₪||■. مطاعم مملكة البحرين من خلال تجربتي...وأكيد بالصور.■||₪

شوشو 87;13780001:
طلعتي يووم السبت

لاميزون كافيه فرع السيف

خذيت من عندهم كيكتي المفضله جوكلت فليك

والمكان كان وافي غورميه :adore:

دلوووعه زوجها;13781360:
السلام عليكم عرووووسات شخباركم
حبيت اشكر صاحبه الموضووع على هالموضوووع المفيد
وهذي اول مشاااركه لي وياكم
وعندي اشكثر صور بس يبى ليها وقت للتنزيل بس الكسل شنسوي وياه:D
المهم زيارتنا هالمره لمطعم الأبراج للغذاء وكانت مع بنات الشغل في والشراب طلبنا 2 ليمون بالنعناع و2 كولا
والفاتوره طلعت 16.500 دينار
وتقيمي للمطعم 8/10

وإذا عجبكم موضوعي لاتنسون الميزان

nice2eyes;13713641:

مرحبا بناااات :D

اليوم رحت انا وهلي على عشى المطعم الايراني بارسيان وكان بوفيه سعر البوفيه للشخص 7 دينار ونص ...

في البدايه هذي صوره من برع ...

وهذي صور من بعض اطباقنا ما قدرت اصور اكثر :adore:F:

طبعا الاكلات كلها ايرانيه لمحبين الايراني ااااااااااكيد بيعجبهم انا عجبني وهلي بعد بس وحده من خواتي ما تحب هالنوع من الاكل فما عجبها ...

تقييمي للمطعم 4 من 5

تراجي ام الزين كله;13783260:
عليكم بسبعين عااااااااااااااااااافيه

خاطري كلشي اكل بس رجيم مادري شيحدني ادش هني :(
ومن سويت الرجيم وانه كل بخاطري المطاعم اللي ودي اروحها ههههههه

M!ss CoLoRz;13785864:

تقرير 3 من 3

آخر وأأقدم تقرير ماحطيته

هالمطعم رحته قبل شهر يمكن.. ما أتذكر الصراحة بس من زمان

كان خاطرنا في هندي فقررنا الاتجاه إلى...

الاسم: Spices

النوع: هندي

الموقع: فندق كروان بلازا - المنامة

لما وصلنا انجان انجوف المكان كله ملون وحاطين قلايد ورود ملونة مالت الأفلام الهندية

ومسوين ديزانات ملونة بالبودر مالهم

جان يقولون لنا Happy Dipawali .. طلع عندهم عيد ديوالي على قولتهم عيد النور والأضواء مادري شنو

والكل كان لابس هندي والهنديات كل وحدة ساريها أحلى من الثاني

المووهم من ذي كله إنهم بهاي المناسبة ما كان فيه منيو ولا طلب

ايبون لكم كل اللي موجود عندهم بأحجام صغيرة

وكل ما تخلصون طبق يابوا لكم اللي عقبه

يعني يمكن نص اللي كليته ما اعرف اسمه

جوفوا معاي:



شوربة دال



طبق Starter
من اليمين: ديزاين طماطة على شمعة، ربيان مشوي، كباب لحم، شي ما أعرفه على نخي وآلو جنه طعمية، شي ما أعرفه خضرة وفوقه متاي

لذيذ :thumbs_up:



خبز نان



وقلنا لهم خلو الطماطة نسهر على ضوئها :D



من أعلى الصورة: سلطة، كفتة لحم، دجاج مع آلو وصلصة ماأعرفها، برياني دجاج، سلطة روب بالخيار

كله :thumbs_up: إلا اللحم طعمه شكر!!



من اليمين: كاري خضرة،كاري دجاج ،كاري لحم

كلهم حلوين بس أحلاهم كان الخضرة :hysterical:



صورة من زاوية مختلفة + ماي



طبق الحلو .. ماأعرف شنو بس الصوص اللي وياه جدا حلو وباردطعمه على زعفران خنين كان

وقبل ما ندفع يحليلهم مسوين توزيعات

عطونا قوطي هذا شكله



ومن الداخل



مرزبان على شكل تفاحة ولدو ومادري شنو

عطيته أمي ماجربته

والبيل طلع علينا حوالي 33.600 دينار



وتقييمي: 10\10

التجربة كانت واايد حلوة مع الأغاني الهندية خصوصا إنهم كانوا مستانسين

nice2eyes;13789089:

تحليتنا في مايا كافيه :D

بسم الله ....



:L:



:L:



وعواااافي على قلبنا ... ~ :adore:F:

ملاحظه : مدري ليش ما يهتمون بنظافة القلاصات دايما لين نروح نشرب من غرشة الماي نفسها ولاحظت اغلب الي هناك بعد يسون نفسنا ... ~