بتعرفى تنضفى بيتك كويس وحتى لو مبتعرفيش تعالى اتعلمى معانا ...

صوت العيون;12238116:
طيب هو الشفاط مايه وكلور بس

نفس السؤال

لعلمك غسيل شفاط فوق البوتجاز صعب برده
ولاحظى انه عالى ومش بيتفك تقريبا

hoobie;12233611:
ميرسي يا بنات انا ناويه اجيب الممسحه اللي بايد استانليس لان كذا حد بيشكر فيها رغم ان قالولي بتتقطم بس هاحاول ابقى حونينه معاها ..اصل الشرشوبه دي قررررف

قصدك ايه على الممسحة دى و فعلا الموب زبالة

praivet;12238086:
عندي مشكلة يابنات في المطبخ
ان البتوجاز بعيد عن الشباك والشفاط فدايما بحس ان كل حاجة في المطبخ بتتوسخ وتزيت فاهميني؟؟؟
فحاليا مغطية التلاجة من فوق بمفرش وبشيلة اغسلة كل شوية واتضطريت اشي كل حا جة كنت حطاها عشان كده مش سايبة غير الهيتر بتاع الماية بس
اعمل اية في المشكلة دي

حاجة كمان بتنضفو زراير البتوجاز ازاي

نفس المشكلة و كمان مطبخى امريكان

praivet;12238131:
داانا بفكر اجيب الشفاط اللي بيتركب فوق البتوجاز عشان كده

وانا فعلا بنضف بس اكيد مش كل يوم هغسل كل حاجة متعلقة في المطبخ واكسسوارات المطبخ وكل حاجة على ترابيظة المطبخ دة كده يبقا كتير والله :badly:

انا عندى الشفاط ده و مش بيسحب كل الدهون

صوت العيون;12251637:
لعلمك غسيل شفاط فوق البوتجاز صعب برده
ولاحظى انه عالى ومش بيتفك تقريبا

بيتفك بس فعلا تنضيفه صعب

طب يا بنات مانتجمع احسن في نظافة البيت عشان كدى تشتت جامد اوي ..فكروا كدى

الجيل الاخضر ده تحفه بجد انا بستعمله للبوتاجاز وللحمام ولاي مكان بيشيل الدهون وبيخلي الريحه روعه وتركيزه عالي جدا يعني بيقعد كتيير وفكرة الكومبينيشن دي قريتها قبل كدى وعاوزه اجربها

تقصدى جل العملاق

الجيل الاخضر ده اسمه ايه ؟

ماشاء الله...موضوعكم روووووووووووووعه....
عساكم عالقوه دوم مو يوم...

موضوع حلو اوى معاكم ان شاء الله

شباك المطبخ عندى خشب للأسف ومتبهدل دهون لانى اهملت فيه جامد وهو فوق البوتاجاز
عايزة اسهل واسرع وانظف طريقة عشان انظفه
اعايزة حاجة تجيب من الاخر وماضيعش فيه وقت جامد

يااااااريت

hoobie;12233611:
ميرسي يا بنات انا ناويه اجيب الممسحه اللي بايد استانليس لان كذا حد بيشكر فيها رغم ان قالولي بتتقطم بس هاحاول ابقى حونينه معاها ..اصل الشرشوبه دي قررررف

انا جايبه سويب اند موب حلوه اوى وغيارها رخيص ب 10 جنيه يعنى :thumbs_up:

praivet;12238131:
داانا بفكر اجيب الشفاط اللي بيتركب فوق البتوجاز عشان كده

وانا فعلا بنضف بس اكيد مش كل يوم هغسل كل حاجة متعلقة في المطبخ واكسسوارات المطبخ وكل حاجة على ترابيظة المطبخ دة كده يبقا كتير والله :badly:

انا عندى التلاجه لازقه فى البوتجاز لضيق المساحه وكن كل يوم اغسل التلاجه من بره واللعب اللى عليها دى لما زهقت روحت جايبه عارفه السلوفان الشفاف دا

بقيت الزقه على التلاجه والحيطه اللى حوالين البوتجاز وعلى زراير البوتجاز

وكل اسبوع اشيلهم ارميهم واحط غيرهم :thumbs_up:

monyfofo;12230900:
انا عاوزه انضف تحت البوتاجاز اصل هو رجله قصيره عشان الشباك فمش بعرف ادخل تحته مقشه ولا مساحه انضف تحته ازاى بقى وطبعا مش عارفه احركه

استخدمى طريقة ستى وستك -------> الــخـــيـــشـــــه

انا علطول بعمل كدا :thumbs_up:

*pippo*;12294620:
شباك المطبخ عندى خشب للأسف ومتبهدل دهون لانى اهملت فيه جامد وهو فوق البوتاجاز
عايزة اسهل واسرع وانظف طريقة عشان انظفه
اعايزة حاجة تجيب من الاخر وماضيعش فيه وقت جامد

