اشتريه اااكيد وااايد عجبني فحطيته في الويش ليست ...
هالبودره تستخدم للبرونز انا شاريتها من ماركس اند سبنسر بس اهي في الاساس لونها مب غامج عادي يعني في منها لونين هاللون واغمج بشوي بس الحلو فيها لمعه اااتينن اتحطين هالبودره كلمسه نهائيه على ويهج يصير ويهج يبرق بس برقه نااعمه وحلوه مووو اوفر وشوفووو شلون متلعوزه من كثر ما استخدمها هههه ...:|
من فتره بشرتي تعبت وصايره جافه مع انه بشرتي في الاساس مختلطه مدري ليش فقلت اعتني اكثر فيها فشريت فيتامين سي للبشره من ريكسول وجربته اهووو حلووو بس ريحته قووويه وكريم العين المعالج للهالات وتحسين المنطقه من ريكسول بعد حلووو ما تحسست عيوني منه وثالث شي كريم مرطب بفيتامين اي من ذا بدي شوب والحمدلله ماشي معاي وبشرتي ما تحسست منه لان لي تجربه مأساويه مع فيتامين اي حق ويهي الحبوب الي اتبطلينهم وتاخذين السائل حطيت في ويهي واليوم الثاني الله لا يرويكم جنه احد ماعطني بوكس في ويهي بقعه زرقه وحالتي حاله ههههه :-#
اخر شي بختمها بهالباليت الي تعجبت منه الصراااحه شفته في محل عاااادي يبيع اغراص متنوعه لفت انتباهي لانه الواني المفضله قلت ماعليه بجربه وان شاء الله ما يصيدني شي خخخخ عاد انبهرت منه صج رخيص بس الوانه قووويه وثابته وما اطير مع الوقت او تخف فتوفقت فيه الحمدلله ... :$:
اتمنى اني كنت خفيفه عليكم وعجبكم موضوعي ولو استاهل قيموني يا حلوووين :o
:L: بحفظ الرحمن :L:
:L: بحفظ الرحمن :L: