₪||■. مطاعم مملكة البحرين من خلال تجربتي...وأكيد بالصور.■||₪

صاحبة الظل الخفي;13554811:
صايدتني حالة غريبة
ماشتهي اصور والصور الي عندي متكيسلة انزلهم:(:|

هذي الصور حبيت اشارك فيها وياكم كانت لطلعاتنا مطعم أصفهاني فرع شارع المعارض
الطبق الاول الشوربه



و هذي المقبلااات
الحمص باللحم
ورق عنب على الطريقة الايرانيه



الأطــبــاق الرئيسية
طبقي بروستد دجاج <<< ما اتذكر اسم الطبق بالضبط بس اعتقد هذا اسمه
طبق زوووجي مشويات ايرانيه مشكله<<<لذذذذذذذيذ كنت آآكل في المشويات لآخر نفس من الشبع لكن طول الليل ما نمت من العطش((مبالغه))بس صدق المشويات تسبب لي عطش خصوصا إذا أكلتها في الليل
و الخبز مالهم عجيب من التنور للمائدة سااااخن واو
و هذا المااي لاننا ما نشرب على الوجبه كولا و لا عصاير فاكتفينا بالماي <<< لان الشرب على الوجبه يطلع دبه :)



الأكل للأمانه ما عليه كلااام لذيذ
بس تقيمي للمطعم 9من 10 لانه كبينانه ضيييييييييييييييييييييييييييييييييييييييييييييييييييييقه في هذا الفرع واجد
و البيل ما اتذكر كم بالضبط بس ما اعتقد أكثر من 10 دينار
ان شاء الله يحوز تقريري على أعجابكم و بعدها تقيماتكم

و قبل لا تخلص المشاركة هذي صورة لأسكريمنا من باسكن بصوص الشوكلت و المكسرات
و كان الايسكريم مكس حددده لذيذ
كنا ماكلينه في دوحة عراد وكان الهواء طلق عجيب



واجد هذرت سامحوني ;)

اصفهاااااااااااااااااااااااااني فرع الهملة اليديد واااااااااااااااااااااايد حلو المكان و راقي افكر اروحه و بحط لكم عنه تقرير

مرحبا صبايا ..
امس كنت في مجمع السيف اتسوق مع امي فديتها .. وخبرج عقب الشووبنج تحتاجين الى الطاقه خخخخخخ يعني اكيد عشى لذيذ..
واحنا نتمشى شفنى هل مطعم



ماكثرت خبر ودخلنا هل مطعم
هذي اسمه بالعربي ..



وهذي كانت طاولتنا ..


عطوني منيو للاكل ومنيو للعصير

هذي منيو الاكل ..



هذي منيو العصير





اكيد ما اخترت عصير ههههههههههههههه واخترت مشوربي المفضل



اختار الاكل .. وطبعا قبلها ماقصروو قدمو لنا مقبلاتهم الهنديه الخاصه بالمحل عند الاستقبالهم لج على الطاوله ..


خلال انتظاري للاكل .. صورت لكم رقم الطاوله..


تمنيت اخذ لكم صور للمكان بس للاسف ماقدرت لكثرت الناس في المحل .. فخفت احد يوقفني ويبلشني يقول لي تصورينا هههههههههههههههههه

بعدين حطو لي الصحن الخاص للاكل ..


وشوي ولا العشى وااصل ..


اخترنا انه او امي نفس الطبق ههههههههه كاري دجاج ..
واحنا مستمتعين في الاكل .. الا الوالده فديتها جافت على الطاوله الي يمنا غرشه ماي .. جان يصير خاطرها فيها .. يا يمه غيري بدلي هذي الا ماي .. جان تصمم تبي تودي الغرشه معاها البيت هههههههههههههههههههه ( تقول دشت في قلبها الغرشه )

وهذي اهيا غرشه الماي ..



بعد ماخلصنا العشى .. طلبنا الفاتوره ..



انه حبيت القعده وايد وكل واحد في حاله والمكان يصير بالضبط فوق .. محلات دبنهامز سابقا .. وحاليا H&M .. ماخذين نص المحل فووق جريب من لاميزون ونعومي ..

اهمه تقريبا 4 مطاعم يم بعض ..مطعم هندي ومطعم سوشي للحين مانفتح ومطعم صيني وكوفي شوب .. نفس نظام الستي سنتر ..

يجوز احد قبلي نزل موضوعه نفس المطعم بس حبيت اشاركم تجربتي ..

يمممممم يمممممممممي مريييييييييييييومه شكله لذيذ حده صار خاطري فيه

ماشاءالله حلوه تقاريركم مطعم اصفهاني وايد اكله لذيذ

مريومه تقرير حلو ..... وشجعتينا نزوره بس ما قلتي تقييمش ككل وأهم شي مستوى الاكل يعني يسوى الروحه لو لا .... وضحكتني الوالدة نفس حركة أمي بس على الخبز من نروح مكان ويعجبها خبزهم تبي تشيله وياها تخيلي خخخخخخ

وفديـــــــــــــت أمــــــــــج الله يخليها لكم

يمي مريوووووووووووووووووووووووووومه سعابيلي سالت <<< خخخخخخخخخخ
يوعانة توني رادة من الناااااااااااااااااااااااااااااااااااادي
اقول مريوم
شوفيلج صرفة ويا ميزانج

