استعداداتي لسفرتي لديرتي الثانيه مومبااااي

نااااااااايس خوش موضوع على الأقل نتعلم من خبراتج تراجي

لفت نظري إسم الدكتور جنجال هههههه هذي مو إسمه يعني هواش

ههههههههه سكتي ماعبر
البارحه اختي قبل ماترقد اتقولي اختي هاي شكله عصبي ههههههه من اسمه هههههههههههههههاي

حياج الله ابوي وان شاءلله ماقصر بمعلومه تفيدكم

الله يسهل اموركم
يسلموو الغاليه

بعد عمري الله

الله يسلمكم

ياريت اقدر انه باخذ لابي وياي بس ان شاءلله يوفرون لي بروباند هناك
اذا ماقدرت بخلي وحده من البنات تطمنكم علي باذن الله :)

دام عندي وقت قبل ماطلع بحط لكم عن المناخ في مومباي
وبعض الفنادق اللي ممكن تسكنون فيها
في منطقه كولابا
طبعا اتكلم عن كولابا لان معروفه كلها خليجين صج اوسخ شوي من المناطق اللي في مومباي بس شرحه وحلووه كلشي يمج


المناخ:
جربت السفر لمومباي شهر 2 و 4 و 5
بس مانصح السفر في هالاشهر لان الجو يكون حااااااااار وعزكم الله الروايح موحلوه بالديره
تعرفون بحكم العدد الهائل عندهم

السفر في 6 و 7 و 8
طبعا من بدايه 6 بتلاقون ان الجوو قام يعتدل ومن نص شهر 6 تبدي الامطار عندهم تنزل
وطبعا اكثر شي من اخر شهر 6 ورايح الامطار شفتها بعيني عادي اقول على طول اليوم ومونفسه رعد وحاله والمطر هني يعطينه الف انذار ان بينزل هناك سبحان الله بددون سابق انذار ماتووعونه الا نزل
في هالاشهر الديره ابدا ابدا ماشميت راويح لان من الله تنزل هالامطار تبرد وتنظف الديره
وانصحكم وبقوه السفر في هالفتره اللهم شوي بتتعبون في التسوق بسبب المطر

شهر 9 لي 1
الجو يكون ربيعي وحلووو

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الفنادق في كوولابا وبعد مارجع بحط لكم الفنادق في مومباي ككل

فندق اسكوت
معروف حاليا صار جنه ب 4 نجوم راقي حلووو بس العيب فيه ان موقعه مو استراتييجي وحلوو للي بيسكن فيه من 5 لي 7 ايام
كانه الليله حسب اخر اتصال وياهم الليله ب 70 دينار

فندق ريجنت
مكانه حده استراتيجي يسار تقدرون تروحون للجيت ويمينه السوق ويمه براده وللعصاير ومحلات العود
الليله تبدي في الاشهر العاديه من 30 دينار وفي الصيف لثلاث اشخاص او 4 ب 50 دينار زايد شوي موقاصر

فندق تاج محل
5 نجوم
على مستوى يطل ع الجيت والبحر الليله اتوقع فيه 120 دينار ومافوق
فيه محلات الماركات
مطاعم كشوخيه وخصوصا مطعم هندي بس الاسعار فيه ضوووو

فندق الدبلومات
لايغركم الاسم بس تراه فندق مستواه عادي
لصيق في ريجنت هوتيل ماعرف جم الليله فيه اتوقع ب 25 دينار

فندق الخليج
هم فندق تغلبه الاسر القطريه والسعوديه
فندق جيد الليله فيه 36 دينار تقريبا
وفي الصيف 45 دينار تقريبا


سامحوني حاليا مظطره اوقف عندي معهد بعد شوي اشوفكم على خير

آمين يارب العالمين

ويحفظج ويسلمج من كل شر:)

تروحين وتردين بالسلامة

الله يسمع منج ياربي

ويحفظ لج جنينج يارب ويتمم لج حملج

تراجي ام الزين كله;12269769:
يعافيج ربي والله يسمع منج يارب ويشفي ابوي ومرضاكم ومرضى المسلمين اجمعينF:
هههههههه حلفي والله بالمطار؟
لان اذكر يوم اروح احجز كانت بحرينيه غربلتها ابوي من صوب وانه من صوب كل مره نتاكد من السعر والوزن هههههههه
يمكن انتي
اذا انتي بتذكريني حتى البنت اللي هناك راحت نادت فلبيني اعتقد يسال لي عن الوزن وهلون:!!:
لي ييه المطار عشان اروح ااكد ع الويل جير :badly:

هلا بالزين كله

وييييييييييييي حسافه عبالي انتي
بس خيرها بغيرها ان شاءلله اشوفج بمناسبه احسن منها ياربي
والله يسمع منج ياربي وتتيسر امورنه

