العنزروت وما أدراك ما العنزروت

بسم الله الرحمن الرحيم

العنزروت

أكيد سمعتو فيه من قبل وبالنسبة لخواتنا من الدول العربية
وشمال أفريقيا أكيد هذي مش كلمة شعوذة
هههه
لا هذي عشبة تشبه بشكلها شكل المرة
يعني نبات صمغي وهذي هي صورة العنزروت



قهوة البدويات
لا تزعلون تراني أنا بعد بدوية
وأكيد شفتو أمهاتكم يحطون العنزروت بفنجال القهوة ويتقهون
عادي كأنهم حاطين مستكة او نكهه زيادة على القهوة
ولما سألت أمي شفايدة العنزروت بالضبط قالتلي
ينظف الأرحام ويضبط أمور الحرمة
طبعا لأني ملقوفة وأحب أعرف كل شئ بحكم اهتمامي بالطب الشعبي
الأخت بتسوي موسوعه يمكن هههه
طبعا ما يصير أخليكم كذا
يعني لازم اعطيكم طريقة الا ستعمال

يعني تختلف من ناس لناس
أمي مثلا تستعمله مع القهوة
من أول أيام الدورة إلى أخر يوم
لين تطهر
مرتين باليوم
طبعا ما يكثرون منه
يعني كسرة بس قد الحمصة
تحطينها بفنجال القهوة الخليجية
وتصبين عليه قهوة وتتقهوين عادي لين ما يبقى بالفنجال شئ
يعني تصبين وتشربين كل شوئ
عشان أخف للمرارة يعني ما تحسين بالمرارة الا شئ لا يذكر
أو تحركينها لين تذوب وتشربين الفنجال مرة وحده
اللي تقدر تتحمل المرارة

طبعاً
اللي تأخر الحمل عندها من تكيسات أو انسداد
او غير معروف السبب
هذي الطريقة فعاله لها أن شاء الله
وهذي وصفات مجربة من بعض الحريم ويحلفون
أنها فادتهم بعد التوفيق من الله بالحمل

السدد غالبا هو مايمنع المراه من الحمل ولايرى الا عن طريق الاجهزه الحديثه

المكونات:مقادير متساويه من(المحلب .العنزروت.مره)تطحن وتخلط ويؤخذ منه ايام

الدوره مقدار ملعقه كبيره عللا الريق لمده ثلاثه شهور مع الدعاء


وطبعا طريقة أمي

ضعيه بفنجال القهوة
وتقهوي بالعافية

وأنتم تدرون أن حريم أول
ما شاء الله قد أيش يحبون الخلفة يعني ما شاء الله
عليهم بالدرازن
وكان ما ندر يسمعون فلانه عقيم
وبالغالب
يكون عقمها من عيب خلقي
أو كتبت رب العالمين يعني
ما كان عندهم الأمراض اللي نعرفها الحين التكيسات
هرمون الحليب الأنسداد
وأشياء كثير

والله أن شاء الله نسمع عن كل وحدة خبر طيب
وتجيبون أحلى كتاكيت
ويرزق كل محرومه
من كلمة ماما
ولا يخيب رجاكم

:L::L::L::L: