قصتنا المؤلمة مع أبينا

الله يكون بعونج خيتو
صبري ان الله مع الصابرين
حاولي تتقربين من ربج اكثر واكثر وتتمسكين فيه
ليما الله يفرجها عليكم ويرزقج بولد الحلال الي يستر عليج

الله يكون في عونك وفي عون أمك وأخوانك

ماأملك شي إلا الدعاء إن ربنا يفرج همكم عما قريب ويرزقك بالزوج الصالح إلي يعوضك يارب

الله يهديه ان شاء الله

يصير اقول حسبي الله ونعم الوكيل كل مايقهرني ولا لا

اليوم ذبحني من القهر متعرفا شسوي قلت الله يأخذك انشالله
بس مو جدامه كنت بروحي 

ربنا يعيينك و يصبرك انت و اخواتك و امك يا حبيبتى و ربنا يهدى ابوك و يصلح احواله يا رب .....و ربنا يرزقك بالزوج الصالح اللى يفهم و يقدر انك ملكيش ذنب فى اللى بيعمله ابوك

معليه حبيبتي ادري انك تحسين بغصة وحرقة في قلبج ...بس مالكم غير الصبر ... امك راضية بالوضع الي هي عايشة فية سواء كان عاجبها تصرف ابوك ولا... فحرام تقهرينها اكثر مما هي مقهورة من ابوك ...و انا متأكده ان امج طينة جنة ..ففرحيها كثر ما تقدرين الاقل تشوف شيء يفرحها بنتها الي ربتها وذاقت والويل عشانها تساعدها .. بكلمة طيبة ... بلمسه... صدقيني راح تفرحين لما تفرحينها ... مش لازم تربطون فرحتكم بوالدكم ... يعني كل يوم نكد نكد نكد ... اشتري ورقة (بلوت_ كوشينة) ولعبي اني واخوانك فيها ... السلم والثعبان ... العاب بسيطة ... ضحكوا ابتسموا .. وشاركوا ابوكم فيها مثلا لعبوا واستانسوا ... جدامه ... وعزموه يلعب معاكم .. واستخدموا كلمات حلوه ...ايوه حبيبية ابوها ... نور عين امها .. ويعني طلعوا مسطلحات ..مدح ..حلوه ... لعب معاكم كان بها ..مالعب ..وعصب ...بعد ما عليكم وقفوا لعب وقولوا يبا احنا آسفين اذا احنا ازعجناك وبوسوا راسه ... واروحوا غرفكم وكملوا لعب هناك ... خلوا بيتكم فيه فرح ... ترى الفرح يجيب فرح ..والنكد يجيب نكد ... وصدقيني الجهل مش بالدراسه ياما ناس متخرجين وعندهم اعلى الدرجات وهم الجهل بعينه... ولو الي يبي يتزوجك ... صج يبغيج ..بياخدك ... ولو كنتي طالعة من بيت كافر ...على قولة جدي... نصيبج راح يجيك لا تخافين .. يمكن نصيبج قاعد يكون نفسه ..ويبي يعيشك احسن عيشه.. فصبري شوي ولا تستعجلين ... هو جاي جاي ... مش لان صديقاتك تزوجوا يعني انك مثلا عنستي ..هاي نصيبهم ..ونصيبج جاي ...يجي متاخر شوي ويدلعج فيه ولا البهدلة في اول الطريق ^_^

الله يعنيك ويفرج عنك يارب

هذا ابوك مايصير تدعين عليه ,,, ولا بتعرفي قدره غير بعد ما تتزوجي,,, تصدقي ابوي ماكان يصرف علي ,, حتى كنت اروح المدرسه والجامعه بدون فطور,,كنت افتشل من لبسي بالجامعه

ولما توظفت فرحت وارتحت,, ولما تزوجت جلست في البيت مع اطفالي الله يحفظهم لي ,وزوجي ما اقدر اطلب منه لاني تعودت اصرف على نفسي(وهذي مشكله احاول حلها مع نفسي) ,,لكن احب ابوي لان رضا الله من رضا الوالدين ,, قد ما زعلت منه ما اتمنى غير انه يرضى علي واحبه حب خيالي ,,مع انه ما قد ضمني ,, استحي وما اقدر اكلمه في شئ ,,بعيد عني نوعا ما ,, لكن ما اطلب غير رضاه