يسلمو

رجعت لكم بعده فنادق

مع اسعارها ان شاءلله افيدكم

هوتيل بومباي انترناشيونال )والعنوان: سعر الليله تقريبا 13دينار مستواه اقل من نجمتين بس نظيف وادارته مسلمه
Kedy Compound, Near Bombay Mercantile Co-op Bank, Nagpada Junction
HOTEL BOMBAY INTERNATIONAL


فندق 4 نجوم ونص اسمه Grand Sarovar Premiere Mumbai

فندق ترايدنت راقي
شوي يبعد عن الاسواق ولكم مايميزه ان يوجد فيه مركز تسوق
شالات تحف أحذية ، ملابس ،
فرع لأجمل ، محلات عطور عربية ، جلابيات راقية ، مناشف

وطبعا في حلقه وصل بينه وبين فندق الاوبروي
وهاي الاوبروي معروف كمركز تسوق يضم ملابس جلدية ، اكسسوارات منزلية ، كوشنز مبتكرة ، مخبز معجنات فرنسية ، مجوهرات ، شنط وأحذية
ومحلات للعود وغيرهم


فندق اسمه رويال بالم (royal palms - mumbai ) ويبعد عن المطار الدولي حوالي 40 دقيقة بالسيارة في منطقة كلها غابات والمباني فيها قليلة وبصراحة روعة عندهم فلل عبارة عن غرفة كبيرة 12*6 مع حمام تقريباً 4*4 وبركة سباحة خاصة بالفيلا

اذا كان نظام فيلا الليله ب 75 دينار
او اذا كان نظام غرف عاديه الليله 60 دينار تقريبا
صوره موضووحه للفندق



فندق ابولووو يقع في وسط كولابا بعد سوقها الشعبي يسارها القيت
حلو ونظيف وسعره حسب ماظن الليله ب 50 الى 60 دينار

الفندق : جودوين - في شارع كولابا
التصنيف: 3 نجوم
سعر الليلة: 60 د

فندق تاج محل برزدنت

فندق جي دبليوو يبعد عن وسط مومباي ساعه وربع


بس تعبت ان شاءلله فدتكم واللي تحب معلومات اكثر عن الفنادق حاضره لها

قبل لا انتقل للمطاعم والاسووواق

ولاتنسووون تقيمووني

باكمل لكم جزء من المطاعم والاسواق في مومباي
عشان لاتصير لخبطه

نبدي بالمطاعم:

خيبر
مطعم من اصل فاارسي
يستاهل التجربه واكله عجيييييييب كنت انه واختي ع العشاء طلع علينه ويا الخدمه ب 10 دينار ونص تقريبا
بحط لكم صور من النت لان الخاص بي في تلفوني





الضيافه فيه حلوه ودهم يخدمونج بعينهم



مابي اييوعكم اكثر

ننتقل للاكل اليومي والقريب من الفنادق

فود ان
مطعم مسلمين متواضع بس اكله عجيب
سعره للشخصين 3 دينار او 4 مايوصل هالكثر
طبعات المشروب للحين مال اول في هالمطعم غرشه بيبسي ههههه
احب اكل عنده تكا ماسالا ويا عيش ابيض
او برياني دياي
او شاينيز





طبعا بنفس المكان بعد جم محل
نلقى ماكدونلز
امه محمد كلها هناك ههههه اسعارهم انزل من الديره
بس يحسبون المايونيز هههه

وامانه للي يحب الحار يجرب جيكن مهراجا خطيييييييييره


وفي الشارع المقابل لهم في مطعم يسمونه دلهي دابار
مطعم عجيييب وسعره هم مناسب وافضل اكله عنده البرياني الدياي

وطبعا موجود بيتزاهات وتلقونه جريب من سوق الخضره ان شاءلله عقب مارجع بحط لكم تقرير مفصل شلون توصلونه

وموجود باسكن روبنز بس هاي بعيد شوي يصير جريب من شارع جباتي واحلى مافيه ان يحط لكم نكهه الناريل ع العسكريم يمي يميييي


وبعد ماننسى مطاعم التاج فيها مطاعم وايد واحلى مطعم اهوو الهندي بس اسعارهم فوووووق

وفيه بعد في فندق التاج كوفي شوب ومع العزم حق الكوفي اذكر كنه 5 اشخاص ب 10 دينار وشي لابئس فيه بس احلى مافيه ان فيه عزف لك مخصوص ههههه

واللي يحب يجاكم في محل للشوارما والله الخليجين مطيحين عنده بس انه خفت اكل ماعرف شسالفته هههههه

ويامكثر محلات العصير الفرش واحلاهم اللي لاصق في ريجنت هوتيل شربوو عصير المانجا ويا الناريل ماله حل

وبس حاليا هاي اللي يحضروووني

وبرجع عقب شوي بتقرير الاسواق

قيمووووووووووووووووووووووني

نكمـــــــــــــــــــــل من جديد

طبعا صارت عندي خبره ماقول انه الميت بكلشي في مومباي ولكن صرت اعرف وين اللي ابيه بلقاه

سمينه بالله

ببتدي لكم بكولابا :
طبعا كولابا اهي منطقه وبنفس الوقت اغلب المحلات فيها
من محلات العطور والدخون
المعروفه:
اجمل
بنحر
ان شاءلله ماشاءلله
محمد ايوب
احمدداوود
هريش
كلهم في مكان وااحد
واغلبهم يبيعون بعد جلابيات البيت اما خاليين او وياهم مشامرهم
طبعا الاسعار عندهم متفاوته
وبعض المحلات يسوون تخفيض بالصيف امثال اجمل

صوره من النت توضح لكم


وسوق كولابا الشعبي اللي يميزه ان كل يوم تلقون شي يديد فيه
وماتتمللون منه
شنط
اكسسوارات
تحف
توازيع
سواري
مطاعم الخ....

