بنات البحرين وبنات الخليج طالبتكم

منآآآمية;12207584:
وين بتعشين ؟؟ وين بتروحين!! لييش ؟

الاقمار6;12209605:

السلام عليكم اختي


ممكن تقولين لينا شوي عن ظروفك الصعبه لان ممكن نساعدك

Soft Touch female;12209615:
لهلدددرجة الله يهدييج

•๓ΐṨṧ Đΐ๑я}«;12209744:

يااختي استهدي الله

وممكن تقوولين وش فيك
يمكن نقدر نساعدك واذا شفنا ظروفك بجد
محتاجه الهجره الكل بيوقف معاك

ننتظر على احر من الجمر ..

ايمي الجكر;12209911:
قبل كل شي ..
حبيت انبهج بشي غاب عن بالج ..
اذا انتي فعلا .. عشتي وتربيتي وكلت من هالديره ..
لو اتصك فيج هموم الدنيا والدين .. ما راح تخلينها وتروحين ..

كلنا نمر في ضروف صعبه ..
بس اول نقاط الضعف فينا .. الهروب من الواقع !!!

تعرفين يعني شنو الهروب من الواقع ..
يعني عبالج بهجرانج بتحلين مشكلتج .. لا و ألف لا ..
انتي صلا يمكن اضيعين اكثر ..

هني فيالبحرين لو ضاقت فيج الوسيعه .. بتلقين الناس حوالينج يعرفونج ومنج وفيج ..
مع احترماي لجميع الدول الثانيه .. الا ان كلمه الحق تنقال

انتي بالنسبه للدول الثانيه .. يتكونين غريبه .. عندهم ..
لان لا اهو موطنج الاصلي .. ولا اصلج وفصلج .. ولا حتى اهلج موجودين فيه ..
وبتكونين حالج من حال الوافد .. ,, اللي نص حقوقه مو لاقيها .. ما بقولج الكل .. بس الاكثريه ..


ف .. نصيحه .. انتي لو اطقين وتلفين واطيرين لأخر منطقه في العالم ..
مردج بترجعين حق ديرتج ..
اغير اسمي .. ااذا اللي قلته ما راح يصير لج .,,

موفقه

تهاني العروسة;12210648:
مهما كانت الاسباب اختي لو الظروف تبقين عند اهلش واحبابش استهدي بالله وخلي ايمانش قوي بالله وانسي موضوع الهجران

والله يهديش خيو

انتي متزوجه؟؟ وجم عمرش؟؟؟

ج ـروح الولهـ;12210929:

حبيبتي الهم اللي فيج يخليج تقولي هالكلام

بس لو تدعين وتتقربين من ربج اكثر
وتكثرين استغفار
رح تحسي ان مالج في هالدنيا غير ربج ومن ثم اهلج وناسج وديرتج
صدقيني الغربة تقتل .. وتمووووووت
اصلا جربي سافري مكان لمدة اسبوع زاحد بس ..!!
شوووفي شلون بتشتاااقين ..
وبتزيد همومج اكثر واكثر .. لا احد يواسيج ولا احد يهتم فيج ..
ورح تزيد مشاكلج و و والخ ..

استهدي بالله واستغفري ربج
وهما كانت همومج هنا كبيرة
في الغربة همومج رح تكبر اكثر واكثر

الله يعييييينج

✿..شShــرينـهَ..✿;12211042:
باين عندج مشكلة نفسية لانج قلتي تبين تنسين !!

على بالج الهجرة تحل مشكلتج !! لا والله الا بتزيد وبنسبة كبيرة ما تتوقعينها
عايشي الواقع اللي انتي فيه خلج اقوى من جذي شدعوة بتهاجرين
الهجرة كلمة سهلة وبسيطة لكن اللي يعيشها يكره عمره ويتمنى انه ما خذ هالقرار
روحي حق اقرب الناس لج اهلج رفيجاتج بنات عمج اي كان قريب لج
يمكن مشكلتج بسيطة بس انتي تشوفينها اكبر منها مافي هدي بالج وروحج وشوفي الدنيا بنظرة ثانية
فضفضي لنا قولي اللي فخاطرج ما تدرين حتى كلامج ويانا يمكن تلاقين فيه الامان وتحسين ان في احد مهتم لمشكلتج

اتمنى ان تردين علينا وتقولين لنا مشكلتج بالضبط شنو وربي يوفقج وايسر امرج وتبعدين هالفكرة اللي فبالج

•»ٍَW5ٍَR.ٍَBٍَS«•;12211238:
الله يهديج يالغاليه
ويمسح على قلبج ويثبته وينسيج يارب

ذكريات الطفوله;12211253:
وين بتروحين؟؟

عـ?روسـ? ب?دون ضـ?روســ?;12211474:
الله يعينك مافي احد مرتاح

**توتة**;12212613:
الله يعينش اختي ويعينه جميعا

كلنا يا اختي في البحرين نعاني ومشاكلنا ما تخلص..

لكن وش نقول نخلي امورنا على الله اللي ما ينسى عباده..

كلنا فكرنه نهاجر ونهج من الديرة من بحس فينه غير الله يا اختي..

الأوضاع جدا صعبة في البحرين وبهالسبب تجينه مشاكل نفسية وجسدية وكل أمراض الدنيا تتجمع فينه من التفكير في المستقبل وغيره لكن ما عندنه غي ربنه نشكوا الأمر ليه وهو اللي يحن علينه ويلطف علينه..

اني بعد فكرت انه أهاجر واكون نفسي اني ويه زوجي بعدين عقب ما نتمكن من الظروف نرجع البحرين..

لكن الغربة صعبة واجد والواحد ما يقدر عليها..

استغفري ربش اكثري من الإستغفار وأوعدش ان شاء الله امورش كلها بتنحل..

*_القطوة_*;12212907:
الله يهديج

ومن قال ان البعد والهجران يخلي الانسان ينسى

شيهآنه;12213174:

لآ حول ولا قوه إلا بالله العلي العظيم

اختي الغآليهُ

مثل ماقالو لج اخوآتيٌ .. ترى بهجرآنج ماراح تستفيدين اي شي .. !

ممكن توضحين لنا الأسبـآب إذا مافي مانع واحرآج؟!

اختي الغآليه .. دآمج متضايقهُ

تقربي من رب العآلمينُ .. صدقيني ابواب الرزق وكل اللي ببالج رب العالمين بيحققه لج ان شاء اللهُ

عليج بالصلآه بأوقآتها + قيآم الليل + الإستغفار + الدعاء + قرآآآءه القرآآآآن الكررريمُ

ربي يوفقج ويعينج ويهديج فديتجُ

.:.رجاوي البحرين.:.;12217534:
يا أختي أولا : الهجرة لها شروط ولازم تسوين خطوات معينه وموافقة من وزارة الخارجية وأسباب للهجرة ؟ وأي دولة لازم تحتاجين لتصريح للعيش فيها لأنج في البداية يعاملونج على أساس إنج زائر وبعدين؟؟؟ هالأمور لازم تحسبينها صح

انا ماألومج على قرارج اللي تبينه لأني مااعرف ظروفج بس أولا وأخيراً فكري زين زين ولاتتوقعين الهجرة سهلة ( غربة - وحدة-ظروف مادية ماتدرين شلون بتكون- حياة مافيها إستقرار ولا أمان الا بعد مدة طويلة - ولازم تحتاجين إلى رجل يكون وياج سواء أخ او زوج أو اب ...) اذا تبين هالشي ،،،

أتمنى تفكرين عدل واذا تبين تهاجرين لازم اول شي يكون عندج مصدر دخل ثابت .. ترى في كل الدول كل شي بفلوووووووووووس ولاخدمة تحصلينها بدون مقابل لا تعليم ولاصحة ولاسكن ولاغيره فلازم تحطين النقاط على الحروف في هالموضوع...

اتمنى لج التوفيق في حياتج والله يمسح على قلبج وينسين كل ألم عشتيه
واذا تبين لازم تراجعين وزارة الخارجية بهالخصوص