تصدقين احس اني بنعمه لاني شفت غيري كيف ابوهم يعاملهم

تخيلي قرايبنا ابوهم تزوج على امهم

وتركهم من غير ولا فلس,, ولا طلق امهم وهو غني جدااااااااااااا ,,,,وبيتهم حتى الستاره مافي ,,والعفش قديم جدا

والبنات يصرفون على البيت~,,ولا في يوم اخوهم صرف عليهم او ابوهم,,, هذا على حسب ما يقولون لي البنات والله اعلم

البنات ما يعرفون شكل ابوهم,, سنين ما يشوفونه

تخيلي حالتهم النفسيه والماديه ,,,والادهى والامر انهم كبار ,,يعني اكبر وحده فيهم تجاوزت الاربعين,, ولا تزوجوا ولا دخلوا الجامعه


يشتغلون في التحفيظ,, يصرفون على نفسهم وعلى امهم المسكينه

والحين يوم مات ولد اخوهم بحادث سياره,, ابوهم مسوي عزا منفصل ببيته ولا شافهم ولا شاف امهم

اللي يشوف بلوة غيره تهون عليه بلوته

حبي ابوك واطلبي رضاه ,, هو له تفكيره وحياته اللي عاشها

++++++++++++

مو انت بس اللي عايشه هالعيشه في كثير ,,, حتى بنات خالتي نفس الشئ ,, ما يروحون افراح لان ابوهم ما يصرف عليهم ومايشتري لهم ملابس افراح

مع انه مليونيررررررررررررررر

لكن صدقيني هم عاشوا حياه صعبه خلتهم كذا

تصدقين اكتشفت ان ابوي عنده ملاين وماسوالي فرح ,, لكن خسرها كلها بالبورصه ,, وعرفنا بعد ما خسرها

فقلت ياريته شارك مع زوجي ورتبت فرح اكبر لان فرحي كان باستراحه,, كنت اظن ان عنده ظروف ماليه وماحبيت اضغط عليه

لكن الله يعوضه ويعوضني بالخير ,, انا راضيه ومبسوطه وربي يوفقني مع زوجي ولا يهمني بهالدنيا غير سعادته وان ربي يحفظه لي

في عيوب لكن حسنات ,, معطينا حريه وثقه وهذي تسوى الدنيا ومافيها

,,,,,,,,,,,,
بنت خالي الكبيره لها معامله خاصه من ابوها وامها

سبحان الله من يوم كانت طفله صغيره يكرهونها كره

حتى في بعض الاحيان اشك انها مو بنتهم

تخيلي ان كل اخوانها للي اصغر منها لهم غرفه الا هي مالها غرفه تنام بالارض تحت سرير اختها

مالها حق باي شئ ,,واختها الصغيره تهددها ,,,لو ما فعلتي كذا راح اخلي ابوي يمنعك من زيارة صديقتك

مالها كمبيوتر ولا حياه ,,, حتى يوم يجيها خطاب يرفض ,,, لين ما صارت كبيره ,, والحين راح تتجوز واحد معوق وراضيه ومبسوطه


ابوها محطمها نفسيا ويقول لها يافاشله,, مع انها طبيبه ,,البنت كرهت نفسها
احمدي الله على النعمه اللي انت فيها

الله يصلح حالك ويعوضك بالخير ويقربكم من بعض

عليج بالاستغفار استغفر ربج

بس مب زين تسبين ابوج ابوج اللي من لحمج ودمج

مهما كان هاي ابوج ولو يي يوم وعطاج الله عمره بتصيحين غصبا عليج حتى لو انتي تكرهينه

لان هاي ابوج

" ولا تقل لهما اف ولا تنهرهما وقل لها قولا كريما واخفض لهما جناح الذل من الرحمه وقل ربي ارحمهما كما ربياني صغيرا"

لو شنو راح يسوي بظل ابوج

احتسبي الاجر عند رب العالمين

اذا سبج قولي الله يسامحك يبا

الحمدلله انتي تشتغلين وازني امورج وصرفي على روحج والبيت

ترى اجرج بكون كبير عند رب العالمين