الحين بحط لكم المراكز التجاريه

R-Mall, Mulund (West)
• Phoenix Mall, Lower Parel
• Atria Mall, Worli
• Crossroads mall, Worli
• City Mall, Andheri (West)
• Sunrays Shopping Center, Borivali
• Inorbit Shopping Mall, Malad (West)
• Hypercity Mall, Malad (West)
• Center One, Navi Mumbai
• Infinity Mall, Andheri (West)

شيتل مافي احد مايعرفه بس صار وايد يتضيرب باسعاره
قبل كان قديم الحين طوورووه وصار مقسم شي للعطور وشي للجلابيات وشي للسواري وشي لثياب اليهال


طبعا شيتل يصير جريب من سوق كارفورد ماركت

بيق بازار

والحين بحط لكم الاسواق ككل

BANDRA AMARSONS سواري وقطع
























PHILLIPS ANTIQUES مال مفارش
PAANERI حق التطريز ب 8 دينار
للتمتع بجمال المكان والأسعار المعقولة مع قلة القطع المعروضة:POWAI HAIKO MALL , HIRANANDANI GARDENS
مطعم جولز اوف انديا

فندق الاوبروي بونبيل عود وبخور كمبودي

Phonies مجمع
المتاحف - الأسواق: Atria Mall و غيرها من الأسواق - وينصح بزياره منطقة تسمى : Hiranandni

Renissance وفي منطقة قريبة من هناك اسمها phonix Mills للبولينغ والأسواق و السينما و غيرها و ينصح بالذهاب إلى المناطق الجديدة التي تسمى ب New Mumbai

في محل على يمين مستشفى كمبالا ..المحل صغير ..بس شنطه راقيه واسمه ( image)

شارع جراند رووود فيلة اكسسوارات وجلابيات واشياءووايده

بندراا ابيعون( الله يعزج) نعل ووايد رخيييصاااا وفي اشياءثانيه بعد

يوجد ايضا شارع يسمى ( فاشيون ستريت)

-هذا المحل فيه ملابس نسائيه حلو وشنط واكسسوارات ....بس واييييييد حلوه ومن غير مبالغه
THE OAK TREE -Calaba,
TEL:22819031

اللي ماتكلمنه عنه اهو شارع محمد علي
من اسمه يبين انه شارع مسلمين

هالشارع كله محلااااااااااااااااااات :adore:يمين يسار دواعيس كل مكان تلقون شي
والاهم هني تلقون محل اسمه زري والا للعود والدهن العود

ومحلات السواري الكشخه اضافه الى ان محلات السواري الكشخه تلقونها عند محطه القطار:!!:

وهالشارع يحتوي على اكسسوارات واكسسوار مطلي بماي الذهب وثياب داخليه الخ حلووووووووو روحوا ومابتندمون


نطلع من شارع محمد ونروووح وين؟؟!!
نرووح كاري والاااا
هاي السوق مخصص لبطاقات الاعراس دشوو واستخفوو اسعارهم وتصاميمهم فضيعه:o

وبعدين نروح سوق الجمله
هاي سوق كلمتهم وحدده ماينزلون بالسعر فيه شنط واكسسوارات وكلشي
بس اكسسوارات العروس موطبيعيه من 60 دينار ورايح شي راهي تحسفت ان ماخذت العام بس الحمدلله ان هالسنه باروح باذن الله وباخذ لي منهم:D


ورحنه سوق حق الشنط العاديه كله على دينار ونص ههههه جريب من سوق الجمله مشي يعني عجيبين الصراحه

والشي اليديد ذكرته فووق اهو سوق بندرا هاي منطقه تبعد ساعتين بالسياره
هالمره مقررين نروحها لان سوقها واااايد اسعاره نازله ونصحونه فيه وبقوه

وبسسسسسسسس لهني بعطي ستوووب اذا شجعتوني بكمل لكم

دعواتكم لنه بتيسير الامورF:

ما يطلعون عندي الصور بكسره لابتوبي اهئ اهئ معنه يديد
ع العمروم مشكوووووووووووووووووووووره واله يعطيج العافيه

بستوتي
فديتج اونه ان شاءلله يطلعون عندج ياربي


كريسبي
الله يسمع مننج ياربي
آمين ويشفي مرضاكم ياربي
بعد عمري وحشتكم اكبر حبيبه قلبي :)