المطعم حلو ويستاهل زياره لمحبي الاكل الهندي.. وحتى اسعاره حلوه

خوووش تقارير لي عودة للتقييم

ومريوومة خوش غرشة للماي من عذر دشت في خاطر الوالدة الله يحفظها

تقريري اليوم لمطعم تشيليز



فرع الستي سنتر

أمس كنت في رحلة تسوق
ودار راسي وشوي ويغمى علي :'( :'(فتذكرت اني ماكلت شي عدل من الصبح
تميت قاعده عند المطاعم وانا ماشتهي آكل كلش فخليت اختي تختار واختارت تشيليز


المهم، أول شي طلبت لي شوربه "حساء اليوم"
وكان عندهم نوعين الأول نسيت شنو والثاني اللي هو دجاج ومشروم



عجبتني لأنها مالحه وردت لي الروح خخخخ
بس ماحبيت الدجاج لأن صاير مكعبات، لو كان الدياي منتف جان أحسن
فشربتها كلها وخليت الدياي على صوب خخخخ

طبق اختي
جكن كويساديا، هو في العاده معاه رز + فاصوليا بس خذنا بدالهم شبس و ماشد بوتيتوز








طلبي انا كان "كويساديا اكسبلوجن"

وهو عباره عن سلطة وفوقها قطع دياي مع جبن وذرة وشرايح خبز محمص
ومعاهم 4 قطع خبز تورتيا بالجبن وصلصه ماذقتها الصراحه






المشروبات
كولا وعصير مارغريتا (ليمون ولومي :worn_out: مع ثلج مجروش) عاد انا ماحب عصايرهم وايد لأنها مب فريش
قاصين علينا يعني ، بس خذت لي عن خاطري :o



وهذه هي الفاتوره
سوري التصوير مب واضح، بس الفلبينو يوم جافني أصور كل شي قال لي تبين أصوركم ثنتينكم مع بعض :lol:؟؟
فيعني خرب علي لحظة التصوير هاذي خخخ



وللي الصوره سببت لهم الحول
البيل طلع 13.200

وبسس
سلامتكم

أنا الشوق;13563233:
تقريري اليوم لمطعم تشيليز



فرع الستي سنتر


وللي الصوره سببت لهم الحول
البيل طلع 13.200

وبسس
سلامتكم

مريومه20007;13558447:
مرحبا صبايا ..
امس كنت في مجمع السيف اتسوق مع امي فديتها .. وخبرج عقب الشووبنج تحتاجين الى الطاقه خخخخخخ يعني اكيد عشى لذيذ..
واحنا نتمشى شفنى هل مطعم



ماكثرت خبر ودخلنا هل مطعم
هذي اسمه بالعربي ..

gr8princiss;13556183:
هذي الصور حبيت اشارك فيها وياكم كانت لطلعاتنا مطعم أصفهاني فرع شارع المعارض

بالعافية على قلوبكم \ تم التقيييم \

بالعافية شوقوووووووووووووووووووووووووووو و تم التقييم
خاطري في المولتن شوكلت مااالتهم ابيه يوعااااااااااااااااانة اناا قايلة ماا راح ادخل اهني

شوقو ههههههههههههههههههههههههه ادري تغيرين مني .. ههههههههه احساابي معاج في الداعوووس ههههههههههههههههههههه

عليج بالف عافيه .. ومره ثانيه حاااسبي اكلي قبل لا تطلعين وكملي الباقي في المطعم ..

وبالنسبه لي طلبج ممتاز .. وعليكم بالعافيه .. حاولت اقييمج لكن تعرفين شسالفه ... معاااند

البحـNooRــرين;13564258:
بالعافية شوقوووووووووووووووووووووووووووو و تم التقييم
خاطري في المولتن شوكلت مااالتهم ابيه يوعااااااااااااااااانة اناا قايلة ماا راح ادخل اهني

:hysterical::hysterical::hysterical:
يالدبه انتي
سوي بلوك على الموضوع :lol:
والله يعافيج :o

فتوح الصغيره;13565430:

أنا الشوق عليج بألف عافية بس المفروض تآكلين حتى لو شي خفيف قبل لا تطلعين من البيت خصوصا أنج حامل

اليوم رحت تعشيت في كوكوز بس مااقدرت اصور زحمة شوي

الله يعافيج فتوحه
هالأيام صايره كلش من آكل شي تلوع جبدي ومادري شيصيدني مع اني اول الاشهر ماكنت جذي :confused:
وكوكوز مارحته الا مره وحده واختياراتنا ماكانت موفقه
فمافكرت اروحه مره ثانيه الا من سوالفكم صار في خاطري، بس خل الجو يبرد أكثر عشان أقعد في الحوش :cool:

مريومه20007;13569360:
شوقو ههههههههههههههههههههههههه ادري تغيرين مني .. ههههههههه احساابي معاج في الداعوووس ههههههههههههههههههههه

عليج بالف عافيه .. ومره ثانيه حاااسبي اكلي قبل لا تطلعين وكملي الباقي في المطعم ..

وبالنسبه لي طلبج ممتاز .. وعليكم بالعافيه .. حاولت اقييمج لكن تعرفين شسالفه ... معاااند

:lol::lol::lol::lol::lol::lol:
شنسوي بعد يختج

بنتلاقى عيل في الداعوس :struggle: