طريقتين حلوات لتوزيع الأساس في السهرات<< من أنوقة

سيده حلوه;14505579:
اختي بسألج بخصوص البيس هو شنو فرقه عن المرطب وهل يجي ملون على البشره واساسه جاف ولا رطب لانا مشكله لما يكون كريم الاساس اصلا رطب
البيس هو أساس لكريم الأساس.. و فايدته أنو يهيئ البشرة لاستقبال الأساس..و يحميها من تأثير الأساس.. و يضيف حيوية و اشراقة للون البشرة.. و يخلي شكل كريم الأساس متجانس و توزيعه أسهل .. و هو ما يلغي دور المرطب.. بس يكمله
المرطب ينحط أول و يعدين ينحط البيس و أخر شي الأساس..
ممكن يكون لونه مثل لونه الأساس و ممكن يجي بألوان محتلفة مثل الأبيض و الوردي و الأزرق و الأخضر .. كل لون لتصحيح خلل معين في لون البشرة..و قوامه يكون كريمي أو سائل ..
مو مشكلة أبدا..كونه سائل مع كريم الأساس..
لأن البيس تمتصه البشرة بسرعة بس لازم تخليه كم دقيقة..




وسؤالي بخصوص العين انتي تسوين العين اول بعدين الويييييه صح .
لا أختي .. أنا أسوي الوجه أول و بعدين العين..بس ممكن العكس .. الطريقتين صحيحات..

والدايموند الملون هذا شنو بالضبط اساس ..
لا مو أساس.. هذا كريم يعطي لمعة و اشراقة صحية للبشرة..
تصير بشرتج لمعتها مثل لمعة العارضات في المجلات..


وشنو الكوركتور
هو الخطوة الأولى لكونسيلر العين.. وظيفته تصحيح اللون للجفن السفلي من لون الهالات الغامق .. و بعدين يهيئها للكونسيلر اللي هو الخطوة الثانية اللي يوحد لونها مع البشرة..
يعني تقدري تقولي انو وظيفته مثل البيس للعين ..


انا اعرفه مرطب للعين وكونسيلور وبودره بس وهل طريقتك ماتبين الخطوط والانتفاخ اللي بالعين وشكرااااااا لكي