قصه ولادتى

السلام عليكم يا اخواتى هحكيلكم قصه ولادتى انا كان المفروض اولد يوم 3/6 بس اخذت اسبوعين من التاسع يعنى ولدت يوم الاحد اللى فات بس مكنتش عامله حسابى على ولاده كنت تعبانه شويه وروحت عند الدكتوره وقالتلى فيكى طلق والرحم مفتوح معاكى لبكره تجيلى تولدى كنت فرحانه اوى انى هولد وقعدت طول الليل تعبانه وفيا الوجع وزاد عليا تانى يوم العصر اخذت شنطه هدومى وروحت انا وجوزى ومرات ابوه جوزى لان امى مكنتش لسه جت من السفر واول لما الدكتوره كشفت عليا الميه نزلت ودخلتنى على طول غرفه الولاده بس تعبت اوى لان بنتى كانت راسها مقلوبه وهيه قاعدت نصف ساعه او اكتر عشان تعدلها بس كنت بموت وبعد ما عدلتها ادتنى بنج عشان الراس تنزل وبعد ما فوقت لقيت نفسى لسه فى غرفه الولاده ولقيت مرات عمى وقفه بسالها فين بنتى قالتلى مع ابوها بس حسيت فى حاجه غريبه طلعت لقيت جوزى متغير فبقوله فين بنتى قالى ربنا يخليلك مازن ورنا بقوله يعنى ايه قالى ماتت هو قال كده وانا كل فرحتى اتقلبت حزن لان تانى بنت تموت منى بعد الولاده واللى صدمنى اكتر انهم قلولى لن كان عندها تشوهات والقلب كان فى اليمين وتشوهات فى الاطراف مع ان مبنش فى الاشعه كل ده خدناها وروحنا البيت مش قادره انسى شكلها من يومها وشوفتها وهما بيغسلوها ويكفنوها كنت بموت ربنا ما يورى اى واحده اللى انا شوفته ابدا ويقوم كل وحده بالسلامه ادعولى لانى تعبانه ويقومقم بالسلامه يارب:'(