بنات محتاااره ارجوكم تعالوا قولو لي

حبيبتي انتي شعلييج من الناس اهم شي انتي وابوه عاجبكم الاسم واهم مردهم بتعودون عليه وبصير عادي
نفس سالفة قريبتي سمت بنتها ريان وكان وقتها قليل اللي يسمون هلاسم ماكان منتشر فكان غريب ع الكل والكل اعترض وقال لها شنو هلاسم سميتيها فاطمة او مريم ومن هلاسامي رغم ان معنى ريان جميل لكن تفكير مجتمعنا شوي غريب بنسبة لهم اي اسم غير الاسامي التقليديه تعتبر كريهه وكله يحتجون ويعارضون عليها واللحين كبرت ريونه وصارت مره والكل عاجبه الاسم وخلاص تعودو عليه...
فانتي إذا متقنعه بالاسم ماعليج من احد ورضى الناس غاية لا تدرك ...
سامحيني طولت عليج بس هذا رايي صحيح اسم نبراس غريب بس حلو ولا تضايقيين من كلامهم ولا شي كل واحد وذوقه وكيفه باسامي عياله اهم خل يسمون عيالهم بكيفهم وانتي وزوجج سمي ولدج بالاسم اللي تبينه محد له شغل في اسم ولدج غيرج انتي وابوه اهم شي انه اسم مو قبيح ولا يسئ للولد بمعناه او لفظه فما اشوف اي اشكال او داعي انج تغيرينه عشانهم!!

خيو الاسم حلو بس لان الناس مو متعوده على ها الاسامي ام نبراس ابو نبراس
اهم شي اتكونين مقتنعه فيه اني لين يسئلون عن اسم ولدش اقولون لي جنه اسم ينت مو ولد اقول ليهم اهم شي هي مقتنعه اني فكرت هذا الاسم من مخش ما اتوقعت ان زوجش عنده سوالف جدي اتاري امخوخكم مثل بعض
بس اذا اصريتين عندش عبدالله احلى

المشكلة حتى زوجي صاير في صفهم يناديه عباس مع انه اهو مختار الاسم :(

الاسم حللوو ... بس اذا انتني مقتنعة فية وابوة مقتنع لا تغيرينة .... اسم بنت خالتي نبراس... شكلة الاسم للبنات والصبيان ....

يتوم;12125759:
المشكلة حتى زوجي صاير في صفهم يناديه عباس مع انه اهو مختار الاسم :(

مسكين جذي بتجننون الياهل خصوصا لي كبر وبدأي يفهم اسمه شي والناس ينادونه باسم ثاني بس حتى لو فرضنا انج بتغيرينه انتي اصلا ما تبين عباس وتقوليين مستحيل تغيرينه لعباس فلو غيرتيه مثلا لعبد الله بظلون ينادونه عباس لان مثل ما قلتو ابوه ماكان يبي عبد الله او يوسف ومن الاسامي اللي اقترحتيهم فبتم نفس المشكله...
انتي قعدي مع زوجج وتفاهمو ع ان يا تخلونه نبراس والكل يناديه نبراس
يا تختارون اسم ثاني اثنينكم موافقين عليه وعاجبكم وتنادونه بنفس الاسم احس مو حلو تسمونه شي وتنادونه باسم ثاني يتشتت الياهل ذكرتيني بقصة طفل في اول ابتدائي تناديه المدرسه باسمه ما يرد :confused:طلع الياهل ما يعرف اسمه لان ينادونه في البيت باسم ثاني واهو متعود ع الاسم الثاني مع ان اسمه الرسمي غير فمن اللحين تناقشي مع زوجج وحلو الموضوع قبل لا يكبر الولد

ilshj;12125753:
خيو الاسم حلو بس لان الناس مو متعوده على ها الاسامي ام نبراس ابو نبراس
اهم شي اتكونين مقتنعه فيه اني لين يسئلون عن اسم ولدش اقولون لي جنه اسم ينت مو ولد اقول ليهم اهم شي هي مقتنعه اني فكرت هذا الاسم من مخش ما اتوقعت ان زوجش عنده سوالف جدي اتاري امخوخكم مثل بعض
بس اذا اصريتين عندش عبدالله احلى

لا انا كنت ابيه عبد الله - يوسف - سلمان

هذي الاسامي اللي كانت في مخي بس لانة اهو يبي اسم عباس وانا ما ابيه ومو مقتنعه خير شر فلذا قال يازعم اسم نبراس قريب الى عباس :(

وثانياً اسم نبراس يقولون حق بنية بس اذا فكرتي فيه وفي معانيه بيطلع مذكر مو مؤنث ..

