مدري وش الحل مع هالعالم

السلام عليكم
انا عندي مشكله مع اخواتي وزوجات اخواني مو راضيه تنحل ابدا
حاولت بكل الطرق ولكن لافائده
وهي(( الانسجام والتناغم ))
اخواتي يتهموني بالغرور وطريقة تفكيرهم تختلف عن طريقة تفكيرهم تماما
انا اشتاق لهم وهم ماعمرهم قالو مشتاقين لك مدري مايعرفون يعبرون عن مشاعرهم ؟او انهم بالفعل لايشتاقون لي
واذا رحت عندهم يستفزوني بالكلام وانا اتضايق من كلامهم وتصرفاتهم واحلف اني مااروح عندهم مره ثانيه وبعد كم اسبوع الاقي نفسي حنيت لهم
دايما يقولون انتي اولادك مدلعين والله ان بناتي مااحد قد اشتكى منهم لكن انا فعلا مدلعتهم يعني اقولهم كلام حلو واشتري لهم اللي يبون ومااحب دمعة اولادي ابدا
وعندي ابني الله يحفظه يارب ولد محترم ووالدي يحبه ويعامله معامله خاصه وهم يقولون ولدك مدلع ولسانه طويل (متحدث)بس هم يعتبرونها طولة لسان
المهم اخر مره اجتمعنا فيها صارت هوشه بين ولدي وواحد من اولاد اخوي وقامت اخته تضرب ولدي مع اخوها يعني اثنين على واحد وبصراحه بغيت ابكي قلت ليه كذا احنا مجتمعين علشان ننبسط والاطفال يتزاعلون ويرضون مافيه داعي للتدخلات وزوجة اخوي تحرض اولادها ونافخه حالها اصلا هي عقلها صغير
قلت لها ياحبيبتي كلنا نحب اولادنا ومانرضى احد يغلط عليهم انتي مره ضربتي ولد صغير علشان تعارك مع ولدك وانا ولد اخوي ومافكرت امد يدي عليه
المهم انتهى اجتماعنا على تكشيره وحقد بالقلوب
وقبل كم يوم اتصلت علي اللي هي زوجة اخوي وتقول اختي فلانه تزوجت واحد له مركز على بالك محد يتزج واحد له مركز الا انتي قلت لها الله يهنيها ويوفقها والله انها سكرت الخط وانا مقهورة من كلامها قلت في نفسي انا وش سويت لهم علشان يعاملوني كذا والله ماعمري شفت حالي عليهم ولارميت عليهم كلام يغث بالعكس احاول اني افرفش الاجتماع وانكت وهم عاملين صحبه مع الهم والكشيره
وكل قرايبنا يقولون انتي غير عنهم فرفوشه واجتماعيه ويمدحون باولادي
وانا عارفه ومتأكده انهم يغارون لكن احاول اقرب لهم وماابي اخسرهم وانا احبهم بالفعل لكن احس انهم مايحبوني
حتى مره اخوي يقول لولدي امك بخيله
بغيت ابكي قلت لولدي وايش فتح السالفه قال كذا بدون سالفه
والله اني بكل مناسبه اهديهم وانا ماعمري شفت منهم شيء اولد واطلع من النفاس ماي فتكروني بهديه وانا كل اولاهم اعطيهم هدايا
قلت يمكن ظروفهم ماتسمح س هم يعطون بعضهم البعض ومره سمعت من اختي الصغيره تقول انهم يقولون هي مو محتاجه شيء قلت الهديه مو احتياج !!! الهديه حتى لو كانت رمزيه يفرح فيها الانسان
هذا بعض اللي نفسي والخافي اعظم
يمكن البعض منكم يقول مو معقوله هم غلطانين وانتي الصح
لكن والله هذا اللي صاير ووالدي وقرايبي شايفين اللي انا شايفته