يااااااريت

بصى نفس مشكلتك لانى وانا حاملمكنتش بنضف تنضيفات جامده وكان ليا عزرى

دلوقتى طبعا مليش فا انا نضفته بسفنجه ومايه وايريال


بس بصى حطيت السفنجه فى المايه والايريال وغرقت الشباك كدا وبعدين سيبته 5 دقايق ورجعت دعكته تانى زى ماهو

وسيبيته تانى شويه ودعكته

عشان لو دعكت جامد مره واحده شباك المطبخ هيتشال عنه الدهان بتاعه


او لو معمول البتاع اللى بيلمع دا هيتشال بردو عنه

فا بشويش وبعد كدا بقيت اخلص المواعين واروح عليه هو كمان وبقى روتييين :thumbs_up:

انهارده بقى انا عملت حمله كبيره على البيت

قولت بما انى مش هطبخ (كلنا مكرونه امبارح )


روحت منضفه الحمام الكبير والصغير والمطبخ والانتريه والاوضه الصغيره واوضة النوم والكوريدوووووور

فاضل الصالون والسفره

بصراحه مقدرتش


ربنا يقومينى واعملهم بكره يارب

اوكى يا بسبس هجرب ان شاء الله
انا كمان عايزة انظف الشقة تنظيفة حلوة كده قبل مانزل الشغل :(
ممكن بقى نتفق سوا
انا بدأت النهاردة شوية فى المطبخ
بكرة ان شاء الله اكمله واعمل الريسبشن ولو خلصتهم هدخل على الاوضة الصغيرة ان شاء الله

اه يا بنات تعالو نتفق على موضوع التنضيف دة
ان شاء الله ربنا يسهل واحاول انضف الضلف من جوا بكرة باذن الله

السلام عليكم ورحمة الله وبركاته
موضوع حلو اوووى يا مورو جزاكِ الله خيرا
بس الميزان مش راضى يقيم
بالنسبه للشفاط
فكيه و حطيه فى مايه سخنه فى الحوض معاها حبة كلور و صابون سايل و سبيه يتنقع ساعه او ساعتين و بعدين طلعيه نشفيه و ركبيه
هيبقى جميل ان شاء الله

ياريت يا بنات نتفق فعلا انا عن نفسي عملت جدول للنضافه و الحمد لله هو خفيف خفيف
بس مريحنى و جميل
وعندى يومين اجازه فى الاسبوع الجمعه و السبت مش بهوب ناحية الشقه
بس انا مش هقدر ادخل على طول عشان الامتحانات اخرى يومين فى الاسبوع

أم يـاسـيـن العسل;12295731:
استخدمى طريقة ستى وستك -------> الــخـــيـــشـــــه

انا علطول بعمل كدا :thumbs_up:

زمان كنت على طول مش بمسح غير بالخيشه والله كانت تحححححححححفه
ده وقت ما كان عندنا بلاط
و لما حطينا سيراميك بقيت استسهل و امسح بالشرشوبه المقرفه واللى بكرهها
بجد وحشه اووووووووى و بتعمل ريحه وحشه خالص
و نفسي الاقى بديل ليها
بفكر ارجع للخيشه تانى و اهى رياضه

يا سلام
كلام جميل ومعقول
فعلا اول حاجه الخيشه بجد
وهقلكم عملت ايه الحمد لله
عندى المنطقه كلها بنى جديد تمام
الشقه بتترب بسرعه جدااااااااااااااااااااااااااااااااا
يعنى امسح وادور وشى اخد نفس ادور الاقى تراب الحمد لله

للعلم قبل ما ادور ههههههههههههه

المهم
عملت حمله نضافه الحمد لله
التنضيف بقا الحمله يبقا مسح بالخشيه وكل يوم بقا اعيد بالممسحه بتاعه تميمه اغسلها تحت الحنفيه وتبقا منديه خفيف امسح
وطبعا بالفوطه الازاز والرخام الحمد لله
بس

انهارده نضفت المطبخ الحمد لله لسه فيه الشفاط والشباك ان شاء الله
ان شاء الله هجرب طريقتكم

بتاعه المايه السخنه والكلور ويارب ينضف احسسن مفيش حيل ادعك حاجه الحمد لله

جربت موضوع عيون البوتاجاز بالمايه والخل على النار
بس حسيتها شويه شويه هتاكل العيون من الخل
فقلت اهى مره واحترم نفسى واتابعه اول باول مايه وصابون ان شاء الله

الى بيضيقنى لو حاجه فارت مع سخنيه العين بتعمل طبقه مسوده

يلا الحمد لله



محدش قال الى بتتكلموا عنه انه بينضف كل حاجه
وبيتحط فى الكومبنيشن
قريت انه جل العملاق الاخضر صح ولا ايه

محدش يعرف مكوناته
بما انه زى ما بيقولوا بينضف كويس اوى
احسن يكون فيه مايه نار