نوم طفلي <<<<راح يكون السبب بجنوني

الله يكون بعوووونج بس يمكن السبب هالنوم المتقطع الي ينامه ليش ما تحاولين معاه انه ينام مرتين في اليوم و بس ينام الليل و العصر

يعني خليه وقت ما تشوفينه فيه نومة نوميه انا حاسة فيج يمكن من تعبج معاه تبينه ينام بأسرع وقت عشان انتي ترتاحين

حاولي معاه وشوفي شنو يصير نظمي نومه قد ما تقدرين هذا الشي بإيدج انتي

واذا ما فاد معاه وديه الدكتور و شوفي شنو السبب

آآآآآآآآآآآخ ثره في اطفال مثل بنتي

الله يعينا يارب

سويت كل اللي قالولج اياه البنات ومافي فايده وفطمتها الحين وبعد مافي فايده

اتخيلي بنتي عمرها سنه واربع شهور ولين الحين ماتنام مثل باقي الاطفال

احس اني مرات بصارخ عليها لين ماانطر من الصريخ والله دايما تمر علي ايام وانا ابكي دموع من السهر ليتنا نسهر في الليل بس لا سهرنا ليل ونهار واذا بحاول اخليها ماترقد ابدا في النهار يضربها اقهاد كم يوم ماترقد تقتلني

اتخيلي لين ماصار عمر بنتي 6 اشهر وانا ولا مره رقدت ساعتين على بعضهن البعض واول شهورها كنت اتمنى انام لو بس ساعه وحده كامله كانت على الربع ساعه والعشرين دقيقه توعي وماترضى ترجع تنام ولين ماكملت ست اشهر وانا انام بس 3 ساعات في 24 ساعه وإذا كثرت بالكثير 4ساعات بعد ليت هالثلاث ساعات متواصله لا في الاحلام احسب حتى غفوة العشر دقايق والعشرين دقيقه واجمعهن ويوصل مجموعهن خلال 24 ساعه 3ساعات بس ونادرا 4 فقط لا غير

حتى ياني اقهاد لما تنام اظل منسدحه احاول انام مااقدر لين ماتوعي

والحين وعمرها سنه واربع شهور حزري كم ترقد في 24 ساعه مجموع نومها 7ساعات وليتها متواصله ثلاث ساعات وتوعي وظل واعيه ساعات وبعدين ساعتين زائد ساعتين الظهر يوصلن 7ساعات وإذا كثرت أحيانا ومع غفوة النهار يوصل مجموع ساعات نومها 9ساعات بالكثيير وهني احمد ربي واشكره واقول ان شاء الله تتحسن وتنام زين

بس لاحظت لما يكون فيها زكام واعطيها دوا الزكام ينومها شوي بس زياده

الحين انا حامل شو بسوي لما اربي بسهر على هذا ولا هذاك

هههه كتبت موضوع كامل من حرتيه

على فكره عندي سؤال كيف حملتي بولدج طبيعي ولا بعلاج واستخدمتي مثبت ولا لا وقت الحمل

ماادري افكر هالشكل لاني حملت ببنتي بالعلاج واستخدمت مثبتات يمكن هالشي إله علاقه
ردي علي لو سمحت عالخاص

وسمحيلي طولت عليج ماعليج إلا الصبر او حاولي تودينه المستشفى وشوفي شو يقولون ماادري الحال من بعضه وماحصلت حل لبنتي

حتى اليوم من الضيقه ضربتها وبعدين تلومت فيها

ودوم ادعو لها عسى يتعدل رقادها