رجعت لكم بريحة الطيب والعود والعنبر ...
اليوم موضوعي ريحته حلوة ..
:cool::cool::cool:
صورت لكم البخور اللي استخدمه والعود ..
في منه حق المناسبات او الاستعمال اليومي ..
تعالوا معاي خلونا نشوف ..

عود مبخر من أجمل ...

مسوين عليه عرض هالفترة 2 ب 20 دينار ونص تولة مخلط مجانا..

احب ريحته واستخدمه استخدام يومي للطلعات ريحته ثابته ..

عود من محلات الحرمين ..

الحلو فيه انه فيه مقبض تقدرين منه تأخذين العود يعني مايحتاي تستخدمين يدج ..!!

ريحته حلوة وحلو حق اذا عندج ضيوف ..

طبعا انا وايد طايحه فيه استهلاك وذي اللي بقى ..
:D:D:D

عود مع العطر بعد من الحرمين ...

حق استخدام البيت وحق الحجرة حلو وسعره ريخص مو غالي ..

بخور راقية من الرصاصي ..

ريحته جنان بس سامحوني على العفسه ..
ويجي نفس القطع مثل ماتشوفون داخل البوكس ..

معجون العربية للعود ..
عبارة عن بخور ..

وهذا شكله من الداخل عبارة عن غرشه فيها بخور وملعقة تأخذين بها البخور وسعره حلو ب 10 دينار وايد احبه وريحته قوية ..

طبعا ما اقدر استغني عن حبيب قلبي العود المميز من الرصاصي ..

مع العود يجي هدية مقبس للدخون ..

وانصح فيه بقوة للعرايس ريحته ماشاء الله تبط الراس ..

حبته كبيرة يعني ماراح تحتاجين اكثر من قطعه للدخون ..
انا بصراحة مستحيل استغني عنه واحبه موت مدحته وايد هني حق بنات المنتدى ..
في نفس الوقت يصلح حق هدية ...
اتمنى مجموعتي تعجبكم ..
ويكون موضوعي مميز بحضوركم ..
كما وعدتكم انتظروا مواضيعي المميزة دائما ..
لا تبخلون علي بدعواتكم ..
ولا تنسون تقيموني ..
:o:o:o