حبيبتي اولا الف مبرووووووووووك ع النونو

ثانيا الاسم حلو بجد ومختلف

بس انتى اتكلمي مع زوجك وقوليله انك بتزعلي عشان هو بيناديه عباس

وعشان كدة انتى عاوزة تغيريه

وهو اكيد مش حايرضى يزعلك خصوصا وانتى لسة قايمة من ولادة

وبعدين الناس حاتفضل شوية كدة ف الاول عشان الاسم غريب وبعدين حايتعودوا وينادوه باسمه عادي...بجد صدقيني ده اللى بيحصل...

ووالله الاسم عجبني اوي ولايق على ولد مش بنت

بوسيلي النونو بقى بوسة كبيرررررررررة

وولا تزعل يا جميل

اتفقنا؟؟

الله يهدي النفوس ... واهم شي الولد يكون من الذرية الصالحه يا رب

الله يخليه لك يارب وتبلغي فيه ............واسم نبراس بمجتمعنا صاير بنوتي شوي ،،عموما ترى عباس وااايد حلو ومنتشر هالأيام بكثرة ،،،

والأسماء الي عندك هم عبدالله ويوسف روووووعة واحلى بكثير من نبراس فإذا ناوية على التغييير اختاري يوسف حلوو وناعم

الأسم وااااجد حلو ولحد يقص عليكم

خيووو شعليش من الناس؟

اهم شيء انتوا اللي اخترتوا الاسم بقناعتكم وعاجبنكم

وهو ولدكم مو ولدهم!!

اني حامل وللحين مارسينا على اسماء بس اذا احد علق الي .. بقول اليهم:

جيبوا وسموا :02:

اللحين نبراس اسم بنات عندنا
سمحي لي حبيبتي احد يخلي اسم عباس ابو الفضل ويسمي نبراس
وش فيه اسم عباس كله خير والله

بالعكس اسم نبراس مره جميل ومن الاسماء الخفيفة

ماعليك منهم ترى الى يوم القيامة بيسخرون وحتى لو سميتيه عباس لو اي اسم

لانه مادام سخروا من نبراس وهو اسم جميل بيسخروا من اي اسم ثاني

فانا اقول لك خلي ولدك يكبر وهو اسمه نبراس ويقتنع فيه ولا تسميه اسم ثاني ويتعقد البيبي

صراحة ابن خالي اسمه نبراس والكل اعجب بالاسم

ماعليك منهم ولا تسمعين كلامهم ولاتخليهم يأثرون فيك

وعلى فكره انا مختاره لبنتي (اللي بعدها ماتجي) اسم وانا مقتنعة فيه وقلت مابقوله لاحد لانه عارفه بيقولوا شوفوا سمت بنتها ,,,,, وبيسخرون بس مو مهم

المهم البنت يكون اسمها جميل مو تكبر وتتعقد او يكون اسمها مكرر 4242 مره في العائله

ومع ذلك لما قلت لاخواتي اعجبهم بس ماقلته لاحد غيررهم عشان لايسرقونه هههههههه

ابيه مميز

<<الاخت اختارت اسماء اولادها كلهم من ايام الخطوبة ههههههههههههههههههه

اني في رايي مدام ابوه والكل يناديه عباس خلاص بدلي اسمه لعباس مدام توه صغير وخلااص لانة جدي مسجل باسم وينادونه باسم عباس يعني الاسم الي بينشهر فيه هو عباس صح؟؟ وبيظل اسم نبراس للرسمية فقط ليش هاللفة الطويلة خلا ص غيري لاسم عباس وانتين بتتعودين عليه وصدقيني اسم عباس حليو وخفيف ويناسب جاهل ورجال

وبصراحة عندي عباس احلى من نبراس بالف مررررررررة مافي مجال مقارنة وعلى فكرة هالاسم انشهر للبنت اكثررر
صدق يوسف وعبدالله احلى من عباس بس بعد عباس احلى من نبراس

لا تضايقين ولا شي اهم شي الاسم عاجبكم انتي وابوه ومع الايام مصيرهم بيتعودوا على الاسم

وترى نبراس اله معنى ثاني وافتخري فيه خيه

الاسم حلو لا تغيريه ولا شي واهله اخرتها راح يتعودوا

احنا عندنا نبراس يتسمى للبنات
مو حلو تسمين ولد بإسم ينت
الاولاد دائماُ لهم الاسماء الرزه
وياكثرهم .. واسم عباس حلو وحتى يوسف وعبدلله وسلمان كلها اسماء حلوة

حبيبتي الأسم واااااااااايد حلو

بعدين ما عليش من النااااااس لأن رض الناس غايه لا تدرك

والولد ولدج مو ولد النااااس انتي الي اكثر شي راح تنادينه فلا يهمونج الناااااس ولا تسمين اسم مو مقتنعه منه

با العكس خلج قويه واذا نادوه بأسم غير قولي لهم اسمه نبرااااااااس مو شي ثانيه وانا عاجبني الأسم ومقتنعه فيه

وصدقيني مع الأيااااااام راح يسكتوووووووووون