✿التجمع السادس لكروشات اكتوبر(10)✿

آااخ تتكلمون عن الشهر التاسع؟ ان شاءالله حدي الثامن واولد تعبببب

اني ببناتي ثنتينهم اولد على الموعد تقريبا فرق يوم بس ههههه
ثنتينهم نفس الشيء خخخخخ

هالمرة ان شاءالله اقدم ماابي حتى ادش التاسع وان شاءالله اولد يوم الخميس عشان بيكون اخر يوم دوام والجمعة والسبت اجازة
>> بنتي بتكون في المدرسة لأن !!

نور اغلب البنات مختفيات ومالهم حس ولاخبر ؟

سلام

شخباركم

شخبار التعب والثقل؟؟؟

وشخبار التجهيزات؟


ادري نسيتوني صار ليي دهر ما دشيت

انا ريلي اتعقد من الكرشتي يقول مب حلوه عليج:worn_out: انا اغايض فيه واقول اتريا اشوي تكبر عقب بدلع فيها يقول لي مينونه:lol:

هاي كركوشااااااااات

شخباركم ان شاء الله تماموووو

وش اخبار النونااااات عسى بس مو مغلبينكم بالترفس

مرحباااا كرووشات ..


رسيل يا عمري ع الكتكوته ..خفيفة دم مرررره ..الله يخليها القمررره ..


شيؤؤخية ..حلووووين مرررره تجهيزات النونو ..ربي يجيبه بالسلاااامة وتشوفينهم عليه ..


نور ..هلا ومرحب ..الانقباضات تجيني با استمرار ..وحركة النونو دايما تحت الحين ..بعدين تحسي لها فوق ..


دريم مون ..مبروووك دخولك السادس عقبال التاسع يارب ..انا باقي ليي اسبوع بالضبط ع السادس ..


حرم فلان ..وحشتينااااااااا قمر ..شخبارك وشخبار العسوله ..؟؟


لوليتا ..الله يعطيك العافيه ولا تعبي حالك كثير ..


بحرانيه 86 ..يا هلا فيك خيتوو ..كيفك وكيف النونو ..؟؟


سنوريتا ..يا هلا بالقمر ..الترفس اكثر شي نص الليل او الفجر ..يخبرني انه بيسهر من الحين فديته ههههههه ...


سلااام للجميع .....

هلا وغلا رقة شخبارك
ان شاء الله تماموو

انا نفس الشي الترفس يكون نص الليل

يعني اذا جاني ارق
مافي الا بنوتي اتسلى معاهااا وهي ترفس

هلا فيكم

الحمدلله انا تمام والنونو تمام

بس تعرفون التعب و من دشيت الخامس اغلب الاكل يسوي ليي حرارة في بطني ومع حركة النونو يعني لعوازة شوي

شخبااااركم كروشااات؟
اني ظهري يالمني مو عارفه ايش اسوي..

هلا كروشات

جورجي*;12264062:
شخبااااركم كروشااات؟
اني ظهري يالمني مو عارفه ايش اسوي..

روحي ارتاحي وخلي شي تحت رجولك

مساء الخير مامات

شخباركم ؟؟؟ واحشيني كثير اليوم توقعت يصير لي مجال أقرأ الواجب في الشغل بس كلش ما صار في وقت رغم أن اليوم أول يوم بعد 20 يوم تقريباً ارجع اداوم مبكرررر قبل الدوام بساعة ونص تقريباً لكن انشغلت بكلمة مديرتي بس إن شاء الله من بكرة يرجع نظامي المعتاد وارجع اقرأ الواجب كامل الصبح وأنا اطبع الاوتلوك

شكلها شكوى ألم الظهر عامة أنا بعد صار له يومين ذابحني ... بس اللي متعبني أكثر الحرررررر حتى وأنا في مكان مكيف احس روحي حرانة وعرقانة وبموت من الخنقة

المغرب رحت اتسوق بس كرهت نفسي .... وأنا في المجمع أحس بحر مو طبيعي ... وأنا في الكيشر انطر دوري حسيت ببدايات نوبة هبوط وكنت بقط كل شيء وبمشي بس مسكت نفسي لأني كنت شارية ألعاب لحمودي ... وكلش ما توقعت اكمل الصف كان عندي احساس أن راح اطيح قبل !!!! " بس استاهل زوجي كان مصر نتسوق مع بعض وبعدها نروح نلعب البطل بس اقنعته غصب ان هذا بيكون اريح واسرع لي خصوصا أن البطل كان يحن على روحة الألعاب "

وفي النهاية بعد هالتعب كله ما شريت غير لعبتين للبطل وفستان خفيف لبنت خالته

در مكنون سلامات ويتهنى فيهم حمودي

لوليتا نوووم العوافي

اهو الجو متعب الناس كله تبي تنام :lol: الوحام رد رجع احس انا لانه كله حموضه ولوعه

مــــــــــــــــــــــــــــــــــــــــــــــــــلل

مرحبا كروشات
اقدر انضم لكم ؟
توي شايفة التجمع ....رايحة علي من التعب

صباح الخير مامات

للحين الأجواء مأثرة على التجمع .... إن شاء الله يرجع النشاط قريب

اليوم مصددددددعة ومداومة بدون نوم لليوم الثاني على التوالي ... حاسه أن بطلي مريض أو بيتمرض لأنه كلش ما كان طبيعي أمس وكل شوي اطل عليه أو اقيس حرارته ... إن شاء الله أكون اتوهم ويكون خموله بسبب حرارة الجو الشديدة أمس لا غير

...........

أنتوا شو اخباركم وحشتنا سوالف النونوات ... أنا أمس النونو سهران ويايي وألحين نايم

صباح الخير حلوااااااااااااااات

شو الاخبار اليوم ان شاء الله احسن

ان كل يوم اشعر بصاهر ( حموضه) وااااااااااايد واخذ دو ء حرقان المعده

ولو ما فيني نوم انام من التعب الله يعينا برمضان مابنقدر نتحرك بيزيد التعب ويوع

الله يسهل علينا يارب


هلا در شخبارج؟

الله يسلم وليدج يارب وان شاء الله مايكون فيه إلا كل خير


الظل :

مرحبابج عزيزه وغاليه قربي البيت بيتج في اي وقت

شو صحتج عساج بخير ؟