✿التجمع السادس لكروشات اكتوبر(10)✿

أهلين دلوعة شلونج

رسيل أنا مالي خلق شي خير شر

مساء الخير ياحلوااااات

شخباركن اليوم شو صحتكن؟

انا اليوم مول ما ارتحت تعبت من الظهر وانا اشل بحلاوه

وقبل شوي حسيت بطني مووووت ايعورني يمكن طلعت فوق ونزلت اكثر من كم مره

اقصد الدرج

سلامات شيؤؤؤؤخة ما تشوفي شر

أنا أريد أشيل حلاوة ومتعايزة أدور أحد يشيلي

الله يبارك ليكم ...

والفال للي للحين ما عرفوا جنس الجنين


اقول ليكم زوجي بالاول كان كل يوم اجل ومو راضي يوديني الخاص

اليوم لمى راوته الدكتوره البيبي الا يقول لو ادري بشوفه جان من اول يوم تحليل جبتش

اني كنت الاول اشيل بحلاوه الحين كنسلت اشيل ببراون اسهل واسرع لي

قالوا براون مضرة بسبب الذبذبات أنا كنت أستخدمها وقفت

يؤؤؤؤؤؤؤؤؤؤؤؤؤ


اني مافيني استخدم الحلاوه يالمني بموووت منه

ياأختي كله يألم شو نسوي أنا أول أمس رحت أحف

كأني أول مرة البنت اللي تحف تعبت من دموعي

صارلي فترة ما حفيت الهندية اللي متعودة عليها مسافرة

وكنت خايفة أحف عند غيرها

صباح الخير ..

نور الايمان مبرووووووووووك الولد ربي يبلغج فيه وعقبال ماتشوفينه بحضنج ..

يووه نسيت منو ورتنا الافرولات اللي بدون كم .. روووووووووعه احب هالالوان

بس وياج حق حنا بنربي بالسلامه بداية الشتا .. يعني ماراح يستفيد منها

البيبي ..


انا بقولكم شنو اشتريت وان شاء الله اليوم او بكره اذا فضيت بصور الاغراض

شريت سلة البيبي رووووووووعه .. وشريت ثلاث افرولات طقم بكم كامل ..

وشريت طقم مدس + مفرش + شنطة البيبي + تلبيسة الرضاعه + السرير الناعم اللي ينشال

فيه البيبي .. لو حصلت صورة على النت للطقم اللي شريته بوريكم اياه ..


ابي اسألكم من وين احصل اطقم كامله للبيبي غير سنتر بوينت .. ابي اللي بدليتن + ميدعه + قماط +

مفرش + قفازات لليدين والرجلين + تلبيسة الرضاعه .. اشوف بنات منزلين صور لها ..

ذكرتوني اليوم ناويه احف وان شاء الله مااتعب .. انا احف بآلة الشمع الرول نفس مالة

الصالونات .. لو ماطلعت العصر مشوار بحف وبفتك ..

الزنبق مبروووك التجهيز وراوينا الصور على المجموعة الخاصة

الاطقم الكاملة اني اكثر شيء اشوف في سنتر بوينت تطقمين اللي تبينه بس احنا عندنا سيل واغلب المجموعات ماتتحصل كاملة

ماادري كلش عن باقي المحلات لانهم في مجمع كبير واني مااقدر اروح كل تعبانة وأفكر الشهر الجاي امر كارترز واش اند ام

وااااااااو اني بعد ابي أحف ومتخييبة اروح لاني في الحمل مااقدر يألممم :-#

بنااااااات اني صايمة من البارحة للحين 12ساعة عندي اليوم اروح لسحب دم

بس من قعدت الصبح كل ارجع .. عادي اشرب ماي ؟؟

:sick:

مرحبا كروشاااااات

شحالكن شخباركن

ام الادهم : الله يسلمج من كل شر يالغالية

مبروك نور الايمان على الولد الله يفرحج بشوفته يارب

ولله انا بعد متعايزه احف ويهي بس عندنا عرس لازم

ان شاء الله بتحناء اليوم وبحف ويهي وبسوي بدكير منكير

ويوم السبت بروح الصالون بسوي مكياج عشان عرس بنت خالي

وان شاء الله خير عندنا اعراس هذا الشهر

وبعد عرسها بـــ 4 ايام عرس بنت خالتي يمكن ما اسير ما اقدر

وبعد عرسها بـــ 5 ايام بعد عرس بنت عمتي لازم اروح

وبعد عرسها بـــ 10 ايام عيد زواجنا

مدري شو اسوي داير راسي

رسيل ماتشوفين شر بسم الله عليج .. عادي تشربين ماي مايأثر

بس لاتكثرين منه علشان ماتجيج لوووعه ..

والاغراض باذن الله بصورها لكم ومشكوره حبيبتي على الرد ..


شيوووخه الله يعينج ع هالزحمه .. انا لو مناسبه وحده تتعب نفسيتي قبلها بكم

شهر .. شلون انتي مضغوووطه حدج كل المناسبات ورى بعض وبروحج تعبانه ..

ربي يقويج وشدي حيلج وان شاء الله تطلعين اكشخ وحده < ذبحتنا يالحرريم ههههه

أم الادهم
الزنبق
F:


رحت لسحب الدم وطبعا واااااجد قبلي 25شخص!!
و2 بس اللي يسحبون الدم وتأخررررت واااااجد

سحبوا الي دم بس باقي تحليل السكر قالت لازم من الساعة 7 بعد الثمان ماياخذونه
يعني رايحة صايمة على قلة الفايدة :mad:
أصلا شكله هالسكر بولد واني ماسويته :thumbs_down:

رسيل كل مااشوف الصوره اللي بتوقيعج اتعذب:badly: ..

حرااام علييج ارحميني .. اموووت على شي اسمه باستا:adore:

وحاليا مانعه نفسي منها علشان السكر وعلشان مايزيد وزني

بس توقيعج يشجعني اتهور واخذ لي بين فتره وفتره:D

بنات بقولكم شغله علشان تتطمنون ان السكر وياكم طبيعي ..

هاااي اختبار تقدرين تسوينه بالبيت .. سوي تحليل قبل الاكل وسجليه بدفتر

وبعد الاكل بساعتين وسجليه بعد .. وامشي ع هالجدول كم يوم بشكل عشوائي

يعني مره جربي تسوينه ع الغدى ومره بالليل ومره ع الريوق ومنه بتعرفين اذا وياج سكر او لااا ..

الطبيعي للحامل قبل الاكل من 95 وتحت .. وبعد الاكل مايزيد على 120 ..

سلام بنات
بالنسبة لجنس الجنين
هل سونار مرة وحدة كافي حتى تخليني أروح أخذ لون التجهيزات ولا لأ رايكم ؟