بنتي وكرشتها ..

هلا اختي

في البدايه ما بتقتنع انه لازم تخفف اكل فانتي لا تضغطي عليها من هالناحية واتسخدمي طريقة غير مباشرة

اول شيء اخذي لها وجبات تشبع وفي نفس الوقت ما تزيد الوزن يعني صحية وطبيعيه وتخليها ميانة لاطول فترة

مثلا اخذي لها فواكه تاخذ وقت اطول في الهضم ووبهذا تاخذ اطول فترة بدون اكل

يعني عطيها قبل الاكل موزة او خضراوات او فواكه ولو ما تحب دوري لها النوع اللي ت حبه وعطيها منه قبل الوجبة بربع ساعه او يعني لو ما تحب سوي لها سلطات مشخه واشكالها تفتح النفس
اتبعي معاها وجبات خفيفة ولا تعطينها فاست فود وايد

يعني اكل صحي

وشوفي شنو مشكلتها ترى ساعات تكون في مشكله داخليه لا سمح الله
مثلا في بعض الاطفال او الاشخاص يكون عندهم احتباس ما ادري شنو يسمونه بالضبط بس ما تطلع السوائل او الغازات داخل الجسم فتسبب انتفاخ البطن
او يمكن في بطنها بعض انواع الديدان اللي مشهورة تخلي الطفل ياكل بكميات غير طبيعية

الافضل وديها لدكتورة وشوفي السبب لو مثلا حسيتي في شيء غير طبيعي
ومو قصدي اخوفش بس دوري الحل من جميع الجهات بحيث ما تضغطي على الطفلة الا وعارفة انه السبب كثرة اكلها



وبعد حاولي تخلينها تسوي تمارين رياضية في اكثر من فترة في اليوم ولو ما حبت تسوي التمارين تقدرين مثلا تخلينها تسوي اشياء من غير ما تحس وتحرق الدهون في نفس الوقت
مثل تركب الدرج اكثر من مرة
سوي برامج او مسابقات بينها وبين خواتها او اخوانها
امريها تجيب شغله من مكان معين كذا مرة حتى تتحرك اشوي


هذا اللي قدرت اكتبه والله يساعدك وتحلي مشكلتها يا رب