ربات بيوت غير بيتنا الرابع

سلام بنات
كيفكم؟

البارح رحنا الاستراحه ، وبصراحه ما انبسطت كثير ،،،
رحنا الساعه 6 ورجعنا الساعه 1 ونص ، تعشينا مشاوي (روووووووووووووووووعه)

المهم ترى صورتلكم البيتزا والكرواسون والحلى ، وان شاء الله انزلها ، بس اصبروا شويه..

مساء الخيرات كيفكم
ماشاء الله التجمع رجع زي أول مشعلل بوجود المحقق كونان
راح الفرح أن شاء الله طفلك شفيع لك والله يعوضك

روري كيفك ليش ما أبسطتي أكيد طفت عليكم الكهربه هههههه

مهاوي كيفك ياعسل وكيف القمر ميووووور أن شاء الله تمام

سلخير الله يعينك على النقل بس ياقلبي ليش ما تآخذي شغاله بالساعه
تساعدك وتخلصي بسرعه

أنثى ياقلبي مبرووووك عالفستان لو أنا مكانك ما أرتاح لحد ماروووح السوق بنفسي وأختار على ذوقي بس حلو جاء على ذوقك
البقيه لكم هذة:087::087::087:

مهاوي هلا بيك ياعسل الله يبارك فيك أيوة صحينا متأخر بس الصلاة ماراحت على زوجي

يـوميــــــــــــاتـي
صحينا متأخر لأن زوجي البارح في العمل لحد الساعه 2رجع على 2ونصف وأنا كنت طفشان شوي
لأن أهلي سافرو وتابعة فيلم واوو :076:على أم بي سي فيلم عربي خالتي فرنسا مضحك وممتع
المهم اليوم بعد صلاة الجمعه جهزة الفطور وبعد الفطور رجع زوجي نام وأنا كنست الصاله:068:
والمطبخ وحطيت وجبة غسيييل وعلى صلاة العصر غفيت لي شوي وصحيت قبل صلاة المغرب
وخرج زوجي وركبت عالقهوة والشاي وسخنت مكرونه البشاميل جاهزة من عشاء البارح
وغلفتها ولبست وعم أستنى زوجي لأننا بنطلع أحنا وزميله بالعمل وزوجته طبعاً
وشيكت عليكم وبحبكم أكتتتتتتتتتتتييير أكتيييير
اليوم بالعصر وأنا نايمه أتصل علي أخوي يقولي أفتحي التي في فيه مغنيه جديدة
رووووعه لاتفوتك ولما فتحت طلعت الصبوحه قلت الله يصلحك هوة في أحلى من كذة أن شاء الله تتزوجها

مساء الخير
ماشاء الله لاقوه الا بالله
مها وش هالتحطيم :lol: انا بقرا على نفسي ولازم اكشخ الكل متحمس يشوف ام رهف المشهوره

المهم بعدكم جات الممرخه ومرختنى مراخ خلت عيونى تصب :'( ياساتر
والحمدلله على كل حال وراحت وجاب زوجى قطوه وفارسيه من اصول مدرى ويش خخخ ولها برقبتها ميداليه معلقه فيها كوره زرقاء جرس واسمها لولو واخر دلع عيالى انبسطوا معها وانا قلقانه على بغبغائي حبيب قلبي لايغار ويزعل
المهم تذكرت افلام كرتون القطوه والكلب والعصفور الاصفر والعجوزه اللى تسوى شعرها كعكعه مسويه محققه خخخ قلت ابصير مثلها انا وعندى سمك صار بيتى حديقه حيوانات
والحين جانى النوم من الصبح ابروح احلل والمستشفى بعيد وزوجى يدرس هناك وصعب اخذ التحليل وارجع البيت وهو عنده اختبارات فيصير اجلس وانطق الين موعدى بالظهر ومجهزه لى كم كتاب ولاب توبي لانه بيبي مايبان صغنون اتسلى فيه والا بتجينى حاله نفسيه وبخلى عيالى صعب اسحب فيهم

ابتسامه انا متعوده الكل يشترى لى مااشترى لنفسي مو ماعندى ذوق بس قناعه شخصيه اهلى كذا مايتعبون معى حتى زوجى بس للبيت وحركات نص كم اكيد انا اتنقى
ولصاحباتى تذكرون ميكى ماوس ليومك هذا على حطت ايدي :lol::lol:
وطبعا بتجى مها وذبحها الفضول تبي تعرف وش اقصد بس مابعلمك صديقاتى يعرفون
وش اقصد :lol::lol:>>> ماسكه نذاله

السلام عليكم ,,

اليوم صحينا 11 ,,راح زوجي يتحمم لصلاة الجمعه وانا أجهز القهوه والبخور ,,

خذا فنجال وحبة تمر وطلع ,,وجلست أحوس في البيت وصحيت عيالي وفطرتهم ,,رجع زوجي كملنا القهوه وراح يجيب غدا ,,

تغدينا ,,حممت عيالي ولبستهم ولبست واستشورت شعري ,,ورحنا لأمه اللي ساكنه برا الرياض ,,

رجعنا الساعه 12 ,,نومت الشله وجيتكم ,,

مهاوي ,,

أحب اللي معشعشين في المنتدى من اليوم ..ويترصدون للي طالع وداخل ,,

حكايه ,,

اللي رقصت اسمها <أ> وهي بنت أخو بنت عمتك ,,رقصها خيالي ماشاء الله ,,الكل انهبل عليها ,,الله يرزقها ويعوضها خير يارب ,,

دانة الم ..

أموت في المدح, أذوب ,تضيع علومي خخخخخخ

راح الفرح ,,

ان شاء الله جاي الفرح ,,وين الثقه بالله وحسن الظن فيه ,,أنا جبت بنت وتوفت وعمرها ثلاث شهور ,,وطلبت من ربي العوض ,,

ورزقني بعدها بنوته قمر بسم الله عليها ,,وبعدها ماشاء الله قمر مثلها ,,وقلت أكيد اني ماراح أجيب أولاد ,,بس ذكرت الرزاق المنان ,,وصرت أطلب ربي في سجودي

وعند الفطور في رمضان وفي كل وقت,, قبل لا أترك المانع طبعا ,,

وبعد ماتركته صرت أكثف الدعاء وأستغفر ,,وياربي لك الحمد رزقني حمودي ..

وزوجك أكيد انه من غير مبالاة قال هالكلام ,,

الله يرزقك ,,وابشري بالخير من ربك ,,

واحمدي الله انه عندك شفيعه يوم القيامه ,,

تنتظرك في جبل تطل براسها وتنادي عليك انتي وأبوها ,,

سلخير ..

وصلتني رسالتك امس ,,بس جوالي مقطوع مايرسل ,,

يوم الثلاثاء عندي حفله في الدار ,,بناخذ النتايج ,,وأصلا زوجي رافض جملة وتفصيلا ,,

الله يسخره لي ..

كوامن ,,

مبروك الطلعه والتمشيه ,,الله يوسع صدرك بالعافيه ,,

جداويا ,,

عسى ماشر وين الغيبات ,

روز

[COLOR=SeaGreen]الصوره اللي حطيتيها حقت قفل الثلاجه

وين ألقاه ,,لأني محتاجته هلللللللبه

الارهابي اللي عندي جاب لي الضغط

وبناتي كل شي يصادرونه مايخلون لي شي

الله يرحم زمان أول كنت أعبي الثلاجه من مالذ وطاب

والحين يلقطونه وينحاشون ورا البيبان وياكلونه ,,آخ بس


[/COLOR]