عروسه محتاسه ساعدوني

ياقلبي علييييك انت زيي أنا زواجي آخر شهر سبعة ومحتاسة عندي سؤال مرة محرج ومقدر أسأله أحد وكمان جدول جهازي لسة ماكملته ومحتاسة للآخر آآه غير كذا بسأل كم لبس للخرجة أشتري وترا طلعاتي مو كثير لأن أهلي وأهله قليل وشهر ثمانية نصه في العسل وهو رمضان وقبله بفترة بسيطة حيجوني الناس
وكم شنطة ؟؟ وبسأل العروسة عادي تهببب في الشنط يعني تاخذ الشنط الكبيرة عادي ولا الصغيرة
وكم جزمة كعب وكم كوتش وكم جزمة ماسحة مريحة مع ملاحظة اني صغيرونة يعني أكثر في الكعب ولا لا؟؟

ههههههه يعني العرايس كلهم بيحوسو زي كدا,
شوفي لاتكثري بالملابس أقولك أنا كيف رتبت لبسي أشتريت تقريباً5 بناطيل و5 بلايز بس فخمه ونعومه يعني حتى تنفع للأعياد وأشتريت فستانين نعومه وفخمه بنفس الوقت يعني طويله مو قصيره ومره شكلها حلو ومرتب
وأشتريت تقريباً 3 تنورات وعليها كم بلوزه أنا طقمتها لاني ما أحب الاطقم الجاهزه وبالنسبه للجزم اشتري الوان محايده زي البيج والبني والاسود والفضي انا اشتريت زي كدا لانها بتمشي مع اي شي وادا حبيتي تشتري الوان تانيه ما فيه مشكله بس اهم شي تاخدي الالوان الاساسيه لانها هيا اللي بتستفيدي منها ويعني كعبها يكون مناسب مو طويل مره ولا قصير , وأشتريت كوتش واحد للسفر ههههه بس واحد لاني ماراح استفيد منه كثير ,و2 جزمه سحاب.والشنط أكيد تشتري شنط مناسبه موكبيره ولا صغيره يعني وسط دي تكون للخرجات أما للمناسبات مثلاً عزيمه أو أي شي فيه شنط صغيره وحلوه يعني بتشيل لكِ الجوال وروج وكحل هههههه وانتي طقميها مع الفستان اللي بتشتريه بس افضل شي اسود او فضي او ذهبي.
إن شاء الله أكون أفدتك....
ننتظر المتزجات ينصحونا....

أأأاخ بس والله حايسة