Hazal Kaya;12314404:
انا راضيه فيه وافكر اوافق عليه
ولكن
انا ابصراحه
اكره السكسوكه
واحب الرجال بلحيه خفيفه مره بدون شنب او بدون لحيه ولاشنب
اهل ارفضه بسبب اني لااحب السكسوكة
حبيبتي انا ما اعرف كم عمرج بس اسمحي لي حسيت من اسلوبج انج بعدج صغيره
ترى هذي الأشيه تعتبر تافهه بالنسبه لموضوع الزواج..موضوع الزواج اكبر من جذي
يعني مو معقوله ترفضين شخص عشان حاط له سكسوكه والا ما عنده شنب والا غيره
ترى الريال مو بشنبه ولحيته الريال بشخصيته..
يعني انا لم كنت مراهقة ولا كنت فاهمه شي عن الزواج كنت اقول ابي واحد اسمر مابي اتزوج واحد ابيض وكنت ابي واحد من غير لحيه لأني ما احب اللحيه احب السكسوكه اللي انتي ما اتحبينها وغيره من هالأشيه
لكن نصيبي صار مع واحد ابيض وملتحي ومواصفاته تختلف تماما عن مواصفات الزوج اللي حاطته في بالي هذا اللي الله كاتبه لي فديته والحمدلله رب العالمين
بعد الزواج اكتشفت ان الشكل والمظهر ما له اي اساس في الزواج..
شخصية زوجج واخلاقه ومعاملته وحبه لج هي اللي بتنعكس على شكله وبتخليج اتحبينه مثل ما هو..بتحبينه بحلوه ومره وبكل عيوبه
يعني شو الفايده تتزوجين واحد عشان شكله ومظهره وحياتج وعيشتج معاه مره!!
الزواج مسئوليه كبيره تحتاجين شريك يعاونج انج اتحملينها.. يحط يده بيدج ويشاركج بكل صغيره وكبيره ويوقف معاج في الحلوه والمره..
مو تقولين الله يهديج سكسوكه ما سكسوكه بعد الزواج ما بتنفعج لا اللحيه ولا السكسوكه وغيره
حبيبتي في موضوع الزواج خلي قلبج يستريح شوي وفكري بعقلج بس ودرسي الشخص من ناحيه اخلاقه تعامله مع الناس صلاته وديانته سمعته شوفيه هل هو قد المسئوليه او لا واستشيري اهلج واقرب الناس لج واستخيري ربج ورب العالمين بيبين لج كل شي و الله يوفقج ان شاء الله
وبث