در مكنون;12305800:
مسامحة مامات التأخير ما كان بقصد التشويق أبداً بس دعواتكم
عندي مغص من البارحة وتكرمون إسهال " الحمدلله للحين خفيف نسبياً " وكل شوي أحس بدورة واني محتاجة اريح شوي
المهم
اتصلت أمس الصبح بس بعد ما رن غيرت رأيي وسكرت !!!! ثواني إلا التلفون يرن " بس ما كان نفس الرقم اللي اتصلت عليه كان موبايل لأن دوام العيادة مسائي " وبس خبرتني أن في موعد الساعة 8 فتوكلت على الله وحجزت
ع 8 إلا ثلث وإحنا في الشارع اتصلوا يأكدون ع الموعد وخبرتني موظفة الاستقبال أن اللي قبلي ثواني وبتكمل .... وصلت 8 إلا عشر ... قالت لي أن الدكتورة كملت بس تجهز التقرير للي كانوا قبلي
ودخلت 8 و7 دقائق بعد ما اعتذرت الموظفة " الحبوبة جداً والمبتسمة دوماً بالمناسبة " عن التأخير ألف مرة !!!! والدكتورة هي اللي تطلع تنادي المنتظرين وترحب فيهم ... سلمت على اللي قبلي وتمنت لها السلامة ورحبت فيني ودخلتني غرفة الكشف بأسلوب كلش حلو
في البداية راوتني طبعاً القلب وتأكدت من انتظامه وسمعتنا الصوت ... وراوتني أشياء أول مرة يشرحونها لي في موعد اترساوند مثلاً اتصال الحبل السري " كان بيبي مجودنه ولهذا قصة مضحة بذكرها بعدين خخخخ " وجريان الدم " مجرى الاثنين وخط سيرهم تحديداً " وأشياء ثانية
وطبعاً الكبد والدماغ وسوائله والأطراف والعمود الفقري ووضع المشيمة والسوائل إلخ وبعدها بدأت تركز على الصور واللقطات للفيديو لكن بيبي تعبها كثير
كانت حركاته كوووووبي من حمادة " حركته سريعة استغربت منها الدكتورة وكأنه يتعمد يلعب معانا " يطالعنا على جنب ومن بتصيد صورة خش وجهه بكل معنى الكلمة !!! قلبت غيرت وضعيتي نفس الشيء يطالعنا من فوق لفوق وكأنه يتعمد ما تلتقط له صور واضحة
وآخر صورة اللي حطيتها فوق ضحكتنا كلنا " هني كان يستعد عشان يرفسني وصورتها الدكتورة ثابت وفيديو " وكانت الرفسة واضحة جداً وطبعاً محسوسة حتى بالنظر لي وللدكتورة بس زوجي اللي ما شافها ع الطبيعة خخخ
وبس تمت تدور صورة ترضى عنها مو لاقية ... وزوجي قال لها ما علي أكو في صور حلووة قالت لا أبي صورة أحلى ... وضحكتني تقولي خشمه حلووو وركزت عليه بعدين طالعتني وضحكت ... قالت ترى هذا خشمش نفسه !!! ونفس الشيء الفم قالت أنه صغير وناعم نفس بوزي تقريباً
وبس سووا لها اعتقد علامة أن موعدي كمل " كان في ليت ولع وطفى بسرعة في الغرفة " وقالت لي بأسف أن خسارة الموعد كمل كنت أتمنى نحصل صورة أحلى بس بسبب حركته وتغييره لوضعيته المستمر ما قدرنا
وبس سلمت علينا وطلعنا بعد ما اخذنا نصف ساعة تقريباً
وعطتنا تقرير شامل مفصل و6 صور " 3 للوجه وحدة للقلب وحدة للرئة ووحدة تبين جنسه " والديفيدي بــــ 35 دينار
....................
قصة الحبل السري أن محمد كلا يقولي أن النونو داخل يلعب في المرجحانة اللي هو دخلها له !!! وكنت أقول اي مرجحانته الحبل السري وكانت أول صورة كاملة له اللي كان فيها مجود الحبل السري !!! فما قدرنا أنا والبابا نتمالك نفسنا من الضحك
شكله فعلا متفق مع أخوه وبينهم تواصل خخخخ
يسلمو عالتقرير الحلو
و الصور الي خليتيهم حلوييين صار خاطري اسوي اترا ساوند 3D
فديتة انة يوم شفت رجولة قمت اقول ليش رجولة بس ^o) طلع مجهز روحة لرفسة:lol:
ما شاء الله علية يلعب كرة و يتمرجح داخل:D الله يخلية لج و تشوفينة باحضانجF: