مشكلتي مع ام زوجي

انا ودي اقول موضوعي بالتفصيل شوي
من تزوجت صار لي شهرين تقريبا و ساكنة في بيت اهل زوجي بغرفة و صالة و حمام لحالي و مسوية لي بالصالة زاوية مطبخ صغير يعني مو للاكلات الثقيلة حق شي خفيف سندويشات, عصير.. بس المدخل عن طريق باب البيت الرئيسي يعني بالمختصر داشة و طالعة عليهم:sick:

الحمدلله من تزوجت ما دخلت في مشكلة مع ام زوجي.. دايما احترمها و من ادخل البيت ابوسها على راسها و بس اطلع هم ابوسها على راسها.. يعني مو مقصرة في احترامها و كل شي تقوله اقول لها انشالله و اتوقع انها راضية عني و الله العالم.

المشكلة الي مضايقتني انها وايد تتدخل بحياتي:'(.. سؤالها اليومي الي انغثيت منه ..وين رايحة؟ من وين جاية؟ ويش حاملة بيدك؟ ليش اليوم راجعة من وقت من الشغل؟ ليش ما تتطبخين لنا؟ ليش ما تقعدين معانا؟ و بعد لو ما عاجبنها شي تقط نغزات و تلمح :(

و هاي الشي مضايقني وااااااااااايد بس ساكته و اذا سألت اجاوبها على اسألتها و لا اخبرها اني متضايقة.. كل شي انشالله و حاضر و على امرج.. بس احس روحي وصلت لمرحلة بنفجر:badly:.. و الي يقهرني زود انها حرمة واعية و فاهمة و مثقفة و حاملة ماجستير و ناوية تكمل دكتوراه:mad:

بعد بخبركم عن شغلة عشان تفهمون الموضوع صح..

انا اشتغل من الساعة 7 و نص الصبح اطلع من البيت و حتى الساعة 6 و لما ارجع من الدوام اجلس معاهم شوي يعني ساعة تقريبا و ادخل ارتب غرفتي و انظفها و بعدين اتجهز لزوجي سواء بيرجع يقعد معاي بروحنا او نطلع شوي و نرجع ننام من وقت يعني الساعة 10 او 10 و نص احنا نايمين لانه يوم ثاني دوامات.

ثاني شي انا ما اطبخ بمطبخهم بس اساعدهم وقت الي يبون يطبخون من تقطيع و غيره.. بسبب الي اشوفه لما زوجة حماي تدش المطبخ و تطبخ.. ام زوجي تتحلطم على كل شي من مواعين, من زيت, من غاز.. فاحسن لي ما استخدم مطبخهم:-#

و غير هالشي ام زوجي واااااااااااايد تغار من امي بكل شي.. لو امي سوت شغلة تركض تسوي مثلها و تتصل لامي تقهرها و تقول لها انا سويت و سويت.. حتى قمت لما تسألني عن والدتي و اخر اخبارها؟ اقول لها الحمدلله زينه و تسلم عليكم و لا شي زود:struggle:

و اخر التطورات امي سوت لي استقبال لي بمناسبة الزواج و اول وحدة دعتها ام زوجي.. مسكينة امي تقول كل شي و لا ام المعرس اهم شي هي تكون موجودة
و ام زوجي قبل كم يوم سوت استقبال لي و عزمت اهل زوجها .. يعني عمات زوجي و زوجات عمومه و لا عزمت امي:mad:.. مع انه امي قايلة لها لما تعزمين عمات المعرس عزميني عرفيني عليهم بما اني ما اعرفهم:thumbs_down:
و حددددددي تضايقت انها ما عزمت امي حتى عمات زوجي كانوا يسألوني ليش ما جت امج نبي نتعرف عليها!!!

و يوم الي تسألني من وين جاية و اقول لها بيت امي.. تقلب وجهها علي و تقط علي نغزات و تلمح و انا اضل ساكتة :'(

انا وايد متضايقة شوروا علي شسوي.. ما ابي اضايق ام زوجي و بنفس الوقت ابيها ما تتدخل بكل شي.. بصراحة احس انه زوجي هو المسؤول عني و هو الوحيد الي من حقه يعرف وين رايحة و من وين جاية .. محد غيره له الحق لا اهلي و لا اهله ... و لا انتو شتقولون؟؟؟