السينابون بطريقة اللف التقليدية + طريقة جذيذة = بالصور

paly;12158959:
اهلين خيتو
منورة الموضوع.. الله يسلمك ويخليك
بالنسبة لسؤالك العجينه هادي مو تطلع طريه زي الكيك ولا تكون يابسة وهدا الحلو فيها
تطلع طراوتها حلوة ومناسبه بس اضاهر طولتي عليها في الفرن
ادا بتعمليها مره تانيه
طولي وانتي تعجني العجينه يعني اعجنيها كتيييير ولو عندك عجانة يكون افضل
وكمان اهم شيييييي بعد ما تجهزيها وتقطيعيها خليها ترتاح قبل ما تدخليها الفرن
وخلي الفرن على درجة حرارة متوسطة وخليها بالضبط 15 دقيقة وطفي النار وولعي العين من فوق شوية بس وانتي واقفة عندها لانها تحمر بسرعه
وكمان اول ما تجهز طلعيها من الفرن لا تخليها على الحرارة وتغطي عليها بمنشفة نضيفة حتى تحتفظ بطراوتها وومكن تسقيها بالخلطة البيضاء وهي طالعة من الفرن وتغطيها بالمنشفة حتى وقت التقديم تحطي الهيرشي من فوقها
وادا تبيها طريه مره مره جربي بعجينة العشر دقائق بس نقصي الكميه او اقسمي المكونات بالنص لانها كتيييير واستخدمي للحشو سكر بني لانه يزيد من طراوة السينابون
الله يكون في عونك على قرقرتي :o
وادا احتجتي اي شي انا في الخدمه
ومنورة ياحلوةF: